OnePlus 7ನಲ್ಲಿ ಇರಲಿದೆ 5G ಬೆಂಬಲ, ಸ್ಲೈಡಿಂಗ್ ಕ್ಯಾಮೆರಾ

ಮಧ್ಯಮ ಶ್ರೇಣಿ ಸ್ಮಾರ್ಟ್‌ಫೋನ್‌ಗಳಲ್ಲಿ ತನ್ನದೇ ಆದಂತಹ ಛಾಪು ಮೂಡಸಿರುವ ಒನ್‍ಪ್ಲಸ್ ಕಂಪೆನಿ ಭಾರತದಲ್ಲಿ ಪ್ರತಿ ವರ್ಷ ತನ್ನ ಮಾರಾಟವನ್ನು ವಿಸ್ತರಿಸಿಕೊಳ್ಳುತ್ತಲೇ ಸಾಗಿದೆ. ಒನ್‍ಪ್ಲಸ್ 6T ಬಿಡುಗಡೆ ಬಳಿಕ ಇದೀಗ ಇನ್ನೊಂದು ಭರ್ಜರಿ ಫೋನನ್ನು ಭಾರತದ ಮಾರುಕಟ್ಟೆಗೆ ತರಲು ಚೀನಾ ಕಂಪೆನಿ ಸಿದ್ಧವಾಗಿದೆ.

ಇದೇ ವರ್ಷಾಂತ್ಯಕ್ಕೆ ಒನ್‌ಪ್ಲಸ್ 7 ಮಾರುಕಟ್ಟೆಗೆ ಬರಲಿದೆ. ಆದರೆ ಬಿಡುಗಡೆ ದಿನಾಂಕವನ್ನು ಕಂಪೆನಿ ಇನ್ನೂ ಖಚಿತಪಡಿಸಿಲ್ಲ. 'ಮೊಬೈಲ್ ವರ್ಲ್ಡ್ ಕಾಂಗ್ರೆಸ್ 2019'ರಲ್ಲಿ ಹೊಸ ಫೋನನ್ನು ಅನಾವರಣಗೊಳಿಸಲಿದೆ. ಈ ಕಾರ್ಯಕ್ರಮಕ್ಕೆ ಎಲ್ಲರಿಗೂ ಮುಕ್ತ ಅವಕಾಶ ನೀಡದೆ ಪಾಲ್ಗೊಳ್ಳುವವರ ಪಟ್ಟಿಯನ್ನು ಕಂಪೆನಿಯೇ ತಯಾರಿಸಿದ್ದು ಆಯ್ದ ಕೆಲವರಿಗೆ ಮಾತ್ರ ಪ್ರವೇಶ ಕಲ್ಪಿಸುತ್ತಿದೆ.

ಇದೇ ಕಾರ್ಯಕ್ರಮದಲ್ಲಿ ಒನ್‍ಪ್ಲಸ್ 7 ಬಿಡುಗಡೆಯಾಗುತ್ತದೆಯೇ ಇಲ್ಲವೇ ಎಂಬುದನ್ನು ಕಂಪೆನಿ ಸ್ಪಷ್ಟಪಡಿಸಿಲ್ಲ. ಇನ್ನೊಂದು ಕಡೆ ಇದೇ ಮೊದಲ ಬಾರಿಗೆ ಒನ್‍ಪ್ಲಸ್ 5G ಸ್ಮಾರ್ಟ್‌ಫೋನನ್ನೂ ಹೊರತರುತ್ತಿದೆ ಎಂಬ ಸುದ್ದಿಯೂ ಇದೆ. ಈ ವರ್ಷ ಮೇ/ಜೂನ್ ವೇಳೆಗೆ ಒನ್‍ಪ್ಲಸ್ 7 ಸ್ಮಾರ್ಟ್‌ಫೋನ್ ಬಿಡುಗಡೆಯಾಗುವ ಸಾಧ್ಯತೆಗಳಿವೆ.

ಉಳಿದಂತೆ ಒನ್‍ಪ್ಲಸ್ 7 ಸ್ಮಾರ್ಟ್‌ಫೋನ್‍ ಆರಂಭಿಕ ಸ್ಮಾರ್ಟ್‌ಫೋನ್‌ 8ಜಿಬಿ ರ‍್ಯಾಮ್ ಹೊಂದಿರುತ್ತದೆ, ಜತೆಗೆ ಹೊಸದಾದ Qualcomm Snapdragon 855 SoC, ಹಿಂಬದಿಯಲ್ಲಿ ತ್ರಿಪಲ್ ಕ್ಯಾಮೆರಾ ಸೌಲಭ್ಯ, ಸ್ಲೈಡಿಂಗ್ ಕ್ಯಾಮೆರಾ, ಅಲ್ಟ್ರಾಸೋನಿಕ್ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್, ಇನ್-ಡಿಸ್‌ಪ್ಲೇ ಫಿಂಗರ್‌ಪ್ರಿಂಟ್ ಸ್ಕ್ಯಾನರ್ ವೈಶಿಷ್ಟ್ಯಗಳು ಇರುವ ಸಾಧ್ಯತೆಗಳಿವೆ. ಶಿಯೋಮಿ ಪೊಕೊ ಎಫ್1 ಫೋನ್‌ನಲ್ಲಿರುವ ವಾಟರ್ ಕೂಲಿಂಗ್ ಸಿಸ್ಟಂನ್ನು ತನ್ನ ಲೇಟೆಸ್ಟ್ ಸ್ಮಾರ್ಟ್‍ಫೋನ್‌ನಲ್ಲಿ ತರಲಿದೆ ಎಂದಿವೆ ಮೂಲಗಳು.