Dunzo App: ಡೆಲಿವರಿ ಸೇವೆ ಒದಗಿಸುವ ಆ್ಯಪ್ ಡಂಜೋ ಮಾಹಿತಿ ಸೋರಿಕೆ

ಬೆಂಗಳೂರು ಸಹಿತ ದೇಶದ ವಿವಿಧ ನಗರಗಳಲ್ಲಿ ಸರಕು ಮತ್ತು ಆಹಾರ ಡೆಲಿವರಿ, ಇತರ ವಿವಿಧ ಸೇವೆ ಒದಗಿಸುವ ಡಂಜೋ ಆ್ಯಪ್ ಗ್ರಾಹಕರ ಮಾಹಿತಿ ಸೋರಿಕೆಯಾಗಿದೆ.

ಡಂಜೋ ಆ್ಯಪ್‌ನಲ್ಲಿ ಗೂಗಲ್ ಕೂಡ ಹೂಡಿಕೆ ಮಾಡಿದೆ. ಡಂಜೋದ ಗ್ರಾಹಕರ ಮಾಹಿತಿಯನ್ನು ಹ್ಯಾಕರ್‌ಗಳು ಪ್ರವೇಶಿಸಿದ್ದು, ಬಳಕೆದಾರರ ಫೋನ್ ನಂಬರ್ ಮತ್ತು ಇ ಮೇಲ್ ವಿಳಾಸವನ್ನು ಪಡೆದುಕೊಂಡಿರಬಹುದು ಎನ್ನಲಾಗಿದೆ.

ಆದರೆ ಎಷ್ಟು ಮಂದಿ ಬಳಕೆದಾರರು ಇದರಿಂದ ತೊಂದರೆಗೊಳಗಾಗಿದ್ದಾರೆ ಮತ್ತು ಎಷ್ಟು ಗ್ರಾಹಕರ ಮಾಹಿತಿ ಕದಿಯಲಾಗಿದೆ ಎಂದು ಡಂಜೋ ಬಹಿರಂಗಪಡಿಸಿಲ್ಲ. ಆದರೆ ಗ್ರಾಹಕರ ಕ್ರೆಡಿಟ್ ಕಾರ್ಡ್ ವಿವರ, ಪಾವತಿ ವಿವರವನ್ನು ಹ್ಯಾಕರ್‌ಗಳು ಪಡೆದುಕೊಂಡಿಲ್ಲ ಎಂದು ಡಂಜೋ ಹೇಳಿದೆ.

ಡಂಜೋ ತಂತ್ರಜ್ಞರು ಪಾಸ್‌ವರ್ಡ್ ಬದಲಾವಣೆ ಮತ್ತು ಇತರ ಭದ್ರತಾ ಕ್ರಮಗಳನ್ನು ಹೆಚ್ಚಿಸಿದ್ದಾರೆ ಎಂದು ಸಂಸ್ಥೆ ಹೇಳಿದೆ.
ಡಂಜೋ ದೇಶದಲ್ಲಿ ಬೆಂಗಳೂರು, ಚೆನ್ನೈ, ಹೊಸದಿಲ್ಲಿ, ಹೈದರಾಬಾದ್, ಮುಂಬಯಿ ಸಹಿತ ವಿವಿಧ ನಗರಗಳಲ್ಲಿ ಸರಕು ಡೆಲಿವರಿ ಸೇವೆ ಒದಗಿಸುತ್ತಿದೆ.

WhatsApp Web: ವಾಟ್ಸಪ್ ಡಾರ್ಕ್ ಮೋಡ್ ಈಗ ಡೆಸ್ಕ್‌ಟಾಪ್‌ನಲ್ಲೂ ಲಭ್ಯ..