TikTok Ban: ಚೀನಾದ ಟಿಕ್‌ಟಾಕ್ ಆ್ಯಪ್ ಖರೀದಿಗೆ ಮುಂದಾದ ಮೈಕ್ರೋಸಾಫ್ಟ್

ಒಂದೆಡೆ ಅಮೆರಿಕದಲ್ಲಿ ಚೀನಾ ಮೂಲದ ಆ್ಯಪ್ ಟಿಕ್‌ಟಾಕ್ ನಿಷೇಧಿಸುವ ಕುರಿತು ಡೊನಾಲ್ಡ್ ಟ್ರಂಪ್ ಚಿಂತನೆ ನಡೆಸುತ್ತಿದ್ದರೆ, ಮತ್ತೊಂದೆಡೆ ಅಮೆರಿಕದ ಟೆಕ್ ದಿಗ್ಗಜ ಮೈಕ್ರೋಸಾಫ್ಟ್, ಅಮೆರಿಕದಲ್ಲಿ ಟಿಕ್‌ಟಾಕ್ ಕಾರ್ಯಾಚರಣೆಯನ್ನು ಖರೀದಿಸುವ ಕುರಿತು ಯೋಜನೆ ರೂಪಿಸುತ್ತಿದೆ.

ದೇಶದಲ್ಲಿ ಈಗಾಗಲೇ ಚೀನಾ ಮೂಲದ ಬೈಟ್‌ಡ್ಯಾನ್ಸ್ ಒಡೆತನದ ಟಿಕ್‌ಟಾಕ್ ಸಹಿತ 100ಕ್ಕೂ ಅಧಿಕ ವಿವಿಧ ಆ್ಯಪ್‌ಗಳನ್ನು ನಿಷೇಧಿಸಲಾಗಿದೆ. ಆದರೆ ಅಮೆರಿಕದಲ್ಲಿ ಮಾತ್ರ ಟಿಕ್‌ಟಾಕ್ ನಿಷೇಧಕ್ಕೆ ಒತ್ತಾಯವಿದ್ದರೂ, ಡೊನಾಲ್ಡ್ ಟ್ರಂಪ್ ಮಾತ್ರ ಹೇಳಿಕೆ ನೀಡಿ, ಅಮೆರಿಕದಲ್ಲಿ ಟಿಕ್‌ಟಾಕ್ ನಿಷೇಧಿಸಬಹುದು, ಅದಕ್ಕೆ ಪರ್ಯಾಯ ಕುರಿತು ಕೂಡ ನಾವು ಪರಿಶೀಲಿಸುತ್ತಿದ್ದೇವೆ. ವಿವಿಧ ಆಯ್ಕೆಗಳು ನಮ್ಮ ಮುಂದಿವೆ ಎಂದಿದ್ದಾರೆ.

ಟಿಕ್‌ಟಾಕ್ ಬಳಕೆದಾರರ ಮಾಹಿತಿ ಕದಿಯುತ್ತದೆ ಮತ್ತು ಅದನ್ನು ಚೀನಾಗೆ ರವಾನಿಸಿತ್ತದೆ ಎನ್ನುವ ಆರೋಪ ಟಿಕ್‌ಟಾಕ್ ಮೇಲಿದೆ. ಹೀಗಿರುವಾಗ ವಾಲ್‌ಸ್ಟ್ರೀಟ್ ಜರ್ನಲ್ ಮಾತ್ರ, ಮೈಕ್ರೋಸಾಫ್ಟ್ ಟಿಕ್‌ಟಾಕ್ ಆ್ಯಪ್‌ನ ಅಮೆರಿಕದ ವಿಭಾಗವನ್ನು ಖರೀದಿಸಲು ಮುಂದಾಗುತ್ತಿದೆ ಎಂದು ವರದಿ ಮಾಡಿದೆ.

ಹೀಗಾಗಿ ಟಿಕ್‌ಟಾಕ್ ನಿಷೇಧದ ಮಾತುಕತೆ ಮಧ್ಯೆಯೇ ಮೈಕ್ರೋಸಾಫ್ಟ್ ಟಿಕ್‌ಟಾಕ್ ಖರೀದಿಗೆ ಒಲವು ತೋರುತ್ತಿರುವುದು ಕೂಡ ಅಮೆರಿಕದಲ್ಲಿ ಟಿಕ್‌ಟಾಕ್ ನಿಷೇಧದ ಬದಲು, ಸಂಪೂರ್ಣ ಮೈಕ್ರೋಸಾಫ್ಟ್ ತೆಕ್ಕೆಗೆ ಜಾರುವ ಸಂಭವವಿದೆ ಎನ್ನಲಾಗುತ್ತಿದೆ.

Instagram Reels: ಟಿಕ್‌ಟಾಕ್ ಸ್ಟಾರ್‌ಗಳಿಗೆ ವಿಶೇಷ ಆಫರ್ ನೀಡುತ್ತಿದೆ ಇನ್‌ಸ್ಟಾಗ್ರಾಂ!