OnePlus: ಒನ್‍ಪ್ಲಸ್ ಸ್ಮಾರ್ಟ್ ಟಿವಿಯಲ್ಲಿ ನೆಟ್‍ಫ್ಲಿಕ್ಸ್ ಲಭ್ಯ

ಜಾಗತಿಕ ತಂತ್ರಜ್ಞಾನ ಬ್ರಾಂಡ್ ಆಗಿರುವ ಒನ್‍ಪ್ಲಸ್ ಇತ್ತೀಚಿನ ದಿನಗಳಲ್ಲಿ ಮಾರುಕಟ್ಟೆಗೆ ಬಿಡುಗಡೆ ಮಾಡಿರುವ ತನ್ನ ಸ್ಮಾರ್ಟ್ ಟಿವಿಗಳಲ್ಲಿ ನೆಟ್‍ಫ್ಲಿಕ್ಸ್ ಸೌಲಭ್ಯವನ್ನು ಕಲ್ಪಿಸಿರುವುದಾಗಿ ಘೋಷಣೆ ಮಾಡಿದೆ.

ನೆಟ್‍ಫ್ಲಿಕ್ಸ್ ಆ್ಯಪ್ ಟಿವಿಯಲ್ಲೇ ಪ್ರೀ-ಇನ್‍ಸ್ಟಾಲ್ ಆಗಿದ್ದು, ಹೊಸದಾಗಿ ಟಿವಿಯನ್ನು ಖರೀದಿಸುವ ಗ್ರಾಹಕರಿಗೆ ಬೆರಳ ತುದಿಯಲ್ಲೇ ಲಭ್ಯವಾಗಲಿದೆ. ಇದಲ್ಲದೇ, ಒನ್‍ಪ್ಲಸ್ ಟಿವಿ 55 ಕ್ಯು1 ಮತ್ತು ಒನ್‍ಪ್ಲಸ್ ಟಿವಿ 55 ಕ್ಯು 1 ಪ್ರೊ ಟಿವಿಗಳಲ್ಲಿ ಅಪ್‍ಡೇಟ್ ಮಾಡಿಕೊಳ್ಳುವ ಮೂಲಕ ನೆಟ್‍ಫ್ಲಿಕ್ಸ್ ಅನ್ನು ಪಡೆಯಬಹುದಾಗಿದೆ. ಈ ಮೂಲಕ ಬಳಕೆದಾರರು ನೆಟ್‍ಫ್ಲಿಕ್ಸ್‍ನ ಕಂಟೆಂಟ್‍ಗಳಾದ ಅತ್ಯದ್ಭುತ ಪಿಕ್ಚರ್ (4 ಕೆ ಸೇರಿದಂತೆ) ಮತ್ತು ಆಡಿಯೋವನ್ನು ಪಡೆಯಬಹುದು. ಒನ್‍ಪ್ಲಸ್ ಟಿವಿ ರಿಮೋಟ್‍ನಲ್ಲಿ ನೆಟ್‍ಫ್ಲಿಕ್ಸ್ ಬಳಕೆಗೆಂದೇ ಪ್ರತ್ಯೇಕವಾದ ಬಟನ್ ಇರಲಿದೆ. ಇದರ ಮೂಲಕ ಬಳಕೆದಾರರು ನೇರವಾಗಿ ತಮ್ಮ ನೆಚ್ಚಿನ ಕಾರ್ಯಕ್ರಮಗಳು ಮತ್ತು ಚಲನಚಿತ್ರಗಳನ್ನು ವೀಕ್ಷಿಸಬಹುದಾಗಿದೆ.

ಈ ಬಗ್ಗೆ ಮಾತನಾಡಿದ ಒನ್‍ಪ್ಲಸ್ ಇಂಡಿಯಾದ ಪ್ರಧಾನ ವ್ಯವಸ್ಥಾಪಕ ವಿಕಾಸ್ ಅಗರ್‌ವಾಲ್ ಅವರು, ನಮ್ಮ ಒನ್‍ಪ್ಲಸ್‍ನ ಎಲ್ಲಾ ಡಿವೈಸ್‍ಗಳಲ್ಲಿ ಸಾಧ್ಯವಾದಷ್ಟೂ ಅತ್ಯುತ್ತಮವೆನಿಸುವಂತಹ ತಂತ್ರಜ್ಞಾನಗಳನ್ನು ಗ್ರಾಹಕರಿಗೆ ನೀಡಲು ನಾವು ಬಯಸುತ್ತೇವೆ. ಹಲವು ವರ್ಷಗಳಿಂದ ನಮ್ಮ ಸ್ಮಾರ್ಟ್‍ಫೋನ್‍ಗಳಲ್ಲಿ ಸರಿಸಾಟಿ ಇಲ್ಲದ ವೀಕ್ಷಣೆ ಅನುಭವವನ್ನು ನೀಡುವಲ್ಲಿ ನೆಟ್‍ಫ್ಲಿಕ್ಸ್ ಪ್ರಮುಖ ಪಾತ್ರ ವಹಿಸಿದೆ. ಈ ನಮ್ಮ ಸಹಯೋಗವು ಸಾಧ್ಯಾಸಾಧ್ಯತೆಗಳ ಹೊಸ ಜಗತ್ತಿನ ಅನಾವರಣ ಮಾಡುತ್ತಿದ್ದು, ವೈವಿಧ್ಯಮಯ ಕತೆಗಳನ್ನು ಹೇಳುವ ಹೊಸ ಹೊಸ ತಾಣಗಳಲ್ಲಿ ನೆಟ್‍ಫ್ಲಿಕ್ಸ್ ಅನ್ನು ವಿಸ್ತರಣೆ ಮಾಡಲಾಗುತ್ತಿದೆ ಎಂದು ತಿಳಿಸಿದರು.

ರಾಜೀ ಮಾಡಿಕೊಳ್ಳದ ಮನೋಸ್ಥಿತಿಯನ್ನಿಟ್ಟುಕೊಂಡು 2014ರಲ್ಲಿ ಒನ್‍ಪ್ಲಸ್ ಟಿವಿ ಕ್ಷೇತ್ರಕ್ಕೆ ಕಾಲಿಟ್ಟಿತು. ಆರು ವರ್ಷಗಳ ಹಿಂದೆ ಒನ್‍ಪ್ಲಸ್ ತನ್ನ ಮೊದಲ ಟಿವಿಯನ್ನು ಮಾರುಕಟ್ಟೆಗೆ ಪರಿಚಯಿಸಿತು. ತಡೆರಹಿತವಾದ ಮತ್ತು ಚತುರ ಇಂಟರಾಕ್ಷನ್‍ಗಳ ಮೂಲಕ ಅತ್ಯದ್ಭುತವಾದ ಆಯ್ಕೆಗಳನ್ನು ಈ ಟಿವಿ ನೀಡಿದೆ. ನೆಟ್‍ಫ್ಲಿಕ್ಸ್ ಅಲ್ಲದೇ ಒನ್‍ಪ್ಲಸ್ ಟಿವಿಗಳು ಹಂಗಾಮ, ಎರೋಸ್ ಮತ್ತು ಝೀ5 ಗೂ ಸಪೋರ್ಟ್ ಮಾಡಲಿವೆ. ಇದರಲ್ಲಿ ಒನ್‍ಪ್ಲಸ್ ಪ್ಲೇ ಡ್ಯಾಶ್‍ಬೋರ್ಡ್ ಸೌಲಭ್ಯವೂ ಇದೆ. ಇದಲ್ಲದೇ, ಅಮೆಜಾನ್ ಪ್ರೈಂ ವಿಡಿಯೋ, ಹಾಟ್‍ಸ್ಟಾರ್, ಸೋನಿಲೈವ್ ಮತ್ತು ಯೂಟ್ಯೂಬ್ ವ್ಯವಸ್ಥೆಯೂ ಇರುವುದರಿಂದ ಬಳಕೆದಾರರಿಗೆ ಇತ್ತೀಚಿನ ಎಲ್ಲಾ ಅತ್ಯಾಧುನಿಕ ಮಾದರಿಯ ಮನೋರಂಜನೆ ಲಭ್ಯವಾಗಲಿದೆ.

ವಿಶೇಷ ಕೊಡುಗೆ
ಒನ್‍ಪ್ಲಸ್ ಮಾರುಕಟ್ಟೆಗೆ ಬಂದು ಆರು ವರ್ಷಗಳು ಪೂರೈಸುತ್ತಿರುವ ಹಿನ್ನೆಲೆಯಲ್ಲಿ ಗ್ರಾಹಕರಿಗೆ ಹಲವಾರು ಆಫರ್‌ಗಳನ್ನು ನೀಡುತ್ತಿದೆ. ಅವುಗಳಲ್ಲಿ ಪ್ರಮುಖವಾಗಿ:
ಎಚ್‍ಡಿಎಫ್‍ಸಿ ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‍ಗಳಲ್ಲಿ ಒನ್‍ಪ್ಲಸ್ ಟಿವಿ ಖರೀದಿಸುವ ಗ್ರಾಹಕರಿಗೆ 5,000 ರೂಪಾಯಿವರೆಗಿನ ಇನ್‍ಸ್ಟಂಟ್ ಕ್ಯಾಶ್‍ಬ್ಯಾಕ್ ಸೌಲಭ್ಯ ದೊರೆಯಲಿದೆ.
ಅಮೆಜಾನ್ ಪೇನಲ್ಲಿ ಖರೀದಿಸುವವರಿಗೆ 6,000 ರೂ.ವರೆಗಿನ ಕ್ಯಾಶ್‍ಬ್ಯಾಕ್.
3,000 ರೂ.ವರೆಗೆ ಒನ್‍ಪ್ಲಸ್ ಖರೀದಿಯಲ್ಲಿ ಎಕ್ಸ್‌ಚೇಂಜ್ ಆಫರ್.
24 ತಿಂಗಳವರೆಗೆ ಇಎಂಐ ವೆಚ್ಚ ಇರುವುದಿಲ್ಲ.

Live Score Update: ಹೋಮ್ ಸ್ಕ್ರೀನ್‌ನಲ್ಲೇ ಸ್ಕೋರ್

ಸ್ಟೋರ್‌ನಲ್ಲೂ ಲಭ್ಯ
ಬಳಕೆದಾರರು ಬೆಂಗಳೂರು, ಮುಂಬೈ, ದೆಹಲಿ, ಚೆನ್ನೈ ಮತ್ತು ಪುಣೆ ನಗರಗಳಲ್ಲಿರುವ ಒನ್‍ಪ್ಲಸ್ ಎಕ್ಸ್‌ಪೀರಿಯನ್ಸ್ ಸ್ಟೋರ್‌ಗಳಲ್ಲಿ ಹೊಸ ಒನ್‍ಪ್ಲಸ್ ಟಿವಿಯನ್ನು ವೀಕ್ಷಿಸಿ ಅದರ ಅನುಭವ ಪಡೆಯಬಹುದಾಗಿದೆ. ಒನ್‍ಪ್ಲಸ್ ಟಿವಿ ಬೆಲೆ 69,900 ರೂ.ಗಳಿಂದ ಆರಂಭವಾಗಲಿದ್ದು, ಅಮೆಜಾನ್.ಇನ್ ಮತ್ತು ದೇಶಾದ್ಯಂತ 12 ನಗರಗಳಲ್ಲಿರುವ 100 ಕ್ಕೂ ಹೆಚ್ಚು ರಿಲಾಯನ್ಸ್ ಡಿಜಿಟಲ್ ಮತ್ತು ಒನ್‍ಪ್ಲಸ್ ಆಫ್‍ಲೈನ್ ಸ್ಟೋರ್‌ಗಳಲ್ಲಿ ಲಭ್ಯವಿವೆ.

Tech Jobs: 2020ರ ಹಾಟ್ ಟೆಕ್ ಜಾಬ್ ಯಾವುದು ಗೊತ್ತೇ?