Oppo A15: ಒಪ್ಪೋ ಹೊಸ ಫೋನ್ ಬೆಲೆ 1,000 ರೂ. ಇ​ಳಿಕೆ!

ಚೀನಾ ಮೂಲದ ಪ್ರಸಿದ್ಧ ಸ್ಮಾರ್ಟ್‌ಫೋನ್ ಬ್ರ್ಯಾಂಡ್ ಒಪ್ಪೋ, ದೇಶದಲ್ಲಿ ಹೊಸದಾಗಿ ಬಿಡುಗಡೆ ಮಾಡಿದ್ದ ಎ ಸರಣಿಯ ಫೋನ್ ಬೆಲೆಯಲ್ಲಿ 1,000 ರೂ.ವರೆಗೆ ಇಳಿಕೆ ಮಾಡಿದೆ. ಒಪ್ಪೋ ದೇಶದಲ್ಲಿ ವಿವಿಧ ಸರಣಿಯ ಫೋನ್‌ಗಳನ್ನು ಬಿಡುಗಡೆ ಮಾಡುತ್ತದೆ. ಬಜೆಟ್ ದರದಿಂದ ತೊಡಗಿ, ಪ್ರೀಮಿಯಂ ಸಿರೀಸ್‌ವರೆಗಿನ ವಿವಿಧ ಮಾದರಿಗಳನ್ನು ಒಪ್ಪೋ ದೇಶದಲ್ಲಿ ಮಾರುಕಟ್ಟೆಗೆ ಪರಿಚಯಿಸುತ್ತದೆ. ಹೀಗಾಗಿ ಹೊಸ ಮಾದರಿ ಮಾರುಕಟ್ಟೆಗೆ ಬರುತ್ತಿದ್ದಂತೆ, ಹಳೆಯ ಫೋನ್ ದರದಲ್ಲಿ ಇಳಿಕೆ ಮಾಡಿದೆ.

ಒಪ್ಪೋ ಸ್ಮಾರ್ಟ್‌ಫೋನ್
ಒಪ್ಪೋ A15 ಫೋನ್ ಹೊಸದರ ಅಮೆಜಾನ್‌ನಲ್ಲಿ ಕಾಣಿಸಿಕೊಂಡಿದೆ. ಡೈನಾಮಿಕ್ ಬ್ಲ್ಯಾಕ್ ಮತ್ತು ಮಿಸ್ಟರಿ ಬ್ಲೂ ಎಂಬ ಎರಡು ಆಕರ್ಷಕ ಬಣ್ಣಗಳಲ್ಲಿ ಹೊಸ ಒಪ್ಪೋ A15 ಫೋನ್ ದೊರೆಯುತ್ತಿದೆ. ಅಲ್ಲದೆ, ಅಮೆಜಾನ್‌ ಮೂಲಕ ಪ್ರಸ್ತುತ ಖರೀದಿಗೆ HSBC ಕಾರ್ಡ್ ಬಳಕೆಗೆ 1,500 ರೂ.ವರೆಗೆ ಇನ್‌ಸ್ಟಂಟ್ ಡಿಸ್ಕೌಂಟ್, ಇತರ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಳಕೆಗೆ ಡಿಸ್ಕೌಂಟ್ ಮತ್ತು ಇಎಂಐ, ಕ್ಯಾಶ್‌ಬ್ಯಾಕ್ ಪ್ರಯೋಜನ ಕೂಡ ಲಭ್ಯವಿದೆ.

ಹೊಸ ದರವೆಷ್ಟು?
ಒಪ್ಪೋ ಹೊಸ A15 ಸ್ಮಾರ್ಟ್‌ಫೋನ್ 2 GB+32 GB ಮಾದರಿಗೆ 500 ರೂ. ಡಿಸ್ಕೌಂಟ್ ಬಳಿಕ 8,990 ರೂ. ಮತ್ತು 3 GB+32 GB ಮಾದರಿಗೆ 1,000 ರೂ. ಡಿಸ್ಕೌಂಟ್ ಬಳಿಕ 9,990 ರೂ. ದರಕ್ಕೆ ಲಭ್ಯವಿದೆ.

PUBG Mobile India: ಶೀಘ್ರದಲ್ಲೇ ಬರುತ್ತಿದೆ ಜನಪ್ರಿಯ ಮೊಬೈಲ್ ಗೇಮ್!

Oppo A15 ತಾಂತ್ರಿಕ ವೈಶಿಷ್ಟ್ಯ
ಹೊಸ ಒಪ್ಪೋ ಫೋನ್ Oppo A15, 6.52 ಇಂಚಿನ HD+ ಡಿಸ್‌ಪ್ಲೇ, ಮೀಡಿಯಾಟೆಕ್ Helio P35 ಪ್ರೊಸೆಸರ್ ಹೊಂದಿದೆ. 13+2+2 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮರಾ, 5 ಮೆಗಾಪಿಕ್ಸೆಲ್ ಸೆಲ್ಫಿ ಹೊಂದಿದೆ. 4,230mAh ಬ್ಯಾಟರಿ ಮತ್ತು 10W ಚಾರ್ಜಿಂಗ್, ಆಂಡ್ರಾಯ್ಡ್ 10 ಆಧಾರಿತ ColorOS 7.2 ಇದರ ವಿಶೇಷತೆಯಾಗಿದೆ.

Oppo A33: ಹೊಸ ಒಪ್ಪೋ ಫೋನ್ ಬೆಲೆ 1000 ರೂ. ಇಳಿಕೆ!