Chrome: ಗೂಗಲ್ ಕ್ರೋಮ್‌ ಬ್ರೌಸರ್‌ನಲ್ಲಿ ಪ್ಲೇ-ಪಾಸ್ ಆಯ್ಕೆ

ಜನಪ್ರಿಯ ಬ್ರೌಸರ್ ಗೂಗಲ್ ಕ್ರೋಮ್‌ನಲ್ಲಿ ಹೊಸದಾಗಿ ವೀಡಿಯೋ ಪ್ಲೇ ಮಾಡುವಾಗ ಪ್ಲೇ ಮತ್ತು ಪಾಸ್ ಆಯ್ಕೆಯನ್ನು ಪರಿಚಯಿಸಲಿದೆ.
ಬ್ರೌಸರ್‌ನಲ್ಲಿ ಗೂಗಲ್ ಕ್ರೋಮ್ ಸ್ಟೋರ್ ಮೂಲಕ ಎಕ್ಸೆಟೆನ್ಶನ್ ಅಳವಡಿಸುವ ಆಯ್ಕೆ ಇದೆ.

ಆದರೆ ಅದರ ಹೊರತಾಗಿ, ಸ್ವತಃ ಗೂಗಲ್ ಇದೀಗ ಬ್ರೌಸರ್‌ನಲ್ಲಿ ವೀಡಿಯೋ ಪ್ಲೇ ಆಗುತ್ತಿರುವಾಗ ಅದನ್ನು ನಿಯಂತ್ರಿಸಲು ಟೂಲ್‌ಬಾರ್‌ನಲ್ಲಿಯೇ ಆಯ್ಕೆ ಇರಲಿದೆ.

ಈ ಕುರಿತ ಆಯ್ಕೆಯನ್ನು ಗೂಗಲ್ ಪರಿಚಯಿಸುತ್ತಿದ್ದು, ಪ್ರಸ್ತುತ ಪರಿಶೀಲನೆಯ ಹಂತದಲ್ಲಿದೆ.

ಇದರಿಂದ ಯೂಟ್ಯೂಬ್ ಅಥವಾ ಇತರ ಯಾವುದೇ ವೆಬ್‌ಸೈಟ್‌ನಲ್ಲಿ ವೀಡಿಯೋ ನೋಡುತ್ತಿರಬೇಕಾದರೆ, ಅದನ್ನು ಪ್ಲೇ ಮಾಡಲು ಅಥವಾ ಪಾಸ್ ಮಾಡಲು ಸಾಧ್ಯವಾಗುತ್ತದೆ. ಜತೆಗೆ ಕ್ರೋಮ್ ಬ್ರೌಸರ್‌ನಲ್ಲಿ ಆಡಿಯೋ ಪ್ಲೇ ಆಗುತ್ತಿರುವಾಗಲೂ ಈ ಬಟನ್ ಕೆಲಸ ಮಾಡಲಿದೆ.