China App Ban: ದೇಶದಲ್ಲಿ ಮತ್ತಷ್ಟು ಚೀನಾ ಆ್ಯಪ್ ನಿಷೇಧ

ರಾಷ್ಟ್ರೀಯ ಹಿತಾಸಕ್ತಿ ರಕ್ಷಣೆ ಮತ್ತು ಗ್ರಾಹಕರ ವೈಯಕ್ತಿಕ ಮಾಹಿತಿ ಸುರಕ್ಷತೆಗಾಗಿ ಕಳೆದ ತಿಂಗಳು ಸರಕಾರ ದೇಶದಲ್ಲಿ ಚೀನಾ ಮೂಲದ 59 ಆ್ಯಪ್‌ಗಳನ್ನು ನಿಷೇಧಿಸಿತ್ತು. ಇದೀಗ ಮತ್ತೆ ಚೀನಾ ಮೂಲದ ಕೆಲವೊಂದು ಆ್ಯಪ್‌ ನಿಷೇಧಕ್ಕೆ ಮಾಹಿತಿ ತಂತ್ರಜ್ಞಾನ ಸಚಿವಾಲಯ ಸಿದ್ಧತೆ ನಡೆಸಿದೆ.

ಗ್ರಾಹಕರ ಮಾಹಿತಿ ಕದಿಯುತ್ತವೆ ಎನ್ನುವ ಕಾರಣಕ್ಕಾಗಿ ಟಿಕ್‌ಟಾಕ್ ಸಹಿತ 59 ವಿವಿಧ ಆ್ಯಪ್‌ಗಳನ್ನು ದೇಶದಲ್ಲಿ ನಿಷೇಧಿಸಲಾಗಿತ್ತು. ಅದಾದ ಬಳಿಕ ಗೂಗಲ್ ಪ್ಲೇ ಸ್ಟೋರ್‌ ಮತ್ತು ಆ್ಯಪಲ್ ಆ್ಯಪ್‌ ಸ್ಟೋರ್‌ನಲ್ಲಿ ಕೂಡ ಈ ಆ್ಯಪ್‌ಗಳಿಗೆ ನಿರ್ಬಂಧ ಹೇರಿದ್ದು, ಡೌನ್‌ಲೋಡ್ ಮತ್ತು ಅಪ್‌ಡೇಟ್ ನಿರ್ಬಂಧಿಸಲಾಗಿತ್ತು.

ಜತೆಗೆ ನೆಟ್‌ವರ್ಕ್ ಮತ್ತು ಇಂಟರ್‌ನೆಟ್ ಪೂರೈಕೆದಾರರಿಗೆ ಕೂಡ ಈ ಕುರಿತು ಮಾಹಿತಿ ನೀಡಿದ್ದು, ನಿಷೇಧಿತ ಆ್ಯಪ್‌ ಬಳಸದಂತೆ ಸೂಚನೆ ನೀಡಲಾಗಿತ್ತು. ಜತೆಗೆ 77 ಪ್ರಶ್ನಾವಳಿ ಕಳುಹಿಸಿ ಉತ್ತರ ಬಯಸಿದೆ.

ಮತ್ತಷ್ಟು ಆ್ಯಪ್‌ ಬ್ಯಾನ್
ಚೀನಾ ಮೂಲದ 59 ಆ್ಯಪ್‌ ಮಾತ್ರವಲ್ಲದೆ, ದೇಶದಲ್ಲಿ ಇನ್ನಷ್ಟು ಆ್ಯಪ್‌ಗಳಿದ್ದು, ಅವುಗಳ ನಿಷೇಧಕ್ಕೆ ಸರಕಾರ ಸೂಚನೆ ನೀಡಿದೆ. ಹಲೋ ಲೈಟ್, ಶೇರ್‌ಇಟ್ ಲೈಟ್, ಬಿಗೋ ಲೈಟ್, VFY ಲೈಟ್ ಆ್ಯಪ್‌ಗಳನ್ನು ನಿಷೇಧಿಸಲಾಗಿದ್ದು, ಪ್ಲೇ ಸ್ಟೋರ್ ಮತ್ತು ಆ್ಯಪ್‌ ಸ್ಟೋರ್‌ನಿಂದ ತೆಗೆಯಲಾಗಿದೆ. ಮತ್ತಷ್ಟು ಚೀನಾ ಮೂಲದ ಆ್ಯಪ್‌ಗಳ ಮೇಲೆ ಸರಕಾರ ನಿಗಾ ಇರಿಸಿದೆ.

Jio 5G Network: ದೇಸಿ 5G ತಂತ್ರಜ್ಞಾನಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ ಅಮೆರಿಕ