Twitter: ಎಲ್ಲ ರಾಜಕೀಯ ಜಾಹೀರಾತು ನಿಷೇಧ

ಮೈಕ್ರೊ ಬ್ಲಾಗಿಂಗ್‌ ಸಾಮಾಜಿಕ ಜಾಲತಾಣ ಟ್ವಿಟರ್‌ ತನ್ನ ವೇದಿಕೆಯಲ್ಲಿಪ್ರದರ್ಶಿಸಲಾಗುವ ಎಲ್ಲರೀತಿಯ ರಾಜಕೀಯ ಜಾಹೀರಾತುಗಳ ಮೇಲೆ ನಿಷೇಧ ಹೇರಿದೆ. ಯಾವುದೇ ಅಭ್ಯರ್ಥಿ, ಪಕ್ಷ, ಸರಕಾರ ಅಥವಾ ಅಧಿಕಾರಿಗಳಿಗೆ ಸಂಬಂಧಿಸಿದ ಯಾವುದೇ ರೀತಿಯ ರಾಜಕೀಯ ಕಟೆಂಟ್‌ ಅನ್ನು ಉತ್ತೇಜಿಸುವುದಿಲ್ಲಎಂದು ಟ್ವಿಟರ್‌ ಹೇಳಿಕೊಂಡಿದೆ.

ಈ ನಿಷೇಧ ಕೇವಲ ಅಮೆರಿಕಕ್ಕೆ ಮಾತ್ರ ಸಿಮೀತವಾಗಿಲ್ಲ. ಇಡಿ ಜಗತ್ತಿನಾದ್ಯಂತ ಟ್ವಿಟರ್‌ನಲ್ಲಿಇನ್ನು ಯಾವುದೇ ರಾಜಕೀಯ ಜಾಹೀರಾತುಗಳು ಕಾಣಿಸಿಕೊಳ್ಳುವುದಿಲ್ಲ. ರಾಜಕೀಯ ನಂಬಿಕೆಯನ್ನು ಗಳಿಸಿಕೊಳ್ಳಬೇಕೇ ಹೊರತು ಖರೀದಿಸಬಾರದು ಎಂಬ ನಮ್ಮ ನೀತಿಯ ಆಧಾರದ ಮೇಲೆ ಈ ನಿರ್ಧಾರ ಕೈಗೊಂಡಿದ್ದೇವೆ ಎಂದು ಟ್ವಿಟರ್‌ ಹೇಳಿಕೊಂಡಿದೆ.

Data Backup: ಡೇಟಾ ಬ್ಯಾಕ್‌ ಅಪ್‌ ಮಾಡಿಕೊಳ್ಳುವುದು ಹೇಗೆ?

ಸಾಮಾಜಿಕ ಜಾಲತಾಣಗಳ ಮೂಲಕ ರಾಜಕೀಯ ಲಾಭವನ್ನು ಮಾಡಿಕೊಳ್ಳಲಾಗುತ್ತಿದೆ ಎಂಬ ಆರೋಪವನ್ನು ತೊಡೆದು ಹಾಕುವ ಪ್ರಯತ್ನವನ್ನು ಟ್ವಿಟರ್‌ ಮಾಡುತ್ತಿದೆ. ಇದೇ ಹಾದಿಯನ್ನು ಇತರ ಸಾಮಾಜಿಕ ಜಾಲತಾಣಗಳೂ ತುಳಿದರೆ ಇಡೀ ಜಗತ್ತಿನಾದ್ಯಂತ ಸ್ವಚ್ಛ ರಾಜಕೀಯವನ್ನು ನಿರೀಕ್ಷಿಸಬಹುದು ಮತ್ತು ನಿರ್ದಿಷ್ಟ ಪಕ್ಷ, ವ್ಯಕ್ತಿಯ ಪರವಾಗಿ ಪ್ರಭಾವ ಬೀರುವುದನ್ನು ನಿಯಂತ್ರಿಸಬಹುದಾಗಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ.

ಫೇಸ್‌ಬುಕ್ ಬಳಕೆದಾರರ ದತ್ತಾಂಶವನ್ನು ಬಳಸಿಕೊಂಡು ಮತದಾರರ ಮೇಲೆ ಪ್ರಭಾವ ಬೀರಿದ್ದ ವಿಚಾರ ವ್ಯಾಪಕವಾಗಿ ಚರ್ಚೆಗೆ ಒಳಗಾಗಿತ್ತು. ನಂತರದಲ್ಲಿ ಈ ಕುರಿತು ಸೂಕ್ತ ತನಿಖೆ ನಡೆಸುವುದಾಗಿ ಫೇಸ್‌ಬುಕ್ ಹೇಳಿಕೊಂಡಿದೆ. ಆದರೆ ಬಳಕೆದಾರರ ಮಾಹಿತಿಯನ್ನು ರಹಸ್ಯವಾಗಿ ಫೇಸ್‌ಬುಕ್ ಬಳಸಿಕೊಂಡು ರಾಜಕೀಯ ಮತ್ತು ಜಾಹೀರಾತು ಸಂಬಂಧಿತವಾಗಿ ನಡೆದುಕೊಳ್ಳುತ್ತಿದೆ ಎಂಬ ಆರೋಪವೂ ಇದೆ.

E Commerce: ಕಂಪನಿಗಳ ವಿರುದ್ಧ ಹೆಚ್ಚಿದ ದೂರು