5G Smartphone: ಶೀಘ್ರ ಸ್ಯಾಮ್‌ಸಂಗ್‌ ಅಗ್ಗದ 5ಜಿ ಫೋನ್‌!

5ಜಿ ತಂತ್ರಜ್ಞಾನಕ್ಕೆ ಸಪೋರ್ಟ್‌ ಮಾಡುವ ಸ್ಮಾರ್ಟ್‌ಫೋನ್‌ಗಳನ್ನು ಸ್ಯಾಮ್‌ಸಂಗ್ ಕಂಪನಿ ಈಗಾಗಲೇ ಬಿಡುಗಡೆ ಮಾಡಿದೆ. ಆದರೆ, ತುಸು ಅಗ್ಗದ(ಮಿಡ್‌ ರೇಂಜ್‌) ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡಿರಲಿಲ್ಲ.

ಇದೀಗ ಸ್ಯಾಮ್ಸಂಗ್‌, 5ಜಿ ತಂತ್ರಜ್ಞಾನಕ್ಕೆ ಸಪೋರ್ಟ್‌ ಮಾಡುವ ಗ್ಯಾಲಕ್ಸಿ ಎ51 ಅನ್ನು ಮಿಡ್‌ ರೇಂಜ್‌ ಫೋನ್‌ ಆಗಿ ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಫೋನ್‌ ಬೆಲೆ ಅಂದಾಜು 24,500 ರೂ. ಇರಲಿದೆ. ಈ ಫೋನ್‌ನಲ್ಲಿ ಹೊಸ ಮಾದರಿಯ ಎಸ್‌ಎಂ-ಎ516ಎನ್‌ ಪ್ರೊಸೆಸರ್‌ ಇರಲಿದೆ.

ಈಗಾಗಲೇ ಕಂಪನಿ 4ಜಿಗೆ ಸಪೋರ್ಟ್‌ ಮಾಡುವ ಗ್ಯಾಲಕ್ಸಿ ಎ51 ಫೋನ್‌ ಬಿಡುಗಡೆ ಮಾಡಿದೆ ಎಂಬುದನ್ನು ಗಮನಿಸಬಹುದು. ಇದೇ ಫೋನ್‌ ಅನ್ನು ಕಂಪನಿ ಅಪ್‌ಗ್ರೇಡ್‌ ಮಾಡಲಿದೆ ಎಂದು ಹೇಳಲಾಗುತ್ತಿದೆ.

ಈ ಫೋನ್‌ 8 ಜಿಬಿ ರಾರ‍ಯಮ್‌ ಹೊಂದಿದ್ದು, ಮುಂಬದಿಯಲ್ಲಿ32 ಮೆಗಾಪಿಕ್ಸೆಲ್‌ ಸೆಲ್ಫಿ ಕ್ಯಾಮೆರಾ ಇದ್ದರೆ, ಹಿಂಬದಿಯಲ್ಲಿ 12 ಮೆಗಾಪಿಕ್ಸೆಲ್‌ ಅಲ್ಟ್ರಾವೈಡ್‌, 5 ಮೆಗಾಪಿಕ್ಸೆಲ್‌ ಮ್ಯಾಕ್ರೊ ಮತ್ತು ಡೆಪ್ತ್ ಸೆನ್ಸರ್‌ಗಳನ್ನೊಳಗೊಂಡ 48 ಮೆಗಾಪಿಕ್ಸೆಲ್‌ ಕ್ವಾಡ್‌ ಕ್ಯಾಮೆರಾ ಇರಲಿದೆ ಎನ್ನಲಾಗುತ್ತಿದೆ.

ಗರಿಷ್ಟ ಡೌನ್‌ಲೋಡ್ ಮತ್ತು ಅಪ್‌ಲೋಡ್ ವೇಗವನ್ನು 5G ತಂತ್ರಜ್ಞಾನ ಒದಗಿಸಲಿದ್ದು, ಅದಕ್ಕೆ ಪೂರಕವಾಗಿ ವಿವಿಧ ಸ್ಮಾರ್ಟ್‌ಫೋನ್ ತಯಾರಿಕ ಕಂಪನಿಗಳು ತಂತ್ರಜ್ಞಾನ ಸಿದ್ಧಪಡಿಸುತ್ತಿವೆ.

Facebook: ದೇಶದಲ್ಲಿ ಫೇಸ್‌ಬುಕ್‌ನ 'ಟಿಕ್‌ ಟಾಕ್‌' ಸದ್ಯಕ್ಕಿಲ್ಲ!