OnePlus ನಾರ್ಡ್ ಬ್ರ್ಯಾಂಡ್ ಅಡಿಯಲ್ಲಿ ಬಜೆಟ್ ಸ್ಮಾರ್ಟ್‌ವಾಚ್ ಬರುತ್ತಿದೆಯಂತೆ!

ಭಾರತದ ಜನಪ್ರಿಯ ಪ್ರೀಮಿಯಂ ಸ್ಮಾರ್ಟ್‌ಫೋನ್ ಮಾರಾಟಗಾರ ಬ್ರ್ಯಾಂಡ್ OnePlus ಇದೀಗ ಬಜೆಟ್ ಬೆಲೆಯ ಸ್ಮಾರ್ಟ್‌ವಾಚ್ ಅನ್ನು ದೇಶದಲ್ಲಿ ಬಿಡಗಡೆಗೊಳಿಸಲು ತಯಾರಾಗುತ್ತಿದೆ ಎಂಬ ಸಿಹಿಸುದ್ದಿಯೊಂದು ಹೊರಬಿದ್ದಿದೆ.! ಇದೇ ಏಪ್ರಿಲ್ 28 ರಂದು ದೇಶದಲ್ಲಿ OnePlus 10R ಮತ್ತು One Plus Nord CE 2 Lite ನಂತಹ ಕೆಲವು ಬಜೆಟ್ ಸ್ಮಾರ್ಟ್‌ಫೋನ್‌ಗಳನ್ನು ಬಿಡುಗಡೆ ಮಾಡುವುದಾಗಿ ತಿಳಿಸಿರುವ ಕಂಪೆನಿಯು, ಇದೇ ವೇಳೆಯಲ್ಲಿ ನಾರ್ಡ್-ಸರಣಿಯ ಸ್ಮಾರ್ಟ್‌ವಾಚ್ ಅನ್ನು ಸಹ ಬಿಡುಗಡೆ ಮಾಡಲಿದೆ ಎಂದು ಹೇಳಲಾಗಿದೆ. ಜನಪ್ರಿಯ ಟಿಪ್‌ಸ್ಟರ್ ಮುಕುಲ್ ಶರ್ಮಾ ಅವರು ಒನ್‌ಪ್ಲಸ್ ಸ್ಮಾರ್ಟ್‌ವಾಚ್ ಅನ್ನು ಗುರುತಿಸಿರುವುದಾಗಿ ಹೇಳಿಕೊಂಡಿದ್ದು, ಇದು OnePlus ನಾರ್ಡ್ ಸರಣಿಯಲ್ಲಿ ಬಜೆಟ್ ಬೆಲೆಯಲ್ಲಿ ಬರಬಹುದಾದ ಸ್ಮಾರ್ಟ್‌ವಾಚ್ ಆಗಿರಲಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಹೌದು, OnePlus ಕಂಪೆನಿಯು ನಾರ್ಡ್ ಬ್ರಾಂಡ್ ಅಡಿಯಲ್ಲಿ ಸ್ಮಾರ್ಟ್ ವಾಚ್ ಒಂದನ್ನು ಬಿಡು್ಡೆ ಮಾಡಲು ಕಾರ್ಯನಿರ್ವಹಿಸುತ್ತಿದೆ ಎಂದು ಹಿಂದಿನ ಹಲವು ಸಹ ಸೂಚಿಸಿದ್ದವು. ಆದರೆ, ಈ ಸ್ಮಾರ್ಟ್‌ವಾಚ್ ಯಾವಾಗ ಬಿಡುಗಡೆಯಾಗಿದೆ ಎಂಬ ಬಗ್ಗೆ ಸುದ್ದಿ ಇರಲಿಲ್ಲ. ಇದೀಗ ಟಿಪ್‌ಸ್ಟರ್ ಮುಕುಲ್ ಶರ್ಮಾ ಅವರ ಪ್ರಕಾರ, ಇದೇ ಏಪ್ರಿಲ್ 28 ರಂದು ದೇಶದಲ್ಲಿ OnePlus ನಾರ್ಡ್ ಸರಣಿಯಲ್ಲಿ ಸ್ಮಾರ್ಟ್‌ವಾಚ್ ಬಿಡುಗಡೆಯಾಗಬಹುದು ಮತ್ತು ಇದು OnePlus Nord 3 ಎಂಬ ಹೆಸರನ್ನು ಹೊಂದಿರಬಹುದು ಎಂದು ತಿಳಿಸಿದ್ದಾರೆ. ವದಂತಿಗಳ ಆಧಾರದ ಮೇಲೆ, OnePlus Nord ಸ್ಮಾರ್ಟ್‌ವಾಚ್ ಭಾರತಕ್ಕೆ ಬಂದಾಗ ರೂ 5,000 ರಿಂದ 8,000 ರವರೆಗೆ ಬೆಲೆಯಿರುತ್ತದೆ ಎಂದು ಹೇಳಲಾಗಿದ್ದು, ಈ ನೂತನ ಸ್ಮಾರ್ಟ್‌ವಾಚ್ ಹೊಂದಿರಲಿರುವ ಸ್ಪೆಕ್ಸ್ ಮತ್ತು ವೈಶಿಷ್ಟ್ಯಗಳ ಬಗ್ಗೆಯೂ ಸಹ ಕೆಲವು ಮಾಹಿತಿಗಳು ಲೀಕ್ ಆಗಿವೆ.

OnePlus ಕಂಪನಿಯು ತನ್ನ ಇತರ ಸಾಧನಗಳಿಗಿಂತ ಸ್ವಲ್ಪ ಹೆಚ್ಚು ಕೈಗೆಟುಕುವ ಬೆಲೆಯಲ್ಲಿ ನಾರ್ಡ್ ಬ್ರಾಂಡ್ ಉತ್ಪನ್ನಗಳನ್ನು ಪರಿಚಯಿಸುತ್ತದೆ ಎಂಬುದನ್ನು ನಾವು ತಿಳಿದಿದ್ದೇವೆ. ಸ್ಪೆಕ್ಸ್ ಮತ್ತು ವೈಶಿಷ್ಟ್ಯಗಳ ಬಗ್ಗೆ ಯಾವುದೇ ವಿವರಗಳು ಲಭ್ಯವಿಲ್ಲವಾದರೂ, ವದಂತಿಗಳ ಆಧಾರದಲ್ಲಿ ಈ ಸ್ಮಾರ್ಟ್ ವಾಚ್ ಅಮೊಲೆಡ್ ಟಚ್‌ಸ್ಕ್ರೀನ್ ಡಿಸ್ಪ್ಲೇ, ಹೃದಯ ಬಡಿತ ಸಂವೇದಕ, SpO2 ಮಾನಿಟರ್, ನಿದ್ರೆ ಟ್ರ್ಯಾಕಿಂಗ್, ಸ್ಟೆಪ್ ಕೌಂಟ್, ಫೋನ್ ಅಧಿಸೂಚನೆ, ಸಂಗೀತ ನಿಯಂತ್ರಣ ಮತ್ತು ಇತರವುಗಳನ್ನು ಒಳಗೊಂಡಿರುತ್ತದೆ ಎಂದು ಹೇಳಲಾಗಿದೆ. ಭಾರತದಲ್ಲಿ ಶಿಯೋಮಿ ಮತ್ತು ಅಮೇಜ್‌ಫಿಟ್ ನಂತಹ ಕಂಪೆನಿಗಳು 5,000 ರೂ.ಗಳ ಬೆಲೆಯಲ್ಲಿ ಹೊಂದಿರುವ 'ಮಿ ವಾಚ್ 2 ಲೈಟ್' ಮತ್ತು ಅಮೇಜ್‌ಫಿಟ್ ಜಿಟಿಎಸ್ 2 ಸ್ಮಾರ್ಟ್‌ವಾಚ್ ಗಳಿಗೆ ಇದು ಭಾರೀ ಪೈಪೋಟಿಯನ್ನು ನೀಡಬಹುದು ಎಂದು ನಿರೀಕ್ಷಿಸಲಾಗಿದೆ.
WhatsApp ಚಾಟ್‌ಗಳನ್ನು ಆರ್ಕೈವ್ ಮಾಡುವುದು ಹೇಗೆ?..ಇದರಿಂದ ಲಾಭಗಳೇನು?
ಇದಲ್ಲದೆ, OnePlus ತನ್ನ ನಾರ್ಡ್ ಬ್ರ್ಯಾಂಡಿಂಗ್ ಅಡಿಯಲ್ಲಿ ಟ್ರೂ ವೈರ್‌ಲೆಟ್ ಆಡಿಯೊ ಉತ್ಪನ್ನವನ್ನು ಪರಿಚಯಿಸಲು ಸಹ ನೋಡುತ್ತಿದ್ದು, E505A ಮಾದರಿ ಸಂಖ್ಯೆಯೊಂದಿಗೆ OnePlus ನಾರ್ಡ್ ಬಡ್ಸ್ ಅನ್ನು ಇತ್ತೀಚೆಗೆ FCC ಡೇಟಾಬೇಸ್‌ನಲ್ಲಿ ಗುರುತಿಸಲಾಗಿದೆ. ಎಫ್‌ಸಿಸಿ ಪಟ್ಟಿಯು ಒನ್‌ಪ್ಲಸ್ ನಾರ್ಡ್ ಬಡ್ಸ್ ಅರ್ಧ ಒಳಗಿನ ಶೈಲಿಯ ವಿನ್ಯಾಸದೊಂದಿಗೆ ಬರಲಿದೆ ಎಂದು ಸೂಚಿಸುತ್ತದೆ. ಅಂದರೆ ನಾರ್ಡ್ ಬಡ್ಸ್ ವಿನ್ಯಾಸದಲ್ಲಿ ಅದರ ಬಾಡಿ ತುಂಬಾ ಚಿಕ್ಕದಾಗಿ ಕಾಣಿಸುತ್ತದೆ. ಇನ್ನು ಒನ್‌ಪ್ಲಸ್ ನಾರ್ಡ್ ಬಡ್ಸ್ 480mAh Li-ion ಬ್ಯಾಟರಿ ಸಾಮರ್ಥ್ಯದೊಂದಿಗೆ ಬರುತ್ತದೆ ಮತ್ತು ಆದರೆ ಪ್ರತಿ ಬಡ್ 41mAh ಬ್ಯಾಟರಿ ಘಟಕದೊಂದಿಗೆ ಬರಬಹುದು ಎನ್ನಲಾಗಿದೆ. FCC ಡೇಟಾಬೇಸ್‌ನಲ್ಲಿ ಗುರುತಿಸಲಾದಂತೆ ಈ ನಾರ್ಡ್ ಬಡ್ಸ್ ಕಪ್ಪು ಬಣ್ಣದಲ್ಲಿ ಮಾರುಕಟ್ಟೆಗೆ ಬರುವುದು ಬಹುತೇಕ ಖಚಿತವಾಗಿದೆ.