Galaxy A10s: ಸ್ಯಾಮ್‌ಸಂಗ್ ನೂತನ ಫೋನ್

ದೇಶದ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಮನೆಮಾತಾಗಿರುವ ಸ್ಯಾಮ್‌ಸಂಗ್ ಹೊಸದಾಗಿ ಗ್ಯಾಲಕ್ಸಿ ಸರಣಿಯಲ್ಲಿ ಸ್ಯಾಮ್‌ಸಂಗ್ ಗ್ಯಾಲಕ್ಸಿ A10s ಬಿಡುಗಡೆ ಮಾಡಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ A10s, 4000mAh ಬ್ಯಾಟರಿ ಬೆಂಬಲ ಹೊಂದಿದೆ. ಹಾಗೆಯೇ 6.2 ಇಂಚಿನ ಇನ್ಫಿನಿಟಿ ವಿ ನಾಚ್ ಸಹಿತ ಡಿಸ್‌ಪ್ಲೇ ಇದರ ವಿಶೇಷ.

ಗ್ಯಾಲಕ್ಸಿ A10s ಸ್ಮಾರ್ಟ್‌ಫೋನ್ ಆಂಡ್ರಾಯ್ಡ್ 9.0 ಪೈ ಆಧಾರಿತ OneUI ಹೊಂದಿದೆ. ಪ್ರಸ್ತುತ A10s, ನೀಲಿ, ಹಸಿರು, ಕೆಂಪು ಮತ್ತು ಕಪ್ಪು ಬಣ್ಣದ ಮಾದರಿಯಲ್ಲಿ ಲಭ್ಯ.

2 GB RAM ಮತ್ತು 32 GB ಸ್ಟೋರೇಜ್‌ ಆಯ್ಕೆಯಿದ್ದು, ಮೈಕ್ರೋಎಸ್‌ಡಿ ಕಾರ್ಡ್ ಮೂಲಕ ವಿಸ್ತರಿಸಬಹುದು. ಹಿಂಬದಿ ಪ್ಯಾನಲ್‌ನಲ್ಲಿ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ಕೂಡ ಇರಲಿದೆ.

13+2 ಮೆಗಾಪಿಕ್ಸೆಲ್ ಎರಡು ಕ್ಯಾಮರಾ ಇರಲಿದ್ದು, 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮರಾ A10s ಸ್ಮಾರ್ಟ್‌ಫೋನ್‌ನ ಆಕರ್ಷಣೆ.
ದೇಶದಲ್ಲಿ ಬೆಲೆ ವಿವರವನ್ನು ಸ್ಯಾಮ್‌ಸಂಗ್ ಬಿಡುಗಡೆ ಮಾಡಿಲ್ಲ.