App Store: ತೊಂದರೆ ಅನುಭವಿಸಿದ ಐಫೋನ್, ಮ್ಯಾಕ್ ಬಳಕೆದಾರರು

ಆ್ಯಪಲ್‌ನ ಸಿಸ್ಟಂ ತೊಂದರೆಯಿಂದಾಗಿ ಐಫೋನ್ ಮತ್ತು ಮ್ಯಾಕ್ ಬಳಕೆದಾರರಿಗೆ ಕೆಲವು ಗಂಟೆ ಕಾಲ ಆ್ಯಪ್ ಸ್ಟೋರ್ ಲಭ್ಯವಾಗಿಲ್ಲ.

ಐಫೋನ್‌ ಆ್ಯಪ್ ಸ್ಟೋರ್ ಮತ್ತು ಐಮ್ಯಾಕ್‌ಗಳಲ್ಲಿ ಬಳಸುವ ಆ್ಯಪ್ ಸ್ಟೋರ್ ಸಮಸ್ಯೆಗೆ ತುತ್ತಾಗಿತ್ತು. ಇದರಿಂದ ಕೆಲವೊಂದು ಆ್ಯಪ್ ಮತ್ತು ಅಪ್‌ಡೇಟ್‌ಗಳು ಕಾರ್ಯನಿರ್ವಹಿಸಿಲ್ಲ.

ಆ್ಯಪ್ ಸ್ಟೋರ್ ತೊಂದರೆಗೀಡಾಗಿದ್ದರಿಂದ ಸಾವಿರಾರು ಮಂದಿ ಬಳಕೆದಾರರಿಗೆ ಆ್ಯಪ್ ಸ್ಟೋರ್, ಐಟ್ಯೂನ್ಸ್ ಸ್ಟೋರ್, ಆ್ಯಪಲ್ ಬುಕ್ಸ್ ಮತ್ತು ಮ್ಯಾಕ್ ಬಳಕೆದಾರರಿಗೆ ಆ್ಯಪ್ ಸ್ಟೋರ್‌ನಲ್ಲಿನ ಆ್ಯಪ್‌ಗಳ ಡೌನ್‌ಲೋಡ್, ಅಪ್‌ಡೇಟ್ ಮತ್ತು ಖರೀದಿ ಮಾಡಲು ಸಾಧ್ಯವಾಗಿಲ್ಲ.

ಸರ್ವರ್ ಮತ್ತು ಇತರ ಸಮಸ್ಯೆಯಿಂದಾಗಿ ಕೆಲವು ಬಳಕೆದಾರರಿಗೆ ಆ್ಯಪ್ ಸ್ಟೋರ್ ಸೇವೆಗಳು ಲಭ್ಯವಾಗಿಲ್ಲ ಎಂದು ಆ್ಯಪಲ್ ಹೇಳಿದೆ.
ಈ ಮೊದಲು ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ಮತ್ತು ವಾಟ್ಸಪ್ ಕೂಡ ಸಮಸ್ಯೆಗೆ ತುತ್ತಾಗಿತ್ತು.