ನೋಕಿಯಾ 1, ನೋಕಿಯಾ 3.1 ಪ್ಲಸ್ ಫೋನ್‌ಗಳಿಗೆ ಸೆಕ್ಯುರಿಟಿ ಅಪ್‌ಡೇಟ್ಸ್ ಲಭ್ಯ

ನೋಕಿಯಾ 1 ಹಾಗೂ ನೋಕಿಯಾ 3.1 ಪ್ಲಸ್ ಫೋನ್‌ಗಳಿಗೆ ಜುಲೈ ತಿಂಗಳ ಸೆಕ್ಯುರಿಟಿ ಅಪ್ಡೇಟ್‌ಗಳು ಈಗ ಲಭ್ಯ ಇವೆ. ನಿರ್ದಿಷ್ಟ ಪ್ರದೇಶಗಳಲ್ಲಿ ಈ ತಂತ್ರಾಂಶ ಅಪ್‌ಡೇಟ್‌ಗಳನ್ನು HMD ಗ್ಲೋಬಲ್ ಕಂಪನಿಯು ಇಂಟರ್ನೆಟ್ ಮೂಲಕ ಕಳುಹಿಸುತ್ತಿದ್ದು, ಈ ಫೋನ್ ಹೊಂದಿರುವವರು ತಕ್ಷಣವೇ ಅಪ್‌ಡೇಟ್ ಮಾಡಿಕೊಳ್ಳಿ.

ನೋಕಿಯಾ 1 ಮಾಡೆಲ್ ಫೋನ್‌ಗಳಿಗೆ ಆರಂಭದಲ್ಲಿ ಶ್ರೀಲಂಕಾದಲ್ಲಿ ಈ ಅಪ್‌ಡೇಟ್‌ಗಳು ದೊರೆಯಲಿದ್ದು, ಇದರ ಗಾತ್ರ 75.3 ಎಂಬಿ. ಇದಲ್ಲದೆ, ನೋಕಿಯಾ 3.1 ಪ್ಲಸ್‌ಗೆ ಜುಲೈ ತಿಂಗಳ ಆಂಡ್ರಾಯ್ಡ್ ಸೆಕ್ಯುರಿಟಿ ಪ್ಯಾಚ್ ಕೂಡ ದೊರೆಯಲಿದೆ. ಭಾರತೀಯ ಫೋನ್‌ಗಳಿಗೂ ಈ ಅಪ್‌ಡೇಟ್‌ಗಳು ಲಭ್ಯಲವಿದ್ದು, ಇದರ ಗಾತ್ರ 85.4 ಎಂಬಿ ಆಗಿರುತ್ತದೆ.

ಓವರ್ ದ ಏರ್ (OTA) ಮೂಲಕ ಅಪ್‌ಡೇಟ್‌ಗಳು ದೊರೆಯುತ್ತಿವೆ ಎಂದು ಭಾರತೀಯ ಬಳಕೆದಾರರು ಈಗಾಗಲೇ ಸ್ಪಷ್ಟಪಡಿಸಿದ್ದಾರೆ. ಹಂತ ಹಂತವಾಗಿ ಈ ಅಪ್‌ಡೇಟ್‌ಗಳು ದೊರೆಯುವುದರಿಂದ ಎಲ್ಲರ ಫೋನ್‌ಗಳಿಗೆ ಶೀಘ್ರವೇ ದೊರೆಯಲಿದೆ. ಪುಷ್ ನೋಟಿಫಿಕೇಶನ್ ಮೂಲಕ ಅಪ್‌ಡೇಟ್ ದೊರೆಯುವ ಬಗ್ಗೆ ಸೂಚನೆ ದೊರೆಯುತ್ತದೆ.

ಅಲ್ಲದೆ, ಸೆಟ್ಟಿಂಗ್ಸ್ ಮೆನುವಿನಲ್ಲಿ System >Advanced>System Update>Check for Update ಎಂಬಲ್ಲಿಗೆ ಹೋಗಿ ನೋಡಿದರೂ ಲಭ್ಯ ಇರುವ ಕುರಿತು ಮಾಹಿತಿ ದೊರೆಯುತ್ತದೆ.

ಇದರಲ್ಲಿ ಮಹತ್ವದ ಭದ್ರತಾ ಲೋಪವೊಂದಕ್ಕೆ ಪರಿಹಾರ ರೂಪಿಸಲಾಗಿದೆ ಎಂಬ ಮಾಹಿತಿ ಇದೆ. ಪ್ರತಿ ತಿಂಗಳೂ ಆಂಡ್ರಾಯ್ಡ್ ಸೆಕ್ಯುರಿಟಿ ಅಪ್‌ಡೇಟ್‌ಗಳು ದೊರೆಯುತ್ತಿದ್ದು, ಅದನ್ನು ಅಳವಡಿಸಿಕೊಳ್ಳುವುದು ಒಳ್ಳೆಯದು.

ಈ ವಾರಾರಂಭದಲ್ಲಿ ನೋಕಿಯಾ 3ಗೂ ಹೆಚ್ಎಂಡಿ ಗ್ಲೋಬಲ್ ಕಂಪನಿಯು ಸೆಕ್ಯುರಿಟಿ ಅಪ್‌ಡೇಟ್‌ಗಳನ್ನು ಕಳುಹಿಸಿತ್ತು. ಇದರ ಗಾತ್ರ 83.1 ಎಂಬಿ ಇದ್ದು, ಎಲ್ಲ ನೋಕಿಯಾ 3 ಫೋನ್‌ಗಳಿಗೆ ಈಗಾಗಲೇ ರವಾನೆಯಾಗಿದೆ.

ನೋಕಿಯಾ 1ರ ಬೆಲೆ ರೂ.5499 ಹಾಗೂ ನೋಕಿಯಾ 3.1 ಪ್ಲಸ್ ಬೆಲೆ 11,499 ರೂ. ಎರಡೂ ಕೂಡ ಆಂಡ್ರಾಯ್ಡ್ 8 ಒರಿಯೋ ಕಾರ್ಯಾಚರಣಾ ವ್ಯವಸ್ಥೆ ಹೊಂದಿದ್ದು, ನೋಕಿಯಾ 1ರಲ್ಲಿ 2GB/8GB ಹಾಗೂ ನೋಕಿಯಾ 3.1 ಪ್ಲಸ್‌ನಲ್ಲಿ 2GB/16GB RAM ಮತ್ತು ಸ್ಟೋರೇಜ್ ಇವೆ.