OnePlus 7T: ಸೆಪ್ಟೆಂಬರ್‌ನಲ್ಲಿ ಹೊಸ ಫೋನ್ ಬಿಡುಗಡೆ

ಪ್ರೀಮಿಯಂ ಸ್ಮಾರ್ಟ್‌ಫೋನ್ ಎಂದೇ ಹೆಸರು ಪಡೆದಿರುವ ಒನ್‌ಪ್ಲಸ್ ಭಾರತದಲ್ಲಿ ಅಧಿಕ ಸಂಖ್ಯೆಯ ಬಳಕೆದಾರರನ್ನು ಹೊಂದಿದೆ. ಕಳೆದ ಮೇ ತಿಂಗಳಿನಲ್ಲಿ ಒನ್‌ಪ್ಲಸ್ 7 ಸರಣಿಯಲ್ಲಿ ಒನ್‌ಪ್ಲಸ್ 7 ಮತ್ತು ಒನ್‌ಪ್ಲಸ್ 7 ಪ್ರೊ ಮಾದರಿಯನ್ನು ಬಿಡುಗಡೆ ಮಾಡಿತ್ತು.

ಇದೀಗ ಸೆಪ್ಟೆಂಬರ್‌ನಲ್ಲಿ ಒನ್‌ಪ್ಲಸ್ 7 ಸರಣಿಯಲ್ಲಿ ಎರಡು ನೂತನ ಫೋನ್ ಮಾರುಕಟ್ಟೆ ಪ್ರವೇಶಿಸಲಿದೆ. ಸೆ. 26ರಂದು ಒನ್‌ಪ್ಲಸ್ 7T ಮತ್ತು ಒನ್‌ಪ್ಲಸ್ 7T Pro ಬಿಡುಗಡೆಯಾಗಲಿದೆ ಎನ್ನಲಾಗಿದೆ.

ಅ. 15ರಂದು ನೂತನ ಫೋನ್ ಮಾರಾಟಕ್ಕೆ ಲಭ್ಯವಾಗಲಿದೆ. ದೇಶದಲ್ಲಿ ಮೊದಲ ಹಂತದಲ್ಲೇ ಲಭ್ಯವಾಗಲಿರುವ ಒನ್‌ಪ್ಲಸ್ 7 ನೂತನ ಫೋನ್, ಅಮೆರಿಕ ಮತ್ತು ಯುರೋಪ್‌ನಲ್ಲಿ ಅ. 10ಕ್ಕೆ ಬಿಡುಗಡೆಯಾಗಲಿದೆ ಎಂದು ಹೇಳಲಾಗಿದೆ.

ಒನ್‌ಪ್ಲಸ್ 7 ಸರಣಿ ಫೋನ್‌ಗಳು ಗರಿಷ್ಠ 12 GB RAM ಹೊಂದಿದೆ. ಹೊಸ ಫೋನ್‌ನಲ್ಲೂ 12 GB RAM ಇರಲಿದ್ದು, 512 GB ಸ್ಟೋರೇಜ್ ಹೊಂದಿರುತ್ತದೆ ಎಂದು ಹೇಳಲಾಗಿದೆ. ಜತೆಗೆ ಸ್ನ್ಯಾಪ್‌ಡ್ರ್ಯಾಗನ್ 855 Plus ಚಿಪ್‌ಸೆಟ್ ಕೂಡ ಇದರ ವಿಶೇಷತೆಯಾಗಿದೆ.