BHIM App: ಡಾಟಾ ಸೋರಿಕೆಯಾಗಿಲ್ಲ ಎಂದು ಎನ್‌ಪಿಸಿಐ ಸ್ಪಷ್ಟನೆ

ಇ ವ್ಯಾಲೆಟ್ ಮತ್ತು ಮೊಬೈಲ್ ಪೇಮೆಂಟ್ ಸೇವೆ ಒದಗಿಸುವ ಭೀಮ್‌ ಆ್ಯಪ್‌ನ 70 ಲಕ್ಷಕ್ಕೂ ಅಧಿಕ ಬಳಕೆದಾರರ ವೈಯಕ್ತಿಕ ಮಾಹಿತಿ ಸೋರಿಕೆಯಾಗಿದೆ ಎನ್ನುವ ಕುರಿತಾದ ಇಸ್ರೇಲ್ ಸೈಬರ್‌ಸೆಕ್ಯುರಿಟಿ ವೆಬ್‌ಸೈಟ್ vpnMentor ವರದಿಯನ್ನು ನ್ಯಾಶನಲ್ ಪೇಮೆಂಟ್ಸ್‌ ಕಾರ್ಪೊರೇಶನ್ ಆಫ್ ಇಂಡಿಯಾ ತಳ್ಳಿಹಾಕಿದೆ.

ಭೀಮ್ ವೆಬ್‌ಸೈಟ್‌ಗೆ ಸರ್ವರ್‌ ಸೇವೆ ಒದಗಿಸುವ ಅಮೆಜಾನ್ ವೆಬ್ ಸರ್ವಿಸಸ್‌ನ ಎಸ್‌3 ಕಾನ್ಫಿಗರೇಶನ್‌ನಲ್ಲಿ ಸಮಸ್ಯೆಯಿದ್ದು, ಡಾಟಾ ಸೋರಿಕೆಗೆ ಕಾರಣವಾಗಿದೆ. ಫೆ. 2019ರ ಬಳಿಕ ಸರ್ವರ್‌ಗೆ ಅಪ್‌ಲೋಡ್ ಆಗಿರುವ ದಾಖಲೆಗಳು ಇವು ಎನ್ನಲಾಗಿದೆ. ಎಸ್‌3 ಬಕೆಟ್ಸ್ ಕ್ಲೌಡ್ ಸ್ಟೋರೇಜ್ ಆಗಿದ್ದು, ಡೆವಲಪರ್‌ಗಳು ಸ್ವತಃ ಭದ್ರತಾ ವಿಶೇಷಗಳನ್ನು ಸೆಟ್‌ ಮಾಡಬೇಕಾಗುತ್ತದೆ ಎಂದು ಇಸ್ರೇಲ್ ಮೂಲದ ಸೈಬರ್‌ಸೆಕ್ಯೂರಿಟಿ ಸಂಸ್ಥೆ ವರದಿ ಮಾಡಿತ್ತು. ಆದರೆ ಅಂತಹ ಯಾವುದೇ ಖಾಸಗಿ ಡೇಟಾ ಆಗಲಿ ಅಥವಾ ಸರ್ವರ್‌ ದತ್ತಾಂಶವಾಗಲಿ ಸೋರಿಕೆಯಾಗಿಲ್ಲ ಎಂದು NPCI ಅಧಿಕೃತ ಹೇಳಿಕೆ ಬಿಡುಗಡೆ ಮಾಡಿದೆ.

ದೇಶಿಯ ಆ್ಯಪ್
ಭೀಮ್ ಆ್ಯಪ್ ದೇಶಿಯ ಆ್ಯಪ್ ಆಗಿದ್ದು, ವಿವಿಧ ಆನ್‌ಲೈನ್ ಪಾವತಿ ಮತ್ತು ವಹಿವಾಟು ನಡೆಸಲು ನೆರವಾಗುತ್ತದೆ. ಸರಕಾರದ ಇ ಗವರ್ನೆನ್ಸ್ ಸೇವೆಯಡಿ ಭೀಮ್ ಆ್ಯಪ್ ಅಭಿವೃದ್ಧಿಪಡಿಸಲಾಗಿದ್ದು, 2016ರಲ್ಲಿ ಬಿಡುಗಡೆಯಾಗಿತ್ತು. ಭೀಮ್ ಆ್ಯಪ್ ಸುರಕ್ಷಿತವಾಗಿದ್ದು, ಗ್ರಾಹಕರ ವಿವರ ಹಾಗೂ ಮತ್ಯಾವುದೇ ಮಾಹಿತಿ ಸೋರಿಕೆಯಾಗಿಲ್ಲ ಎಂದು ಎನ್‌ಪಿಸಿಐ ಸ್ಪಷ್ಪಪಡಿಸಿದೆ. ಹೀಗಾಗಿ ಗ್ರಾಹಕರು ಗೊಂದಲಕ್ಕೆ ಒಳಗಾಗಬೇಕಿಲ್ಲ ಎಂದು ಎನ್‌ಪಿಸಿಐ ಹೇಳಿದೆ.

PhonePe: ಯುಪಿಐ ಪಿನ್ ಬದಲಾಯಿಸುವುದು ಹೇಗೆ?

ಯುಪಿಐ ಪಿನ್ ಪಾಸ್‌ವರ್ಡ್ ಬದಲಿಸಿ
ಭೀಮ್ ಆ್ಯಪ್ ಸಹಿತ ವಿವಿಧ ಡಿಜಿಟಲ್ ಪೇಮೆಂಟ್ ಸೇವೆ ಬಳಸುವವರು ಕನಿಷ್ಟ ಮೂರು ತಿಂಗಳಿಗೊಮ್ಮೆಯಾದರೂ, ಆ್ಯಪ್ ಅಪ್‌ಡೇಟ್ ಮಾಡುವ ಜತೆಗೆ, ಬಳಕೆದಾರರು ಆ್ಯಪ್ ಪಾಸ್‌ವರ್ಡ್ ಬದಲಾಯಿಸುವುದು ಭದ್ರತೆ ಮತ್ತು ಸುರಕ್ಷತೆಯ ದೃಷ್ಟಿಯಿಂದ ಉತ್ತಮ ಎನ್ನಲಾಗಿದೆ.

Google Pay: ಗೂಗಲ್ ಪೇ ಪಿನ್ ಬದಲಾವಣೆ ಹೇಗೆ ಗೊತ್ತಾ?