Galaxy A80: ತಿರುಗುವ ಕ್ಯಾಮರಾ ಸಹಿತ ಸ್ಯಾಮ್‌ಸಂಗ್ ಹೊಸ ಫೋನ್

ಅತ್ಯುತ್ತಮ ಕ್ಯಾಮರಾ ಸಹಿತ ಸ್ಮಾರ್ಟ್‌ಫೋನ್‌ಗಳ ಬಗ್ಗೆ ಗ್ಯಾಜೆಟ್ ಪ್ರಿಯರು ಹೆಚ್ಚಿನ ಉತ್ಸುಕತೆ ತೋರಿಸುತ್ತಿದ್ದು, ಬೇಡಿಕೆ ಹೆಚ್ಚಿದೆ. ಅದಕ್ಕೆ ಪೂರಕವಾಗಿ ಸ್ಯಾಮ್‌ಸಂಗ್, ಹೊಸ ಮಾದರಿಯ ತಿರುಗುವ ಕ್ಯಾಮರಾ ಸಹಿತ ಸ್ಯಾಮ್‌ಸಂಗ್ ಗ್ಯಾಲಕ್ಸಿ A80 ದೇಶದ ಮಾರುಕಟ್ಟೆಯನ್ನು ಗುರುವಾರ ಪ್ರವೇಶಿಸಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ ಎ ಸರಣಿಯಲ್ಲಿ A80 ಲೇಟೆಸ್ಟ್‌ ಸ್ಮಾರ್ಟ್‌ಫೋನ್ ಆಗಿದ್ದು, 47,990 ರೂ. ದರ ಹೊಂದಿದೆ.

6.7 ಇಂಚಿನ ಫುಲ್‌ಎಚ್‌ಡಿ ಸೂಪರ್‌ ಅಮೋಲಿಡ್ ಡಿಸ್‌ಪ್ಲೇ ಇರುವ ಗ್ಯಾಲಕ್ಸಿ A80, ಸ್ನ್ಯಾಪ್‌ಡ್ರ್ಯಾಗನ್ 730G ಒಕ್ಟಾ ಕೋರ್ ಪ್ರೊಸೆಸರ್ ಒಳಗೊಂಡಿದೆ.

ಜಗತ್ತಿನ ಮೊದಲ ತಿರುಗುವ ತ್ರಿವಳಿ ಕ್ಯಾಮರಾ ಹೊಂದಿರುವ ಸ್ಯಾಮ್‌ಸಂಗ್ ಗ್ಯಾಲಕ್ಸಿ A80, ಸೆಲ್ಫಿ ಕ್ಯಾಮರಾ ಆಗಿಯೂ ಕೆಲಸ ಮಾಡುತ್ತದೆ.
ಜುಲೈ 22 ರಿಂದ ಜುಲೈ 31ರವರೆಗೆ ಗ್ರಾಹಕರು ಹೊಸ ಫೋನ್ ಪ್ರಿಬುಕ್ ಮಾಡಬಹುದು.

ಆಗಸ್ಟ್‌ 1ರಿಂದ ಹೊಸ ಫೋನ್ ಎಲ್ಲ ಪ್ರಮುಖ ರಿಟೇಲ್ ಮಳಿಗೆ, ಆನ್‌ಲೈನ್ ತಾಣಗಳಲ್ಲಿ ದೊರೆಯಲಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ A80 ವೈಶಿಷ್ಟ್ಯ:
8 GB RAM ಮತ್ತು 128 GB
3,700mAh ಬ್ಯಾಟರಿ
48+8 ಮೆಗಾಪಿಕ್ಸೆಲ್ ಕ್ಯಾಮರಾ
ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್‌ ಸ್ಕ್ಯಾನರ್.