Galaxy A30s: ಸ್ಯಾಮ್‌ಸಂಗ್‌ನಿಂದ ಮತ್ತೊಂದು ಸ್ಮಾರ್ಟ್‌ಫೋನ್

ಸ್ಮಾರ್ಟ್‌ಫೋನ್ ಲೋಕದಲ್ಲಿ ಪಾರಮ್ಯ ಮೆರೆದಿರುವ ಸ್ಯಾಮ್‌ಸಂಗ್, ಗ್ಯಾಲಕ್ಸಿ ಎ ಸರಣಿಯಲ್ಲಿ ಹೊಸದಾಗಿ A30s ಮಾದರಿಯನ್ನು ಬಿಡುಗಡೆ ಮಾಡಲು ಮುಂದಾಗಿದೆ.

ಜೀಕ್‌ಬೆಂಚ್ ಟೆಸ್ಟಿಂಗ್‌ನಲ್ಲಿ ಈಗಾಗಲೇ ಪತ್ತೆಯಾಗಿರುವ ಸ್ಯಾಮ್‌ಸಂಗ್‌ನ ನೂತನ A30s, ಈ ಹಿಂದೆ ಸ್ಯಾಮ್‌ಸಂಗ್ ಗ್ಯಾಲಕ್ಸಿ A30 ಮಾದರಿಯಲ್ಲಿ ಬಳಸಿದ್ದ ಎಕ್ಸಿನೋಸ್ 7904 ಚಿಪ್‌ಸೆಟ್‌ ಅನ್ನೇ ಬಳಸಲಾಗಿದೆ.

ಗ್ಯಾಲಕ್ಸಿ A30s, 3 GB RAM ಮತ್ತು ಅಂಡ್ರಾಯ್ಡ್ 9 Pie ಓಎಸ್ ಅನ್ನು ಹೊಂದಿದೆ.

A30 ಸ್ಮಾರ್ಟ್‌ಫೋನ್‌ನ ಪರಿಷ್ಕೃತ ಆವೃತ್ತಿಯಾಗಿರುವ ಸ್ಯಾಮ್‌ಸಂಗ್ ಗ್ಯಾಲಕ್ಸಿ A30s, ಡಿಸ್‌ಪ್ಲೇಯಲ್ಲಿಯೇ ಹೋಲ್ ಪಂಚ್ ಕ್ಯಾಮರಾ ಮತ್ತು ಅಮೋಲಿಡ್ ಸ್ಕ್ರೀನ್ ಹೊಂದಿರುತ್ತದೆ ಎಂದು ಅಂದಾಜಿಸಲಾಗಿದೆ.

ಸ್ಯಾಮ್‌ಸಂಗ್ ಗ್ಯಾಲಕ್ಸಿ A30, ಭಾರತದಲ್ಲಿ 15,490 ರೂ. ದರ ಹೊಂದಿತ್ತು. ಹಿಂಬದಿಯಲ್ಲಿ 16 ಮತ್ತು 5 ಮೆಗಾಪಿಕ್ಸೆಲ್ ಕ್ಯಾಮರಾ ವ್ಯವಸ್ಥೆ ಸ್ಯಾಮ್‌ಸಂಗ್ ಗ್ಯಾಲಕ್ಸಿ A30ಯಲ್ಲಿ ಕಂಡುಬಂದಿತ್ತು.