Internet Users: ಮೂರು ವರ್ಷಕ್ಕೆ ಆನ್‌ಲೈನ್‌ನಲ್ಲಿ ಶೇ. 64 ಭಾರತೀಯರು

ಇಂಟರ್‌ನೆಟ್‌ ಬಳಕೆ ಪ್ರಮಾಣವು ಭಾರತೀಯರಲ್ಲಿ ಹೆಚ್ಚುತ್ತಿದೆ. 64% ಅಂದರೆ 90.7 ಕೋಟಿ ಭಾರತೀಯರು 2023ರ ಹೊತ್ತಿಗೆ ಆನ್‌ಲೈನ್‌ ಬಳಸಲಿದ್ದಾರೆ ಎಂದು ಸಿಸ್ಕೊದ ವಾರ್ಷಿಕ ಇಂಟರ್ನೆಟ್‌ ವರದಿಯಲ್ಲಿ ಹೇಳಲಾಗಿದೆ.

ದೇಶದ ಜನಸಂಖ್ಯೆಗಿಂತಲೂ (1% ಸಂಯುಕ್ತ ವಾರ್ಷಿಕ ಬೆಳವಣಿಗೆ ದರ-ಸಿಎಜಿಆರ್‌) ಡಿವೈಸ್‌ಗಳು ಮತ್ತು ನೆಟ್‌ ಸಂಪರ್ಕಗಳ ಬೆಳವಣಿಗೆ(7% ಸಿಎಜಿಆರ್‌) ಹೆಚ್ಚಾಗಿದೆ. 201 ಕೋಟಿ ನೆಟ್‌ವರ್ಕ್ ಡಿವೈಸ್‌ಗಳು 2023ಕ್ಕೆ ಇರಲಿವೆ. ಎಂ2ಎಂ(ಮೆಷಿನ್‌ ಟು ಮೆಷಿನ್‌) ಘಟಕಗಳ ಸಂಖ್ಯೆ ಶೇ.25ರಷ್ಟಿರಲಿದೆ. ಬ್ಯಾಂಡ್‌ವಿಡ್ತ್ ಮತ್ತು ವಿಡಿಯೋಗೆ ಬೇಡಿಕೆ ಹೆಚ್ಚಳವಾಗಿದೆ.

ಸುಲಭ ದರದಲ್ಲಿ ಸ್ಮಾರ್ಟ್‌ಫೋನ್, ಲ್ಯಾಪ್‌ಟಾಪ್ ಲಭ್ಯತೆ ಹಾಗೂ ಅಗ್ಗದ ದರದ ಡೇಟಾ ಪ್ಯಾಕ್, ಇಂಟರ್‌ನೆಟ್ ಸೇವೆಗಳು ಜನರನ್ನು ಆಕರ್ಷಿಸುತ್ತಿವೆ. ಅಲ್ಲದೆ ಗ್ರಾಮೀಣ ಪ್ರದೇಶಗಳಲ್ಲೂ ಸಂಪರ್ಕ ಕ್ರಾಂತಿ, ಬಜೆಟ್ ಸ್ಮಾರ್ಟ್‌ಫೋನ್‌ನಲ್ಲಿ ಕಡಿಮೆ ದರಕ್ಕೆ 4G ಡೇಟಾ ಲಭ್ಯತೆ ಇದನ್ನು ಸಾಧ್ಯವಾಗಿಸಿದೆ. ಹೀಗಾಗಿ ವಾರ್ಷಿಕ ಇಂಟರ್‌ನೆಟ್ ಬಳಕೆ ಹೆಚ್ಚಾಗುತ್ತಿದೆ ಎಂದು ವರದಿ ತಿಳಿಸಿದೆ.

ಅಲ್ಲದೆ ಬಹುತೇಕ ಆ್ಯಪ್‌ ಮತ್ತು ಇಂಟರ್‌ನೆಟ್ ಆಧಾರಿತ ಸೇವೆಗಳು, ಸ್ಟಾರ್ಟಪ್ ದೇಶದಲ್ಲಿ ಹೆಚ್ಚಾಗುತ್ತಿದೆ. ಹೀಗಾಗಿ ದೇಶದಲ್ಲಿ ಇಂಟರ್‌ನೆಟ್ ಬಳಕೆ ಅಗತ್ಯವಾಗಿದ್ದು, ಬೇಡಿಕೆ ಅಧಿಕವಾಗುತ್ತಿದೆ ಎಂದು ಸಿಸ್ಕೋ ತಿಳಿಸಿದೆ.

Wattpad: ಹೊಸ ಓದಿನ ಸಖ; ಕಥೆಗಳ ಕಣಜ