ಇನ್‌ಸ್ಟಾಗ್ರಾಮ್‌ನಲ್ಲಿ ಸ್ಕ್ರೀನ್‌ ಶಾಟ್‌ ತೆಗೆಯುವ ಮುನ್ನ ಯೋಚಿಸಿ!

ಹೊಸದಿಲ್ಲಿ: ಇನ್‌ಸ್ಟಾಗ್ರಾಮ್‌ನಲ್ಲಿ ಚಿತ್ರಗಳ ಸ್ಕ್ರೀನ್‌ಶಾಟ್‌ ತೆಗೆದು ಯಾವುದೇ ಇಮೇಜ್‌ಗಳನ್ನು ನಾವು ಪಡೆದುಕೊಳ್ಳಬಹುದು. ಆದರೆ ಇದಕ್ಕೂ ಅಂತ್ಯ ಹಾಡಲು ಮುಂದಾದ ಸಂಸ್ಥೆ, ಇನ್ನು ಮುಂದೆ ಯಾರಾದರೂ ನಿಮ್ಮ ಚಿತ್ರವನ್ನು ಸ್ಕ್ರೀನ್‌ಶಾಟ್‌ ತೆಗೆದರೆ ನಿಮಗೆ ನೋಟಿಫಿಕೇಶನ್‌ ಬರುತ್ತದೆ.


ಇನ್‌ಸ್ಟಾಗ್ರಾಮ್‌ ಬಿಡುಗಡೆ ಮಾಡಿತ್ತಿರುವ ಈ ಹೊಸ ತಂತ್ರಜ್ಞಾನದಲ್ಲಿ ನಿಮ್ಮ ಚಿತ್ರ ಅಥವಾ ಸ್ಕ್ರೀನ್‌ ಅನ್ನು ಯಾರೇ ರೆಕಾರ್ಡ್‌ ಮಾಡುತ್ತಿದ್ದರೂ ಅದು ನಿಮಗೆ ಅಲರ್ಟ್‌ ಮಾಡುತ್ತದೆ. ನಕ್ಷತ್ರ ಮಾದರಿಯ ಐಕಾನ್‌ನಲ್ಲಿ ಈ ಅಲರ್ಟ್‌ ಫೀಚರ್‌ ಇದ್ದು, ಸ್ಟೋರಿ ವ್ಯೂ ಬಳಿ ನೀವದನ್ನು ಗಮನಿಸಬಹುದು.

ಈ ಹಿಂದೆ ತುಂಬ ಆಕರ್ಷಕವಾದ ಬರಹದ ಮಾದರಿಗಳನ್ನು ಬಳಸಿಕೊಳ್ಳುವ ನೂತನ ಗುಣಲಕ್ಷಣವನ್ನು ಸೇರಿಸಿತ್ತು. ಈ ಫೀಚರ್‌ ಪ್ರಕಾರ ಪರಿಣಾಮಕಾರಿಯಾದ ಹಿನ್ನೆಲೆ ಪರದೆಯನ್ನು (ಬ್ಯಾಕ್‌ಗ್ರೌಂಡ್‌) ಹಾಕಿಕೊಳ್ಳುವುದು, ತಮ್ಮ ಬರಹಕ್ಕೆ ಪೂರಕವಾದ ಫೋಟೊ, ವಿಡಿಯೊವನ್ನು ಕೂಡ ಇರುವಂತೆ ಮಾಡಲಾಗಿತ್ತು.