Play Store: ಪ್ಲೇಸ್ಟೋರ್‌ನಲ್ಲಿವೆ 2,000ಕ್ಕೂ ಅಧಿಕ ನಕಲಿ ಆ್ಯಪ್

ಗೂಗಲ್‌ ಆಂಡ್ರಾಯ್ಡ್ ಸ್ಮಾರ್ಟ್‌ಫೋನ್‌ಗೆ ಆ್ಯಪ್ಸ್ ಒದಗಿಸುವ ಪ್ಲೇಸ್ಟೋರ್‌ನಲ್ಲಿ 2,000ಕ್ಕೂ ಅಧಿಕ ನಕಲಿ ಮತ್ತು ಮಾಲ್ವೇರ್ ತೊಂದರೆ ನೀಡುವ ಆ್ಯಪ್‌ಗಳು ಇವೆ ಎಂದು ವರದಿ ಹೇಳಿದೆ.

ಯೂನಿವರ್ಸಿಟಿ ಆಫ್ ಸಿಡ್ನಿ ಮತ್ತು ಸಿಸಿರೋ ಡಾಟಾ61 ತಜ್ಞರು ಪ್ರಕಟಿಸಿರುವ ವರದಿಯ ಪ್ರಕಾರ, ಗೂಗಲ್ ಪ್ಲೇ ಸ್ಟೋರ್, 2000ಕ್ಕೂ ಅಧಿಕ ನಕಲಿ ಆ್ಯಪ್ ಹೊಂದಿದೆ.

ತಜ್ಞರ ತಂಡ ಸುಮಾರು ಎರಡು ವರ್ಷ ಕಾಲ ಲಕ್ಷಕ್ಕೂ ಅಧಿಕ ಆ್ಯಪ್‌ಗಳನ್ನು ಪರಿಶೀಲನೆಗೊಳಪಡಿಸಿದ್ದಾರೆ.

ಅವುಗಳ ಪೈಕಿ, ಬಹುತೇಕ ಉಚಿತ ಆ್ಯಪ್‌ಗಳು ಸ್ಮಾರ್ಟ್‌ಫೋನ್‌ಗೆ ಮಾಲ್ವೇರ್ ತರುವ ಇಲ್ಲವೆ ತೊಂದರೆ ಉಂಟುಮಾಡುವ ನಕಲಿ ಆ್ಯಪ್‌ಗಳಾಗಿವೆ ಎಂದು ಹೇಳಲಾಗಿದೆ.

ಕೆಲವು ಆ್ಯಪ್‌ಗಳು ಬಹುತೇಕ ನೈಜ ಆ್ಯಪ್‌ಗೆ ಸಾಮ್ಯತೆ ಹೊಂದಿವೆ, ಅವುಗಳನ್ನು ಸುಲಭದಲ್ಲಿ ಗುರುತಿಸಲು ಸಾಧ್ಯವಿಲ್ಲ. ಹೀಗಾಗಿ ಜನರು ನೈಜ ಮತ್ತು ನಕಲಿ ಆ್ಯಪ್‌ ಮಧ್ಯೆ ವ್ಯತ್ಯಾಸ ಪತ್ತೆಹಚ್ಚುವಲ್ಲಿ ವಿಫಲರಾಗುತ್ತಾರೆ ಎಂದು ವರದಿ ಹೇಳಿದೆ.