Smart TV: ನೋಕಿಯಾ ಹೊಸ ಟಿವಿ ಬಿಡುಗಡೆ

ಫೀಚರ್‌ ಫೋನ್‌ ಮೂಲಕ ಭಾರತೀಯರ ಮನಗೆದ್ದಿದ್ದ ನೋಕಿಯಾ, ದೇಶದಲ್ಲಿ ಆಕರ್ಷಕ ಸ್ಮಾರ್ಟ್ ಟಿವಿ ಪರಿಚಯಿಸಿದೆ. ಫ್ಲಿಪ್‌ಕಾರ್ಟ್ ಸಹಯೋಗದಲ್ಲಿ ನೋಕಿಯಾ ಸ್ಮಾರ್ಟ್ ಟಿವಿ ಮಾರಾಟ ಮಾಡಲಿದ್ದು, 41,999 ರೂ. ಬೆಲೆ ಹೊಂದಿದೆ.

ನೋಕಿಯಾ ಹೊಸ ಟಿವಿ 55 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, 4K ವರೆಗಿನ ಅಲ್ಟ್ರಾ ಹೆಚ್‌ಡಿ ಡಿಸ್‌ಪ್ಲೇ ರೆಸೊಲ್ಯೂಶನ್ ಹೊಂದಿದೆ. ಅಲ್ಲದೆ 400 ನಿಟ್ಸ್ ಬ್ರೈಟ್‌ನೆಸ್‌ ಮತ್ತು ಡಾಲ್ಬಿ ವಿಶನ್ ಬೆಂಬಲ ಹೊಂದಿದೆ.

ಆಂಡ್ರಾಯ್ಡ್ ಬೆಂಬಲ
ನೋಕಿಯಾ ಹೊಸ ಟಿವಿ, ಅಂಡ್ರಾಯ್ಡ್ 9.0 ಟಿವಿ ಆಪರೇಟಿಂಗ್ ವ್ಯವಸ್ಥೆ ಹೊಂದಿದೆ. ಜೆಬಿಎಲ್ ಆಡಿಯೋ ಟೆಕ್ನಾಲಜಿ ಮತ್ತು 24 Watt ಸ್ಪೀಕರ್ ಇದರ ವಿಶೇಷವಾಗಿದೆ. 16 ಜಿಬಿ ಸ್ಟೋರೇಜ್, ಕ್ವಾಡ್ ಕೋರ್ ಪ್ರೊಸೆಸರ್ ನೋಕಿಯಾ ಸ್ಮಾರ್ಟ್‌ ಟಿವಿಯಲ್ಲಿದ್ದು, ಮೊದಲ ಟಿವಿ ಜನಮನ್ನಣೆ ಗಳಿಸಲಿದೆ ಎನ್ನಲಾಗಿದೆ.

ಫ್ಲಿಪ್‌ಕಾರ್ಟ್‌ನಲ್ಲಿ ಲಭ್ಯ
ನೋಕಿಯಾ ಪರಿಚಯಿಸಿರುವ ಮೊದಲ ಸ್ಮಾರ್ಟ್ ಟಿವಿ, ಡಿಟಿಎಸ್ ಟ್ರುಸರೌಂಡ್ ಮತ್ತು ಡಾಲ್ಬಿ ಆಡಿಯೋ ಬೆಂಬಲ ಹೊಂದಿರುವುದು, ಮಾರುಕಟ್ಟೆಯಲ್ಲಿ ಹೊಸ ಸ್ಪರ್ಧೆ ಸೃಷ್ಟಿಸಲಿದೆ. ಅಲ್ಲದೆ ಬೆಲೆ ಕೂಡ ಸ್ಪರ್ಧಾತ್ಮಕವಾಗಿದ್ದು, ಗ್ರಾಹಕರಿಗೆ ಮೆಚ್ಚುಗೆಯಾಗಲಿದೆ.

ನೋಕಿಯಾ ಟಿವಿ ವಿಶೇಷತೆಗಳು
ಮೊದಲ ನೋಕಿಯಾ ಸ್ಮಾರ್ಟ್ ಟಿವಿ 55 ಇಂಚಿನ ಡಿಸ್‌ಪ್ಲೇ ಹೊಂದಿದ್ದು, 4K ವರೆಗಿನ ಅಲ್ಟ್ರಾ ಹೆಚ್‌ಡಿ ರೆಸೊಲ್ಯೂಶನ್ ಹೊಂದಿದೆ. 2.25 GB RAM ಮತ್ತು 16 GB ಸ್ಟೋರೇಜ್ ಇದ್ದು, 3 ಎಚ್‌ಡಿಎಂಐ ಪೋರ್ಟ್, ಎರಡು ಯುಎಸ್‌ಬಿ (2.0 ಮತ್ತು 3.0), ವೈಫೈ, ಬ್ಲೂಟೂತ್ 5.0, ಗೂಗಲ್ ಪ್ಲೇ ಸ್ಟೋರ್ ಬೆಂಬಲಿತ ಆಂಡ್ರಾಯ್ಡ್ 9 ಟಿವಿ ಓಎಸ್ ಇರಲಿದೆ.

Reliance Jio: ನೂತನ ಆಲ್ ಇನ್ ಒನ್ ಪ್ಲ್ಯಾನ್ ವಿವರ

ಬೆಲೆ ವಿವರ
ನೋಕಿಯಾ ಟಿವಿ 41,999 ರೂ. ಬೆಲೆ ಹೊಂದಿದೆ. ಫ್ಲಿಪ್‌ಕಾರ್ಟ್‌ನಲ್ಲಿ ಹೊಸ ಟಿವಿ ಖರೀದಿಗೆ ಶೇ. 10 ಡಿಸ್ಕೌಂಟ್ ಮತ್ತು ಮೂರು ವರ್ಷಗಳ ಕಂಪ್ಲೀಟ್ ಪ್ರೊಟೆಕ್ಷನ್ ಪ್ಲ್ಯಾನ್ ಅನ್ನು 999 ರೂ.ಗೆ ನೀಡುತ್ತಿದೆ. ಡಿಸೆಂಬರ್ 10ರ ಬಳಿಕ ಹೊಸ ಟಿವಿ ಫ್ಲಿಪ್‌ಕಾರ್ಟ್‌ನಲ್ಲಿ ಲಭ್ಯವಾಗಲಿದೆ.

Sundar Pichai: ಗೂಗಲ್‌ ಭವಿಷ್ಯದತ್ತ ಸುಂದರ ನೋಟ