Galaxy Book S: ಸ್ಯಾಮ್‌ಸಂಗ್‌ನ ಹೊಸ ಲ್ಯಾಪ್‌ಟಾಪ್

ಸ್ಯಾಮ್‌ಸಂಗ್ ಲ್ಯಾಪ್‌ಟಾಪ್ ಸರಣಿಗೆ ಹೊಸ ಸೇರ್ಪಡೆ ಗ್ಯಾಲಕ್ಸಿ ಬುಕ್ ಎಸ್ ಬಿಡುಗಡೆಯಾಗಿದ್ದು, ಕ್ವಾಲ್ಕಂ ಸ್ನ್ಯಾಪ್‌ಡ್ರ್ಯಾಗನ್‌ 8cx ಪ್ರೊಸೆಸರ್ ಹೊಂದಿದೆ.

ಮೆಟಲ್ ಬಾಡಿ ಗ್ಯಾಲಕ್ಸಿ ಬುಕ್ ಎಸ್‌ನ ವಿಶೇಷತೆಯಾಗಿದ್ದು, ಹಳೆಯ ಮಾದರಿಗಿಂತ ಶೇ. 40 ಹೆಚ್ಚಿನ ಕಾರ್ಯನಿರ್ವಹಣೆ ಮತ್ತು ಶೇ. 80 ಗ್ರಾಫಿಕ್ಸ್ ವ್ಯವಸ್ಥೆಯ ಬೆಂಬಲ ಇರಲಿದೆ ಎಂದು ಹೇಳಿದೆ.

ದೇಶದಲ್ಲಿ ಗ್ಯಾಲಕ್ಸಿ ಬುಕ್ ಎಸ್ ಅಂದಾಜು 71,000 ರೂ. ದರ ಇರಬಹುದು ಎನ್ನಲಾಗಿದೆ. ಅರ್ಥಿ ಗೋಲ್ಡ್ ಮತ್ತು ಮರ್ಕುರಿ ಗ್ರೇ ಬಣ್ಣದಲ್ಲಿ ಹೊಸ ಗ್ಯಾಲಕ್ಸಿ ಬುಕ್ ಎಸ್ ಲಭ್ಯವಾಗಲಿದೆ.

13.3 ಇಂಚಿನ ಫುಲ್‌ ಎಚ್‌ಡಿ ಡಿಸ್‌ಪ್ಲೇ, 8 GB RAM ಮತ್ತು 512 GB ವರೆಗಿನ SSD ಸ್ಟೋರೇಜ್ ಮಾದರಿಯಲ್ಲಿ ಹೊಸ ಗ್ಯಾಲಕ್ಸಿ ಬುಕ್ ಲಭ್ಯವಾಗುತ್ತದೆ.

ನ್ಯಾನೋ ಸಿಮ್ ಬಳಸಬಹುದಾಗಿದ್ದು, ಟಚ್‌ ಸ್ಕ್ರೀನ್, ಫಿಂಗರ್‌ಪ್ರಿಂಟ್ ಸೆನ್ಸರ್ ಕೂಡ ಲಭ್ಯವಿದೆ.