WhatsApp for iPhone: ಅಪ್‌ಡೇಟ್‌ ಮಾಡಿ, ಸಮಸ್ಯೆಯಿಂದ ಪಾರಾಗಿ

ವಾಟ್ಸಪ್ ಇತ್ತೀಚೆಗೆ ಐಫೋನ್ ಬಳಕೆದಾರರಿಗೆ ಹೊಸ ಅಪ್‌ಡೇಟ್ ಮೂಲಕ ನೂತನ ಆಯ್ಕೆಗಳನ್ನು ಪರಿಚಯಿಸಿತ್ತು.

ಐಫೋನ್‌ನ ವಾಟ್ಸಪ್ ಬಳಕೆದಾರರಿಗೆ ಟಚ್‌ ಐಡಿ ಮತ್ತು ಫೇಸ್‌ಲಾಕ್ ಸೌಲಭ್ಯವನ್ನು ಕಳೆದ ಅಪ್‌ಡೇಟ್ ಒದಗಿಸಿತ್ತು. ಆದರೆ ಆ್ಯಪಲ್‌ಗೆ ಬಿಡುಗಡೆಯಾಗಿದ್ದ ಅಪ್‌ಡೇಟ್‌ನಲ್ಲಿ ಕೆಲವೊಂದು ಸಮಸ್ಯೆಗಳಿದ್ದು, ಟಚ್ ಐಡಿ ಮತ್ತು ಫೇಸ್‌ಐಡಿ ಲಾಕ್ ಇದ್ದರೂ, ಸುಲಭವಾಗಿ ಅದನ್ನು ತೆರೆಯಬಹುದಿತ್ತು.

ವಾಟ್ಸಪ್ ಅಪ್‌ಡೇಟ್‌ನ ಸಮಸ್ಯೆಯಿಂದಾಗಿ ಬಳಕೆದಾರರು ವಾಟ್ಸಪ್‌ಗೆ ಫೇಸ್‌ ಐಡಿ ಮತ್ತು ಟಚ್ ಐಡಿ ಲಾಕ್ ಹಾಕಿದ್ದರೂ, ಅದು ಶೇರ್ ಆಯ್ಕೆಯಡಿ, ಮತ್ತು ಹೋಮ್‌ ಪೇಜ್‌ಗೆ ತೆರಳಿ ಮತ್ತೆ ವಾಟ್ಸಪ್‌ಗೆ ಬಂದಾಗ, ಅದರಲ್ಲಿ ಲಾಕ್ ಇಲ್ಲದೆಯೇ ವಾಟ್ಸಪ್ ತೆರೆದುಕೊಳ್ಳುತ್ತಿತ್ತು.


ಈ ಸಮಸ್ಯೆ ಸರಿಪಡಿಸಲು ವಾಟ್ಸಪ್ ಮುಂದಾಗಿದ್ದು, ಹೊಸದಾಗಿ ವಾಟ್ಸಪ್ 2.19.22 ಆವೃತ್ತಿ ಬಿಡುಗಡೆ ಮಾಡಿದೆ.

ಇದರಿಂದ ಟಚ್‌ ಐಡಿ ಮತ್ತು ಫೇಸ್‌ ಲಾಕ್ ಸರಿಯಾಗಿ ಕಾರ್ಯನಿರ್ವಹಿಸುತ್ತಿದೆ. ಹೀಗಾಗಿ ಆ್ಯಪಲ್ ಆ್ಯಪ್ ಸ್ಟೋರ್ ಮೂಲಕ ಬಳಕೆದಾರರು ಐಫೋನ್ ವಾಟ್ಸಪ್ ಅಪ್‌ಡೇಟ್ ಮಾಡಿಕೊಳ್ಳಬಹುದು.