Cyber Attack: ಕಳೆದ ವರ್ಷಕ್ಕಿಂತ ಶೇ. 50 ಹೆಚ್ಚಳ

ಆ್ಯಪ್ ಮತ್ತು ವೆಬ್‌ಸೈಟ್ ಸಂಬಂಧಿತ ವಿವಿಧ ಸೇವೆಗಳು, ಅವಶ್ಯಕತೆಗಳ ಹೆಚ್ಚಳದ ಜತೆಗೆ ಸೈಬರ್ ದಾಳಿಗಳು ಕೂಡ ಗಣನೀಯ ಏರಿಕೆ ಕಂಡಿದೆ.

ಕಳೆದ ವರ್ಷಕ್ಕೆ ಹೋಲಿಸಿದರೆ, 2019ರಲ್ಲಿ ಸೈಬರ್ ದಾಳಿ ಮತ್ತು ಸಂಬಂಧಿತ ಅಪರಾಧಗಳ ಸಂಖ್ಯೆಯಲ್ಲಿ ಶೇ. 50 ಹೆಚ್ಚಳವಾಗಿದೆ ಎಂದು ಸೈಬರ್ ಭದ್ರತಾ ಸಂಸ್ಥೆ ಚೆಕ್‌ಪಾಯಿಂಟ್ ವರದಿ ಮಾಡಿದೆ.

ಇಂಟರ್‌ನೆಟ್ ಕ್ಲೌಡ್ ಸೇವೆಗಳು, ಮೊಬೈಲ್ ಮತ್ತು ಆ್ಯಪ್ಸ್, ಇಮೇಲ್ ಹೀಗೆ ವಿವಿಧ ರೀತಿಯ ದಾಳಿಗಳ ಸಂಖ್ಯೆಯಲ್ಲಿ ಏರಿಕೆಯಾಗಿದೆ. ವೈರಸ್, ಹ್ಯಾಕಿಂಗ್, ಮಾಲ್ವೇರ್ ಮತ್ತು ನಕಲಿ ಆ್ಯಪ್ ಮೂಲಕ ಮಾಹಿತಿಗೆ ಕನ್ನ ಹಾಕುವುದು, ಹಣ ದೋಚುವುದು ಸಹಿತ ವಿವಿಧ ರೀತಿಯ ಸೈಬರ್ ಅಪರಾಧ ಕೃತ್ಯಗಳಲ್ಲಿ ಏರಿಕೆ ಕಂಡಿದೆ ಎಂದು ಚೆಕ್‌ಪಾಯಿಂಟ್ ತಿಳಿಸಿದೆ.

ಬ್ಯಾಂಕಿಂಗ್ ಸಂಬಂಧಿತ ಸೈಬರ್ ದಾಳಿಯಲ್ಲಿ ಹೊಸ ಮಾದರಿಯ ಅಪರಾಧಗಳು ವರದಿಯಾಗುತ್ತಿರುವುದು ಕೂಡ ಕಂಡುಬಂದಿದ್ದು, ಕಳವಳಕಾರಿ ಸಂಗತಿಯಾಗಿದೆ.