30 ಕ್ಕೂ ಹೆಚ್ಚು ದೇಶಗಳಲ್ಲಿ Nteflix ಚಂದಾದಾರಿಕೆ ಶುಲ್ಕ ಇಳಿಕೆ

ಜಾಗತಿಕ ವೀಡಿಯೊ ಸ್ಟ್ರೀಮಿಂಗ್ ದೈತ್ಯ Nteflix ಸಂಸ್ಥೆ 30 ಕ್ಕೂ ಹೆಚ್ಚು ದೇಶಗಳಲ್ಲಿ ತನ್ನ ಚಂದಾದಾರಿಕೆ ಶುಲ್ಕವನ್ನು ಇಳಿಕೆ ಮಾಡಿದ್ದು, ಪ್ರಮೋಷನ್ ಸೇರಿದಂತೆ ವಿವಿಧ ಕಾರಣಗಳಿಂದ ನಾವು Nteflix ಚಂದಾದಾದಾರಿಕೆ ಶುಲ್ಕವನ್ನು ಇಳಿಸಿದ್ದೇವೆ ಎಂದು ಕಂಪೆನಿಯ ತಿಳಿಸಿದೆ. ಹೆಚ್ಚು ಚಂದಾದಾರರನ್ನು ಆಕರ್ಷಿಸುವ ಸಲುವಾಗಿ ಈಜಿಪ್ಟ್, ಯೆಮೆನ್, ಜೋರ್ಡಾನ್, ಲಿಬಿಯಾ, ಇರಾನ್, ಕೀನ್ಯಾ,ಇಂಡೋನೇಷ್ಯಾ, ವಿಯೆಟ್ನಾಂ, ಥೈಲ್ಯಾಂಡ್ ಮತ್ತು ಫಿಲಿಪೈನ್ಸ್ ಸೇರಿದಂತೆ 30 ಕ್ಕೂ ಹೆಚ್ಚು ದೇಶಗಳಲ್ಲಿ Nteflix ಚಂದಾದಾದಾರಿಕೆ ಶುಲ್ಕಗಳು ಶೇ. 20 ಪ್ರತಿಶತದಿಂದ ಸುಮಾರು 60 ಪ್ರತಿಶತದವರೆಗೆ ಇಳಿಕೆಯಾಗಿದ್ದು, ಚಂದಾದಾರಿಗೆ ಬೆಲೆ ಇಳಿಕೆಯ ಲಾಭವು ತಕ್ಷಣದಿಂದಲೇ ದೊರೆತಿದೆ. ಆದರೆ, ದುಃಖಕರವೆಂದರೆ ಭಾರತ ಈ ಪಟ್ಟಿಯಲ್ಲಿಲ್ಲ.!

Netflix ಸಂಸ್ಥೆ ಕಳೆದ 10 ವರ್ಷಗಳಲ್ಲೇ ಮೊದಲ ಬಾರಿ ಚಂದಾದಾರರ ನಷ್ಟವನ್ನು ಎದುರಿಸಿದೆ. ಈಗಾಗಲೇ 1 ಮಿಲಿಯನ್‌ಗಿಂತಲೂ ಹೆಚ್ಚು ಚಂದಾದಾರರನ್ನು ಕಳೆದುಕೊಂಡಿರುವ ಸಂಸ್ಥೆಯ ಷೇರು ಬೆಲೆಗಳು ಸಹ ಶೇ.63 ರಷ್ಟು ಇಳಿಕೆಯಾಗಿವೆ. ಇದರಿಂದ ಸಂಸ್ಥೆಯುವ ಹಲವು ಬದಲಾವಣೆಗೆ ತೆರೆದುಕೊಳ್ಳುತ್ತಿದ್ದು, ಇದೀಗ ಹೆಚ್ಚು ಚಂದಾದಾರರನ್ನು ಆಕರ್ಷಿಸುವ ಸಲುವಾಗಿ 30 ಕ್ಕೂ ಹೆಚ್ಚು ದೇಶಗಳಲ್ಲಿ ತನ್ನ ಚಂದಾದಾರಿಕೆ ಶುಲ್ಕವನ್ನು ಇಳಿಕೆ ಮಾಡಿದೆ. ಇನ್ನು ಈ ತಿಂಗಳ ಆರಂಭದಲ್ಲಷ್ಟೇ, Netflix ಕಂಪನಿ ತನ್ನ ಪಾಸ್‌ವರ್ಡ್ ಹಂಚಿಕೆಯ ವೈಶಿಷ್ಟ್ಯಕ್ಕೆ ಇದೀಗ ಅಧಿಕೃತವಾಗಿ ಬ್ರೇಕ್ ಹಾಕಿದೆ. ಕೆನಡಾ, ನ್ಯೂಜಿಲ್ಯಾಂಡ್, ಸ್ಪೇನ್ ಮತ್ತು ಪೋರ್ಚುಗಲ್ ದೇಶಗಳಲ್ಲಿ ಹೊರಗಿನವರಿಗೆ ನಾಲ್ಕು ಪಾಸ್‌ವರ್ಡ್ ಹಂಚಿಕೊಳ್ಳುವ ವೈಶಿಷ್ಟ್ಯವು ಕೊನೆಯಾಗಿದೆ.

Netflix ಖಾತೆಗಳ ಪಾಸ್‌ವರ್ಡ್ ಹಂಚಿಕೊಳ್ಳಲು ಇದೀಗ ಕೆನಡಾದಲ್ಲಿ - $7.99 CAD, ನ್ಯೂಜಿಲ್ಯಾಂಡ್‌ನಲ್ಲಿ - $7.99 NZD, ಪೋರ್ಚುಗಲ್‌ನಲ್ಲಿ - 3.99 ಯುರೋಗಳು ಮತ್ತು ಸ್ಪೇನ್‌ನಲ್ಲಿ - 5.99 ಯುರೋಗಳು (ಅಂದಾಜು 500 ರೂ.) ಪಾವತಿಸಬೇಕಿದೆ. ಇಂದು 100 ಮಿಲಿಯನ್‌ಗಿಂತಲೂ ಹೆಚ್ಚು ಖಾತೆ ಕುಟುಂಬಗಳು Netflix ಅನ್ನು ಹಂಚಿಕೊಳ್ಳುತ್ತಿವೆ. ಇದರಿಂದ ಹೊಸ ಟಿವಿ ಮತ್ತು ಚಲನಚಿತ್ರಗಳಲ್ಲಿ ಹೂಡಿಕೆ ಮಾಡುವ ನಮ್ಮ ಸಾಮರ್ಥ್ಯದ ಮೇಲೆ ಸಾಕಷ್ಟು ಪರಿಣಾಮ ಬೀರುತ್ತಿದೆ. ಕನಡಾ, ನ್ಯೂಜಿಲೆಂಡ್, ಪೋರ್ಚುಗಲ್ ಮತ್ತು ಸ್ಪೇನ್‌ನಲ್ಲಿ ಇಂದಿನಿಂದ ಪ್ರಾರಂಭವಾಗುವ ಈ ಬದಲಾವಣೆಯನ್ನು ಮುಂದಿನ ತಿಂಗಳುಗಳಲ್ಲಿ ವಿಸ್ತಾರವಾಗಿ ಹೊರತರಲು ಸಿದ್ಧರಾಗಿದ್ದೇವೆ ಎಂದು Netflix ಸಂಸ್ಥೆ ಹೇಳಿದ್ದನ್ನು ನಾವಿಲ್ಲಿ ಗಮನಿಸಬಹುದು.

Netflix ಬಳಕೆದಾರರು ಇದೀಗ ತಮ್ಮ ಖಾತೆಯನ್ನು ಸುಲಭವಾಗಿ ಮತ್ತೊಂಡು ಸಾಧನಕ್ಕೆ ವರ್ಗಾಯಿಸಬಹುದು ಎಂದು ತಿಳಿದುಬಂದಿದೆ, Netflix ಬಳಕೆದಾರರು ಅವರ ವೈಯಕ್ತಿಕ ಶಿಫಾರಸುಗಳನ್ನು ಇಟ್ಟುಕೊಳ್ಳುವುದು, ವೀಕ್ಷಣೆ ಇತಿಹಾಸ, ನನ್ನ ಪಟ್ಟಿಗಳು, ಉಳಿಸಿದ ಆಟಗಳು ಮತ್ತು ಹೆಚ್ಚಿನ ವೈಶಿಷ್ಟ್ಯಗಳನ್ನು ಅವರ ವೈಯಕ್ತಿಕ ಸಾಧನಗಳಲ್ಲಿ ನೀವು ಸುಲಭವಾಗಿ ವೀಕ್ಷಿಸಬಹುದು. ಕೆಲವು ಮಾಧ್ಯಮ ವರದಿಗಳು, ಜಾಹಿರಾತು-ಬೆಂಬಲಿತ ನೆಟ್‌ಫ್ಲಿಕ್ಸ್ ಚಂದಾದಾರಿಕೆಯು $6.99 (ಸುಮಾರು ರೂ 575) ಆರಂಭಿಕ ಬೆಲೆಗಳಿಂದ ಗುರುತಿಸಲ್ಪಟ್ಟಿದೆ. ಇದು ಕೂಡ 2023 ರಿಂದ ಸಾರ್ವತ್ರಿಕವಾಗಿ ಉಳಿಯಲಿದೆ. ಆದರೆ, ಕಂಪನಿಯಿಂದ ಈ ಕುರಿತಂತೆ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ. ಈ ಬಗ್ಗೆ ಮತ್ತಷ್ಟು ಮಾಹಿತಿಯನ್ನು ನಿರೀಕ್ಷಿಸಲಾಗಿದೆ.