Chrome: ಗೂಗಲ್ ಬ್ರೌಸರ್ 500 ಕೋಟಿ ಇನ್‌ಸ್ಟಾಲ್

ಗೂಗಲ್‌ನ ಜನಪ್ರಿಯ ಬ್ರೌಸರ್‌ ಕ್ರೋಮ್‌ ಇದೀಗ 500 ಕೋಟಿ ಇನ್ಸ್‌ಟಾಲ್‌ಗಳನ್ನು ಕಂಡಿದೆ. 500 ಕೋಟಿ ಇನ್ಸ್‌ಟಾಲ್‌ ಕಂಡ ಗೂಗಲ್‌ನ ಐದನೇ ಆ್ಯಪ್‌ ಇದು. ಇದಕ್ಕೂ ಮೊದಲು ಜಿಮೇಲ್‌, ಯುಟೂಬ್‌, ಗೂಗಲ್‌ ಮ್ಯಾಪ್ಸ್, ಗೂಗಲ್‌ ಸರ್ಚ್‌ ಆ್ಯಪ್‌ಗಳನ್ನು 500 ಕೋಟಿಗೂ ಹೆಚ್ಚು ಬಾರಿ ಜನರು ಇನ್ಸ್‌ಟಾಲ್‌ ಮಾಡಿಕೊಂಡಿದ್ದರು.

ಬಳಕೆದಾರರಿಗೆ ಇನ್ನೂ ಹೆಚ್ಚಿನ ಅದ್ಭುತವಾದ ಅನುಭವವನ್ನು ನೀಡುವುದಕ್ಕಾಗಿ ಗೂಗಲ್‌ ಸಂಸ್ಥೆಯು ಕ್ರೋಮ್‌ ಬ್ರೌಸರ್‌ಗೆ ಅನೇಕ ಹೊಸ ಫೀಚರ್‌ಗಳನ್ನು ಪರಿಚಯಿಸಿದೆ.

ಪಾಸ್‌ವರ್ಡ್‌ ಜನರೇಟರ್‌, ಫೈಲ್‌ ಷೇರಿಂಗ್‌ ಮತ್ತು ಜನಪ್ರಿಯವಾಗಿರುವ ಡಾರ್ಕ್‌ ಮೋಡ್‌ಗಳು ಕ್ರೋಮ್‌ಗೆ ಹೊಸ ಮೆರಗು ತಂದಿವೆ.

ಇತ್ತೀಚೆಗಷ್ಟೇ ಗೂಗಲ್‌ ಸಂಸ್ಥೆಯು ಗೂಗಲ್‌ ಕ್ರೋಮ್‌ನ ಹೊಸ ಎಕ್ಸ್‌ಟೆನ್ಶನ್‌ ಪರಿಚಯಿಸಿದ್ದು, ಆತಂಕ ಸೃಷ್ಟಿಸುವ ಪೇಜ್‌ ಕುರಿತು ರಿಪೋರ್ಟ್ ಮಾಡಬಹುದಾಗಿದೆ.

ಇಂಟರ್ನೆಟ್‌ನಲ್ಲಿ ಬ್ರೌಸಿಂಗ್‌ ಮಾಡುವಾಗ ಅನುಮಾನಸ್ಪದ ಸೈಟ್‌ಗಳನ್ನು ಪತ್ತೆಯಾದರೆ ಅವುಗಳನ್ನು ಬಳಕೆದಾರರಿಗೆ ತಿಳಿಸಿಕೊಡುತ್ತದೆ ಈ ಫೀಚರ್‌. ಇತ್ತೀಚಿನ ವರ್ಷಗಳಲ್ಲಿ ಗೂಗಲ್‌ ಕ್ರೋಮ್‌ ತಂತ್ರಜ್ಞಾನ ಒಂದು ಅವಿಭಾಜ್ಯ ಅಂಗವಾಗಿದೆ ಎಂದು ಹೇಳಿದರೆ ತಪ್ಪಾಗುವುದಿಲ್ಲ.