Motorola Smart TV: ಸೆ. 16ರಂದು ಬಿಡುಗಡೆ

ಸೆಪ್ಟೆಂಬರ್ ತಿಂಗಳು ವಿವಿಧ ಹೊಸ ಸ್ಮಾರ್ಟ್‌ಫೋನ್‌ಗಳ ಬಿಡುಗಡೆಗೆಂದೇ ನಿಗದಿಯಾಗಿರುವಂತಿದೆ. ಈಗಾಗಲೇ ಸ್ಯಾಮ್‌ಸಂಗ್, ಆ್ಯಪಲ್, ಶವೋಮಿ, ವಿವೋ ಮತ್ತು ಒಪ್ಪೋ ಹೊಸ ಫೋನ್ ಬಿಡುಗಡೆ ಮಾಡಿದ್ದು, ಎಲ್‌ಜಿ, ಒನ್‌ಪ್ಲಸ್ ಕೂಡ ಮುಂದಿನ ಹಂತದಲ್ಲಿ ಇದೇ ತಿಂಗಳಲ್ಲಿ ನೂತನ ಫೋನ್ ಪ್ರಕಟಿಸಲಿದೆ.

ಇದೀಗ ಹೊಸ ಫೋನ್ ಬಿಡುಗಡೆ ಪಟ್ಟಿಗೆ ಮೋಟೋರೋಲಾ ಕೂಡ ಸೇರಿಕೊಂಡಿದೆ. ಮೋಟೋರೋಲಾದ ಮೋಟೋ E6s ಸೆ. 16ರಂದು ದೇಶದಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಅದರ ಜತೆಗೇ ಸ್ಮಾರ್ಟ್ ಟಿವಿ ಲೋಕಕ್ಕೆ ಮೋಟೋರೋಲಾ ಪ್ರವೇಶಿಸುವ ನಿರೀಕ್ಷೆಯಿದೆ. ಮೋಟೋರೋಲಾದ ಮೊದಲ ಸ್ಮಾರ್ಟ್ ಟಿವಿ ಇದಾಗಿದ್ದು, ಫ್ಲಿಪ್‌ಕಾರ್ಟ್ ಮೂಲಕ ದೇಶದಲ್ಲಿ ಲಭ್ಯವಾಗುತ್ತದೆ ಎಂದು ಹೇಳಲಾಗಿದೆ.

Redmi TV 70: ಸೆ. 17ರಂದು ದೇಶದಲ್ಲಿ ಬಿಡುಗಡೆ

ಮೋಟೋರೋಲಾ ಸ್ಮಾರ್ಟ್ ಟಿವಿ, ಈಗಾಗಲೇ ಮಾರುಕಟ್ಟೆಯಲ್ಲಿರುವ ಸ್ಮಾರ್ಟ್‌ ಟಿವಿಗಳಿಗೆ ಸ್ಪರ್ಧೆಯೊಡ್ಡುವ ಸಾಧ್ಯತೆಯಿದೆ. ಅದರ ಜತೆಗೇ ಒನ್‌ಪ್ಲಸ್ ಕೂಡ ಹೊಸ ಸ್ಮಾರ್ಟ್ ಟಿವಿ ಬಿಡುಗಡೆ ಮಾಡಲು ಮುಂದಾಗಿದೆ. ಮತ್ತೊಂದೆಡೆ ಶವೋಮಿ, ರೆಡ್ಮಿ ಬ್ರ್ಯಾಂಡ್‌ನಡಿ ಹೊಸ ಟಿವಿ ಪರಿಚಯಿಸುತ್ತಿದೆ. ಹೀಗಾಗಿ ಸ್ಮಾರ್ಟ್ ಟಿವಿ ಮತ್ತಷ್ಟು ರಂಗೇರುವ ಸಾಧ್ಯತೆಯಿದೆ.

OnePlus TV Remote: ಒನ್‌ಪ್ಲಸ್ ಟಿವಿ ರಿಮೋಟ್ ಹೀಗಿದೆ ನೋಡಿ

ಮೋಟೋರೋಲಾ ಐಫಾ 2019ರಲ್ಲಿ ಮೋಟೋ E6 Plus ಮೊಬೈಲ್‌ನ ಪರಿಷ್ಕೃತ ಆವೃತ್ತಿ ಮೋಟೋ E6s ಅನ್ನು ಬಿಡುಗಡೆ ಮಾಡಿತ್ತು.
ಹೀಗಾಗಿ ಸ್ಮಾರ್ಟ್‌ಫೋನ್ ಮಾರುಕಟ್ಟೆಗೆ ಮೋಟೋರೋಲಾದಿಂದ ಮತ್ತೊಂದು ಫೋನ್ ಸೇರ್ಪಡೆಯಾಗುತ್ತಿದ್ದು, ಸೆ. 16ರಂದು ಮಾರುಕಟ್ಟೆಗೆ ಬರಲಿದೆ ಎನ್ನಲಾಗಿದೆ.

Thomson Android ಸ್ಮಾರ್ಟ್ ಟಿವಿ ಹೇಗಿದೆ?