FAU-G: ನವೆಂಬರ್‌ನಲ್ಲಿ ಬಿಡುಗಡೆಯಾಗುತ್ತಿದೆ ಆಕ್ಷನ್ ಗೇಮ್ ಫಾಜಿ!

ಫೀಯರ್‌ಲೆಸ್ ಆಂಡ್ ಯುನೈಟೆಡ್ ಗಾರ್ಡ್ಸ್ ಹೆಸರಿನ ಆಕ್ಷನ್ ಗೇಮ್ ಫಾಜಿ, ನವೆಂಬರ್‌ನಲ್ಲಿ ಬಿಡುಗಡೆಯಾಗುತ್ತಿದೆ. ದೇಶದಲ್ಲಿ ಪಬ್‌ಜಿ ನಿಷೇಧವಾದ ಬೆನ್ನಲ್ಲೇ, ದೇಸಿ ಅಪ್ಲಿಕೇಶನ್ ಮತ್ತು ಮೊಬೈಲ್ ಗೇಮಿಂಗ್‌ ಕ್ಷೇತ್ರದಲ್ಲಿ ಅತ್ಯಂತ ಹೆಚ್ಚಿನ ಅವಕಾಶ ತೆರೆದುಕೊಳ್ಳುತ್ತಿದೆ. ಪಬ್‌ಜಿ ಬ್ಯಾನ್‌ ಬಳಿಕ ಸದ್ದು ಮಾಡಿರುವ ದೇಸಿ ಆಕ್ಷನ್ ಮತ್ತು ಅಡ್ವೆಂಚರ್ ಗೇಮ್ ಫಾಜಿ ಬಳಕೆದಾರರಿಗೆ ಶೀಘ್ರದಲ್ಲೇ ದೊರೆಯಲಿದೆ.

ದೀಪಾವಳಿಗೆ ವಿಶೇಷ ಆಕ್ಷನ್
ಫಾಜಿ ಗೇಮ್ ಮಲ್ಟಿ ಪ್ಲೇಯರ್ ಮೋಡ್ ಆಕ್ಷನ್ ಗೇಮ್ ನವೆಂಬರ್‌ನಲ್ಲಿ ಗೂಗಲ್ ಪ್ಲೇ ಸ್ಟೋರ್ ಮತ್ತು ಐಫೋನ್ ಅಪ್ಲಿಕೇಶನ್ ಸ್ಟೋರ್‌ನಲ್ಲಿ ಬಿಡುಗಡೆಯಾಗಲಿದೆ. ದೀಪಾವಳಿಗೆ ಆಕ್ಷನ್ ಗೇಮ್ ಕೊಡುಗೆಯನ್ನು ಎನ್ಕೋರ್ ಗೇಮ್ಸ್ ಬಳಕೆದಾರರಿಗೆ ಒದಗಿಸುತ್ತಿದೆ.

ಟೀಸರ್ ಬಿಡುಗಡೆ ಮಾಡಿದ ಅಕ್ಷಯ್
ವಿಜಯದಶಮಿ ಮತ್ತು ದಸರಾ ಸಂದರ್ಭದಲ್ಲಿ ಬಾಲಿವುಡ್ ನಟ ಅಕ್ಷಯ್ ಕುಮಾರ್, ಹೊಸ ಫಾಜಿ ಗೇಮ್ ಟೀಸರ್ ಅನ್ನು ಬಿಡುಗಡೆ ಮಾಡಿದ್ದಾರೆ. ಟ್ವಿಟರ್‌ನಲ್ಲಿ ಈ ಕುರಿತು ಅಕ್ಷಯ್ ಟ್ವೀಟ್ ಮಾಡಿದ್ದಾರೆ. ನವೆಂಬರ್‌ನಲ್ಲಿ ಬಿಡುಗಡೆ ಕುರಿತು ಅಕ್ಷಯ್ ಸುಳಿವು ನೀಡಿದ್ದರೂ, ಬಿಡುಗಡೆ ದಿನಾಂಕವನ್ನು ಕಂಪನಿ ಬಹಿರಂಗಪಡಿಸಿಲ್ಲ.

Vivo Y30: ಎರಡು ಪರಿಷ್ಕೃತ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದ ವಿವೋ


ಆಕ್ಷನ್ ಗೇಮ್
ಹೊಸ ಫಾಜಿ ಗೇಮ್‌ ಒಟ್ಟಾರೆ ಲಾಭದಲ್ಲಿ ಶೇ. 20 ಅನ್ನು ಭಾರತ್‌ ಕೆ ವೀರ್ ಟ್ರಸ್ಟ್‌ಗೆ ಕಂಪನಿ ನೀಡಲಿದೆ. ದೇಶದ ಸೈನ್ಯದಲ್ಲಿ ಹುತಾತ್ಮರಾದ ಯೋಧರ ಕುಟುಂಬಕ್ಕೆ ನೆರವಾಗುವ ಉದ್ದೇಶವನ್ನು ಫಾಜಿ ಗೇಮ್ ಹೊಂದಿದೆ.

Micromax In: ಹೊಸ ಮೈಕ್ರೋಮ್ಯಾಕ್ಸ್ ಸ್ಮಾರ್ಟ್‌ಫೋನ್ ನವೆಂಬರ್ 3 ರಂದು ಬಿಡುಗಡೆ