Microsoft India: 100 ಕೋಟಿ ಡಾಲರ್‌ ದಾಟಿದ ಆದಾಯ

ಇದೇ ಮೊದಲ ಬಾರಿಗೆ ಭಾರತದಲ್ಲಿ ಮೈಕ್ರೊಸಾಫ್ಟ್‌ ಆದಾಯವು 100 ಕೋಟಿ ಡಾಲರ್‌ ದಾಟಿದೆ. ಕ್ಲೌಡ್‌ ಮತ್ತು ಕ್ಲೌಡ್‌ ಬೇಸ್ಡ್‌ ಸರ್ವಿಸ್‌ನಿಂದ ಈ ಆದಾಯ ಹೆಚ್ಚಳವಾಗಿದೆ. ಮೈಕ್ರೊಸಾಫ್ಟ್‌ ಇಂಡಿಯಾ ಆದಾಯವು 2018-19ರಲ್ಲಿ ಶೇ. 13ರಷ್ಟು ಏರಿಕೆಯಾಗಿದ್ದು, 7301 ಕೋಟಿ ರೂ.ಗೆ ತಲುಪಿದೆ. ಅದರ ಹಿಂದಿನ ವರ್ಷದಲ್ಲಿಈ ಆದಾಯವು 6,455 ಕೋಟಿ ರೂ. ಇತ್ತು. ಹಾಗೆಯೇ ನಿವ್ವಳ ಲಾಭವು ಕೂಡ 357 ಕೋಟಿ ರೂ.ನಿಂದ 386 ಕೋಟಿ ರೂ.ಗೆ ಏರಿಕೆಯಾಗಿದೆ.

ಭಾರತದಲ್ಲಿಮೈಕ್ರೊಸಾಫ್ಟ್‌ನ ಒಟ್ಟು ಆದಾಯದ ಪೈಕಿ ಅರ್ಧದಷ್ಟು ಆದಾಯವು ಕ್ಲೌಡ್‌ ಮತ್ತು ಕ್ಲೌಡ್‌ ಬೇಸ್ಡ್‌ ಸೇವೆಯಿಂದಲೇ ಬರುತ್ತಿದೆ ಎಂದು ಈ ವರ್ಷದ ಆದಿಯಲ್ಲಿ ಮೈಕ್ರೊಸಾಫ್ಟ್‌ ಇಂಡಿಯಾ ಅಧ್ಯಕ್ಷ ಅನಂತ್‌ ಮಹೇಶ್ವರಿ ಅವರು ಹೇಳಿದ್ದರು.

ಅಂದರೆ, ಇದೀಗ ಮೈಕ್ರೊಸಾಫ್ಟ್‌ ಕಂಪನಿಯಲ್ಲೇ ಕ್ಲೌಡ್‌ ಆಧರಿತ ಸೇವೆ ಕೇವಲ ಚಿಕ್ಕ ಘಟಕವಾಗಿ ಉಳಿದಿಲ್ಲ. ಆದಾಯ ಹೆಚ್ಚಿಸುವಲ್ಲಿಅದು ಕೂಡ ಪ್ರಮುಖವಾಗಿದೆ. ಶೇ.50ರಷ್ಟು ಆದಾಯ ಈ ಸೇವೆಗಳಿಂದಲೇ ಬರುತ್ತಿದೆ ಎಂಬುದು ಮಹೇಶ್ವರಿ ಅವರ ಇಂಗಿತವಾಗಿದೆ. ಕಳೆದ ಹಣಕಾಸು ವರ್ಷದಲ್ಲೂ ಜಾಗತಿಕವಾಗಿಯೂ ಮೈಕ್ರೊಸಾಫ್ಟ್‌ ಅತ್ಯುತ್ತಮ ಪ್ರದರ್ಶನವನ್ನೇ ತೋರಿದೆ. ಆದಾಯದಲ್ಲೂಏರಿಕೆಯಾಗಿದೆ.

ಗೂಗಲ್‌ ಸರ್ಚ್‌ ಸೇಫ್ ಆಗಿರಲು ಹೀಗೆ ಮಾಡಿ..