OnePlus TV: ಬಿಡುಗಡೆಗೆ ಸಜ್ಜಾದ ಒನ್‌ಪ್ಲಸ್ ಟಿವಿ

ಒನ್‌ಪ್ಲಸ್‌ ದೇಶದ ಪ್ರೀಮಿಯಂ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ವಿಶೇಷ ಹೆಸರು ಸಂಪಾದಿಸಿದೆ.

ಒನ್‌ಪ್ಲಸ್ ತನ್ನ ನೂತನ ಬ್ರ್ಯಾಂಡ್ ಒನ್‌ಪ್ಲಸ್ ಟಿವಿಯನ್ನು ಭಾರತದಲ್ಲಿ ಮೊದಲು ಬಿಡುಗಡೆ ಮಾಡುತ್ತಿರುವುದು ಕೂಡ ಇಲ್ಲಿನ ಮಾರುಕಟ್ಟೆಯಲ್ಲಿನ ಪ್ರಭಾವ ಮತ್ತು ಬೇಡಿಕೆಯನ್ನು ತೋರಿಸಿದೆ.

ಮೂಲತಃ ಚೀನಾದಲ್ಲಿ ಒನ್‌ಪ್ಲಸ್ ಹೊಸ ಹೊಸ ಉತ್ಪನ್ನಗಳನ್ನು ಪರಿಚಯಿಸುತ್ತಿತ್ತು. ಆದರೆ ಈಗ ದೇಶದಲ್ಲಿ ಕೂಡ ಹೊಸ ಉತ್ಪನ್ನಗಳನ್ನು ಪರಿಚಯಿಸುತ್ತಿದೆ.

ಒನ್‌ಪ್ಲಸ್ ಟಿವಿ ಸೆಪ್ಟೆಂಬರ್‌ನಲ್ಲಿ ಭಾರತದಲ್ಲಿ ಬಿಡುಗಡೆಯಾಗಲಿದ್ದು, 55 ಇಂಚಿನ ಟಿವಿ ಭಾರತದಲ್ಲಿ ಮೊದಲು ಬಿಡುಗಡೆಯಾಗಲಿದೆ.

55 ಇಂಚಿನ ಹೊಸ ಒನ್‌ಪ್ಲಸ್ ಟಿವಿ ಬಿಡುಗಡೆ ಕುರಿತು ಒನ್‌ಪ್ಲಸ್ ಟ್ವೀಟ್ ಮೂಲಕ ಸೂಚನೆ ನೀಡಿದೆ. 55" QLED ಟಿವಿಯನ್ನು ಒನ್‌ಪ್ಲಸ್ ಅನಾವರಣಗೊಳಿಸಲಿದ್ದು, ಅದರ ಜತೆಗೆ 43 ಇಂಚು ಮತ್ತು 75 ಇಂಚಿನ ಟಿವಿ ಕೂಡ ಬಿಡುಗಡೆಯಾಗುವ ನಿರೀಕ್ಷೆಯಿದೆ.

ಅಮೆಜಾನ್ ಇಂಡಿಯಾದಲ್ಲಿ ಹೊಸ ಟಿವಿ ಬಿಡುಗಡೆಯಾಗುತ್ತಿದ್ದು, ಈ ಬಗ್ಗೆ ನೋಟಿಫಿಕೇಷನ್ ಕೂಡ ತೋರಿಸಲಾರಂಭಿಸಿದೆ.
ಅಮೆರಿಕ ಮತ್ತು ಯುರೋಪ್ ಮಾರುಕಟ್ಟೆಯಲ್ಲಿ ಕೂಡ ಒನ್‌ಪ್ಲಸ್ ಹೊಸ ಸ್ಮಾರ್ಟ್ ಟಿವಿ ಪ್ರವೇಶಿಸಲಿದೆ. ಆದರೆ ವಿವಿಧ ದೇಶಕ್ಕೆ ಅನುಗುಣವಾಗಿ ಟಿವಿ ಡಿಸ್‌ಪ್ಲೇ ಗಾತ್ರದಲ್ಲಿ ಬದಲಾವಣೆಯಾಗಲಿದೆ.