500 ರೂ. ಒಳಗೆ OTT ಚಂದಾದಾರಿಕೆ ಹೊಂದಿರುವ ರೀಚಾರ್ಜ್ ಪ್ಲ್ಯಾನ್‌ಗಳಿವು!

ಏರ್‌ಟೆಲ್, ರಿಲಯನ್ಸ್ ಜಿಯೋ ಮತ್ತು ವೊಡಾಫೋನ್-ಐಡಿಯಾ ಟೆಲಿಕಾಂ ಕಂಪನಿಗಳು ತಮ್ಮ ಗ್ರಾಹಕರಿಗೆ ವೇಗದ ಇಂಟರ್ನೆಟ್, ದೈನಂದಿನ ಡೇಟಾ ಮತ್ತು ಹಲವಾರು ಇತರ ಪ್ರಯೋಜನಗಳೊಂದಿಗೆ ತಮ್ಮ ಅತ್ಯುತ್ತಮ ಪ್ರಿಪೇಯ್ಡ್ ಯೋಜನೆಗಳನ್ನು ನೀಡುತ್ತಲೇ ಇರುತ್ತವೆ. ಇವುಗಳ ಜೊತೆ ಹೆಚ್ಚುವರಿಯಾಗಿ, ಈ ಪ್ರಿಪೇಯ್ಡ್ ಯೋಜನೆಗಳು OTT ಚಂದಾದಾರಿಕೆಗಳನ್ನು ನೀಡುವುದಿದ್ದರೆ ಲಾಭ ಅಲ್ಲವೇ?. ಹಾಗಾಗಿ, ಇಂದಿನ ಲೇಖನದಲ್ಲಿ 500 ರೂ. ಒಳಗೆ ಓಟಿಟಿ ಸೇವೆಗಳನ್ನು ಒದಗಿಸುತ್ತಿರುವ ಈ ಮೂರು ಟೆಲಿಕಾಂ ಕಂಪೆನಿಗಳ ಯೋಜನೆಗಳನ್ನು ಇಂದಿನ ಲೇಖನದಲ್ಲಿ ಪಟ್ಟಿ ಮಾಡಲಾಗಿದೆ.

500 ರೂ. ಒಳಗೆ OTT ಚಂದಾದಾರಿಕೆ ಹೊಂದಿರುವ ಜಿಯೋ ಯೋಜನೆಗಳು
ಜಿಯೋ 249 ರೂ ಯೋಜನೆಯಲ್ಲಿ ಓಟಿಟಿ ಯೋಜನೆಯನ್ನು ನೀಡುತ್ತದೆ. ಈ ಯೋಜನೆಯು ನಿಮಗೆ 28 ದಿನಗಳವರೆಗೆ ದಿನಕ್ಕೆ 2GB ಡೇಟಾ, ಅನಿಯಮಿತ ಧ್ವನಿ ಕರೆ, ದಿನಕ್ಕೆ 100 SMS ಮತ್ತು JioTv, JioCinema ಮತ್ತು ಹೆಚ್ಚಿನ Jio ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವನ್ನು ನೀಡುತ್ತದೆ.

ನೀವು ಹೆಚ್ಚಿನ ಡೇಟಾವನ್ನು ಬಯಸಿದರೆ ಮತ್ತು ಇದಕ್ಕಾಗಿ ಸ್ವಲ್ಪ ಹೆಚ್ಚು ಖರ್ಚು ಮಾಡಿದರೆ, Jio ನೀಡುತ್ತಿರುವ 349 ರೂ.ಯೋಜನೆಯು ನಿಮಗೆ 28 ದಿನಗಳವರೆಗೆ 3GB ಡೇಟಾ, ದಿನಕ್ಕೆ 100 SMS ಮತ್ತು Jio ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವನ್ನು ನೀಡುತ್ತಿದೆ.

ಹಾಗೆಯೇ, ಜಿಯೋ 444 ರೂ. ಯೋಜನೆಯು 56 ದಿನಗಳವರೆಗೆ ದಿನಕ್ಕೆ 2GB ಡೇಟಾವನ್ನು ನೀಡುತ್ತದೆ. ಯೋಜನೆಯು ದಿನಕ್ಕೆ 100 SMS ಮತ್ತು JioTv, JioCinema ಮತ್ತು ಹೆಚ್ಚಿನವುಗಳಂತಹ Jio ಅಪ್ಲಿಕೇಶನ್‌ಗಳಿಗೆ ಉಚಿತ ಪ್ರವೇಶವನ್ನು ಸಹ ಒಳಗೊಂಡಿದೆ.
ಭಾರತದಲ್ಲಿ 'ಬಿಟ್‌ಕಾಯಿನ್' ಬ್ಯಾನ್ ಆಗುತ್ತಾ?..ಸೂಚನೆ ನೀಡಿದರು ಪ್ರಧಾನಿ ಮೋದಿ!
500 ರೂ. ಒಳಗೆ OTT ಚಂದಾದಾರಿಕೆ ಹೊಂದಿರುವ Vi ಯೋಜನೆಗಳು
ವೊಡಾಫೋನ್-ಐಡಿಯಾ 299 ರೂ. ಯೋಜನೆಯಲ್ಲಿ ಓಟಿಟಿ ಯೋಜನೆಯನ್ನು ನೀಡುತ್ತಿದೆ. ಈ ಯೋಜನೆಯು ನಿಮಗೆ 28 ದಿನಗಳವರೆಗೆ ದಿನಕ್ಕೆ 4GB ಡೇಟಾ, ಪ್ರತಿದಿನ 100 SMS, ಅನಿಯಮಿತ ಧ್ವನಿ ಕರೆ ಮತ್ತು Vi ಚಲನಚಿತ್ರಗಳು ಮತ್ತು Vi ಟಿವಿಗೆ ಉಚಿತ ಪ್ರವೇಶವನ್ನು ನೀಡುತ್ತದೆ.

ವೊಡಾಫೋನ್-ಐಡಿಯಾ ಮತ್ತೊಂದು 449 ರೂ. ಯೋಜನೆಯು ದಿನಕ್ಕೆ 100 SMS ಮತ್ತು ಅನಿಯಮಿತ ಧ್ವನಿ ಕರೆ ಜೊತೆಗೆ 56 ದಿನಗಳವರೆಗೆ 4GB/ಡೇಟಾವನ್ನು ನಿಮಗೆ ನೀಡುತ್ತದೆ. Vi ಚಲನಚಿತ್ರಗಳು ಮತ್ತು Vi ಟಿವಿಗೆ ಉಚಿತ ಪ್ರವೇಶವನ್ನು ನೀಡುತ್ತದೆ.

500 ರೂ. ಒಳಗೆ OTT ಚಂದಾದಾರಿಕೆ ಹೊಂದಿರುವ ಏರ್‌ಟೆಲ್‌ ಯೋಜನೆಗಳು
ಏರ್‌ಟೆಲ್‌ನ ಓಟಿಟಿ ಯೋಜನೆಯು 298 ರೂ .ಗಳಿಂದ ಆರಂಭವಾಗಿದೆ. ಈ ಯೋಜನೆಯು 28 ದಿನಗಳವರೆಗೆ ದಿನಕ್ಕೆ 2GB ಡೇಟಾ, ದಿನಕ್ಕೆ 100 SMS, ಅನಿಯಮಿತ ಧ್ವನಿ ಕರೆಗಳನ್ನು ನೀಡುತ್ತದೆ. ಈ ಯೋಜನೆಯಲ್ಲಿ Amazon Prime ವೀಡಿಯೊದ ಮೊಬೈಲ್ ಆವೃತ್ತಿಗೆ ಉಚಿತ ಪ್ರವೇಶ ಸಿಗುತ್ತಿದೆ.

ಏರ್‌ಟೆಲ್ 449 ರೂ.ಯೋಜನೆಯು ಸಹ ಓಟಿಟಿ ಸೇವೆಗಳನ್ನು ನೀಡುತ್ತದೆ, ಇದು ಗ್ರಾಹಕರಿಗೆ ದಿನಕ್ಕೆ 2GB ಡೇಟಾವನ್ನು 56 ದಿನಗಳವರೆಗೆ ನೀಡುತ್ತದೆ. ದಿನಕ್ಕೆ 100 SMS, Amazon Prime ವೀಡಿಯೊದ ಮೊಬೈಲ್ ಆವೃತ್ತಿಗೆ ಪ್ರವೇಶ ಮತ್ತು ಅನಿಯಮಿತ ಧ್ವನಿ ಕರೆಗಳು ಈ ಯೋಜನೆಯಲ್ಲಿ ಲಭ್ಯವಿದೆ.