Mark Zuckerberg: ವಾಟ್ಸಪ್, ಇನ್‌ಸ್ಟಾಗ್ರಾಂ ಮಾರಾಟ ಮಾಡಲ್ಲ!

ಜಗತ್ತಿನಲ್ಲೇ ಅತ್ಯಂತ ಹೆಚ್ಚು ಬಳಕೆದಾರರ ಸಮೂಹ ಹೊಂದಿರುವ ಫೇಸ್‌ಬುಕ್, ಇನ್‌ಸ್ಟಾಗ್ರಾಂ ಮತ್ತು ವಾಟ್ಸಪ್‌ ಮಾರಾಟವಾಗಲಿದೆ ಎಂಬ ಸುದ್ದಿಗೆ ಸ್ವತಃ ಫೇಸ್‌ಬುಕ್ ಸಂಸ್ಥಾಪಕ ಮಾರ್ಕ್ ಜುಕರ್‌ಬರ್ಗ್ ಸ್ಪಷ್ಟನೆ ನೀಡಿದ್ದಾರೆ.

ವಾಟ್ಸಪ್ ಮತ್ತು ಇನ್‌ಸ್ಟಾಗ್ರಾಂ ಅನ್ನು ಮಾರಾಟ ಮಾಡುವ ಪ್ರಶ್ನೆಯೇ ಇಲ್ಲ ಎಂದು ಜುಕರ್‌ಬರ್ಗ್ ತಿಳಿಸಿದ್ದಾರೆ.

ಅಮೆರಿಕದ ಸೆನೆಟರ್ ಜೋಶ್ ಹಾಲೆಯ ಟ್ವೀಟ್‌ ಬಳಿಕ ಇನ್‌ಸ್ಟಾಗ್ರಾಂ ಮತ್ತು ವಾಟ್ಸಪ್ ಅನ್ನು ಜುಕರ್‌ಬರ್ಗ್ ಮಾರಾಟ ಮಾಡುತ್ತಾರೆ ಎನ್ನಲಾಗಿತ್ತು. ಈ ಬಗ್ಗೆ ಜುಕರ್‌ಬರ್ಗ್, ಯಾವುದೇ ಕಾರಣಕ್ಕೂ ಇನ್‌ಸ್ಟಾಗ್ರಾಂ ಆಗಲೀ ಅಥವಾ ವಾಟ್ಸಪ್ ಅನ್ನಾಗಲೀ ಮಾರಾಟ ಮಾಡುವುದಿಲ್ಲ ಎಂದು ಉತ್ತರಿಸಿದ್ದಾರೆ.

Cambridge Analytica: ಆ್ಯಪ್‌ಗಳನ್ನು ಕಿತ್ತುಹಾಕಿದ ಫೇಸ್‌ಬುಕ್

ಜೋಶ್ ಹಾಲೆ, ಮಾರ್ಕ್ ಜುಕರ್‌ಬರ್ಗ್ ಭೇಟಿ ಬಳಿಕ ಅವರಿಗೆ ಎರಡು ಪ್ರಮುಖ ಸಲಹೆ ನೀಡಿದೆ, ಅದರಲ್ಲಿ ಒಂದು ಫೇಸ್‌ಬುಕ್ ಪ್ರೈವೆಸಿ ಸುಧಾರಿಸುವುದು ಮತ್ತು ಎರಡನೆಯದಾಗಿ ವಾಟ್ಸಪ್ ಮತ್ತು ಇನ್‌ಸ್ಟಾಗ್ರಾಂ ಅನ್ನು ಮಾರಾಟ ಮಾಡುವುದು ಎಂದು ಟ್ವೀಟ್ ಮಾಡಿದ್ದರು. ಜತೆಗೆ ಅದಕ್ಕೆ ಜುಕರ್‌ಬರ್ಗ್ ನೋ ಎಂದಿದ್ದಾರೆ ಎನ್ನಲಾಗಿತ್ತು.

ಆದರೆ ಅದಾದ ಬಳಿಕ ಜುಕರ್‌ಬರ್ಗ್ ಫೇಸ್‌ಬುಕ್ ಒಂದನ್ನು ಇರಿಸಿಕೊಂಡು, ವಾಟ್ಸಪ್ ಮತ್ತು ಇನ್‌ಸ್ಟಾಗ್ರಾಂ ಅನ್ನು ಮಾರಾಟ ಮಾಡುತ್ತಾರೆ ಎಂದು ಸುದ್ದಿ ಹಬ್ಬಿಸಲಾಗಿತ್ತು. ಅದಕ್ಕೆ ಜುಕರ್‌ಬರ್ಗ್ ಪ್ರತಿಕ್ರಿಯಿಸಿ, ಇನ್‌ಸ್ಟಾಗ್ರಾಂ ಮತ್ತು ವಾಟ್ಸಪ್ ಫೇಸ್‌ಬುಕ್ ಒಡೆತನದಲ್ಲಿಯೇ ಇರಲಿದೆ. ಮಾರಾಟವಾಗುವುದಿಲ್ಲ ಎಂದು ಸ್ಪಷ್ಟನೆ ನೀಡಿದ್ದಾರೆ.

ಗೂಗಲ್‌ನಲ್ಲಿ ಕೂಪನ್ ಕೋಡ್‌ ಆಸೆಗೆ ಬಲಿಯಾಗಬೇಡಿ!