Oneplus 6T: ಬೆಲೆ ಇಳಿಕೆ ಮಾಡಿದ ಒನ್‌ಪ್ಲಸ್

ಪ್ರೀಮಿಯಂ ಸ್ಮಾರ್ಟ್‌ಫೋನ್ ಸರಣಿಯಲ್ಲಿ ಜನಪ್ರಿಯತೆ ಗಳಿಸಿರುವ ಒನ್‌ಪ್ಲಸ್, ಈ ವರ್ಷ ಒನ್‌ಪ್ಲಸ್‌ 7 ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ಅದಕ್ಕೆ ಪೂರ್ವತಯಾರಿ ಎನ್ನುವಂತೆ ಒನ್‌ಪ್ಲಸ್ 6T ಮಾದರಿಯ ಬೆಲೆಯನ್ನು ಕಡಿತಗೊಳಿಸಿದೆ.

2019ರ ಆರಂಭದಲ್ಲಿ ಸ್ಯಾಮ್‌ಸಂಗ್, ಹುವೈ ಮತ್ತು ಒಪ್ಪೊ ನೂತನ ಮಾದರಿಯ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿವೆ. ಜತೆಗೆ ಬೆಲೆಯಲ್ಲೂ ಪೈಪೋಟಿ ನೀಡುತ್ತಿವೆ.

ಹೊಸ ಮಾದರಿಯ ಸ್ಮಾರ್ಟ್‌ಫೋನ್ ಬಿಡುಗಡೆಗೆ ಸಿದ್ಧವಾಗುತ್ತಿರುವಂತೆಯೇ, ಹಳೆಯ ಮಾದರಿಗಳ ಬೆಲೆ ಇಳಿಕೆ ಮತ್ತು ಎಕ್ಸ್‌ಚೇಂಜ್ ಕೊಡುಗೆ ಸಹಿತ ವಿವಿಧ ಆಫರ್‌ಗಳನ್ನು ಕಂಪನಿಗಳು ನೀಡುತ್ತವೆ.

ಅದರಂತೆಯೇ ಒನ್‌ಪ್ಲಸ್ ಕೂಡ ನೂತನ ಮಾದರಿ ಒನ್‌ಪ್ಲಸ್ 7 ಬಿಡುಗಡೆಗೆ ಸಿದ್ಧತೆ ನಡೆಸಿದ್ದು, ಹಿಂದಿನ ಮಾದರಿ ಒನ್‌ಪ್ಲಸ್‌ 6T ಬೆಲೆಯಲ್ಲಿ 3,500 ರೂ. ಇಳಿಕೆ ಮಾಡಿದೆ.

ಅಮೆಜಾನ್ ಇಂಡಿಯಾದಲ್ಲಿ ಒನ್‌ಪ್ಲಸ್‌ 6T ಮೊದಲು 37,999 ರೂ.ಗೆ ಮಾರಾಟವಾಗುತ್ತಿತ್ತು. ಇದೀಗ 6 GB RAM ಮತ್ತು 128 GB ಸ್ಟೊರೇಜ್ ಇರುವ ಮಾದರಿ 34,499 ರೂ.ಗೆ ಲಭ್ಯವಾಗುತ್ತಿದೆ. ಅದರ ಜತೆಗೆ ಅಮೆಜಾನ್‌ನಲ್ಲಿ ಎಚ್‌ಡಿಎಫ್‌ಸಿ ಡೆಬಿಟ್ ಮತ್ತು ಕ್ರೆಡಿಟ್ ಕಾರ್ಡ್‌ ಬಳಸಿ ಪಾವತಿಸಿದಲ್ಲಿ ಗ್ರಾಹಕರಿಗೆ 1,500 ರೂ. ಹೆಚ್ಚುವರಿ ಡಿಸ್ಕೌಂಟ್ ಕೂಡ ದೊರೆಯಲಿದೆ.