ಗೂಗಲ್
ಜಗತ್ತಿನ ಇಂಟರ್ನೆಟ್ ದೈತ್ಯ ಎನ್ನುವ ಗೂಗಲ್ಗೆ ಚೀನಾದಲ್ಲಿ ಪ್ರವೇಶವಿಲ್ಲ. ನಿಮ್ಮಲ್ಲಿ ಗೂಗಲ್ ಇದ್ದರೂ, ಚೀನಾದಲ್ಲಿ ಅದು ಕೆಲಸ ಮಾಡುವುದಿಲ್ಲ. ಬೈದು ಅಲ್ಲಿನ ಪ್ರಮುಖ ಸರ್ಚ್ ಇಂಜಿನ್ ಆಗಿದೆ.
ಫೇಸ್ಬುಕ್
ಜಗತ್ತಿನ ನಂಬರ್ 1 ಸಾಮಾಜಿಕ ತಾಣ ಎಂದೇ ಬಣ್ಣಿಸಲಾಗುವ ಫೇಸ್ಬುಕ್ಗೆ ಚೀನಾದಲ್ಲಿ ಜಾಗವಿಲ್ಲ. ವೆಬೋ ಮತ್ತು ವಿಚಾಟ್ ಚೀನಾದ ಪ್ರಮುಖ ಸಾಮಾಜಿಕ ಜಾಲತಾಣವಾಗಿದೆ.
ಟ್ವಿಟರ್
ಅತ್ಯಂತ ಜನಪ್ರಿಯ ಮೈಕ್ರೋಬ್ಲಾಗಿಂಗ್ ತಾಣ ಟ್ವಿಟರ್ಗೆ ಚೀನಾದಲ್ಲಿ ನಿರ್ಬಂಧವಿದೆ. ಟ್ವಿಟರ್ ಬದಲು ಅಲ್ಲಿ ವೆಬೋ ಬಳಸುತ್ತಾರೆ.
ಯೂಟ್ಯೂಬ್
ಗೂಗಲ್ ಒಡೆತನದ ಯೂಟ್ಯೂಬ್ ಚೀನಾದಲ್ಲಿ ಬ್ಯಾನ್ ಆಗಿದೆ. ಅದರ ಬದಲು, ಅಲಿಬಾಬ ಸಮೂಹದ ಯೂಕು.ಕಾಂ ಮತ್ತು ಟೆನ್ಸೆಂಟ್ ವಿಡಿಯೋ ಅಸ್ವಿತ್ವದಲ್ಲಿದೆ.
ಇನ್ಸ್ಟಾಗ್ರಾಂ
ಫೇಸ್ಬುಕ್ ಒಡೆತನದ, ಫೋಟೋ ಶೇರಿಂಗ್ ತಾಣ ಇನ್ಸ್ಟಾಗ್ರಾಂ ಬಳಕೆಗೂ ಚೀನಾದಲ್ಲಿ ನಿರ್ಬಂಧವಿದೆ. ಟೆನ್ಸೆಂಟ್ ಒಡೆತನದ ವಿಚಾಟ್ನಲ್ಲಿ ಫೇಸ್ಬುಕ್, ವಾಟ್ಸಪ್ ಮತ್ತು ಇನ್ಸ್ಟಾಗ್ರಾಂ ಫೀಚರ್ಗಳನ್ನು ನೀಡಲಾಗಿದೆ.
ಜಿಮೇಲ್
ಜಗತ್ತಿನ ಪ್ರಸಿದ್ಧ, ಗೂಗಲ್ ಒಡೆತನದ ಇಮೇಲ್ ಸೇವೆ ಜಿಮೇಲ್ಗೂ ಚೀನಾದಲ್ಲಿ ಜಾಗವಿಲ್ಲ. ಚೀನಾದ ಬಳಕೆದಾರರಿಗೆ ಗೂಗಲ್ನ ಸೇವೆಗಳು ದೊರೆಯುವುದಿಲ್ಲ.
ವಾಟ್ಸಪ್
ಜಗತ್ತಿನ ನಂ. 1 ಇನ್ಸ್ಟಂಟ್ ಮೆಸೇಜ್ ಆ್ಯಪ್ ವಾಟ್ಸಪ ಕೂಡ ಚೀನಾದಲ್ಲಿ ಲಭ್ಯವಿಲ್ಲ. ಸರಕಾರ ವ್ಯವಸ್ಥಿತವಾಗಿ ಅವುಗಳನ್ನು ಬ್ಲಾಕ್ ಮಾಡಿದ್ದು, ಟೆನ್ಸೆಂಟ್ ಒಡೆತನದ ಇನ್ಸ್ಟಂಟ್ ಮೆಸೇಜಿಂಗ್ ಆ್ಯಪ್ ಕ್ಯೂಕ್ಯೂ ಅಲ್ಲಿ ಜನಪ್ರಿಯತೆ ಗಳಿಸಿದೆ.
ಗೂಗಲ್ ಮ್ಯಾಪ್ಸ್
ಗೂಗಲ್ನ ಮತ್ತೊಂದು ಜನಪ್ರಿಯ ಸೇವೆಯಾಗಿರುವ ಗೂಗಲ್ ಮ್ಯಾಪ್ಸ್, ಚೀನಾದಲ್ಲಿ ಕೆಲಸ ಮಾಡುವುದಿಲ್ಲ. ಅದರ ಬದಲು, ಬೈದು ಸರ್ಚ್ ಅಭಿವೃದ್ಧಿಪಡಿಸಿರುವ ಮ್ಯಾಪ್ ಅನ್ನು ಚೀನಾದಲ್ಲಿ ಬಳಸಲಾಗುತ್ತದೆ.
Made In India: ಚೀನಾ ಕಂಪನಿ ಬದಲಿಗೆ ಬೇರೆ ಯಾವ ಟಿವಿ ಖರೀದಿಸಬಹುದು?
ಕೋರಾ
ಪ್ರಶ್ನೋತ್ತರಕ್ಕೆ ಹೆಸರಾದ ಕೋರಾಗೆ ಚೀನಾದಲ್ಲಿ ಪ್ರವೇಶವಿಲ್ಲ. ಚೀನಾದಲ್ಲಿ ಝಿಹು ಎನ್ನುವ ವೆಬ್ಸೈಟ್ ಅನ್ನು ಬಳಸಲಾಗುತ್ತದೆ.
China Brand Phone: ಚೀನಾ ಕಂಪನಿ ಫೋನ್ ಬದಲು ಬೇರೆ ಯಾವ ಫೋನ್ ಬೆಸ್ಟ್?
ಟಿಂಡರ್
ಡೇಟಿಂಗ್ ಪ್ರಿಯರ ನೆಚ್ಚಿನ ಆ್ಯಪ್, ಟಿಂಡರ್ಗೆ ಚೀನಾದಲ್ಲಿ ಜಾಗವಿಲ್ಲ. ಚೀನಾದಲ್ಲಿ ಮೊಮೊ ಎನ್ನುವ ಆ್ಯಪ್ ಡೇಟಿಂಗ್ಗೆ ಬಳಕೆಯಾಗುತ್ತಿದೆ.
Digital Strike: ಮತ್ತಷ್ಟು ಚೀನಾ ಆ್ಯಪ್, ವೆಬ್ಸೈಟ್ ನಿಷೇಧಕ್ಕೆ ಕೇಂದ್ರ ಚಿಂತನೆ!