ಭಾರತದಲ್ಲಿ 8GB ರ‍್ಯಾಮ್‌ Oppo Find X ಬಿಡುಗಡೆ: ಬೆಲೆ, ಗುಣವಿಶೇಷಗಳು

ಕ್ಯಾಮೆರಾ ಫೋನ್ ಮಾರುಕಟ್ಟೆ ಮೇಲೆ ಹಿಡಿತ ಸಾಧಿಸಿರುವ ಚೀನಾದ ಕಂಪೆನಿ ಒಪ್ಪೋ ತನ ಹೊಸ ಸ್ಮಾರ್ಟ್‌ಫೋನ್ Oppo Find X ಜುಲೈ 12ರಂದು ಹೊಸದಿಲ್ಲಿಯಲ್ಲಿ ಬಿಡುಗಡೆ ಮಾಡಿದೆ. ಕಳೆದ ತಿಂಗಳು ವಿದೇಶದಲ್ಲಿ ಬಿಡುಗಡೆಯಾದ ಈ ಫೋನ್ ತನ್ನ ಆಲ್‍ಸ್ಕ್ರೀನ್ ಡಿಸ್‌ಪ್ಲೇಯೊಂದಿಗೆ ಸ್ಮಾರ್ಟ್‌ಫೋನ್ ಪ್ರಿಯರನ್ನು ಅಗಾಧವಾಗಿ ಸೆಳೆದಿದೆ. ಭಾರತದಲ್ಲಿ ಗುರುವಾರ ಮಧ್ಯಾಹ್ನ 12.30ಕ್ಕೆ ಈ ಸ್ಮಾರ್ಟ್‌ಫೋನ್ ಬಿಡುಗಡೆಯನ್ನು ನೇರಪ್ರಸಾರ ಮಾಡಲಾಯಿತು. ಜುಲೈ 25ರಿಂದ ಪ್ರೀ ಆರ್ಡರ್ ಆರಂಭವಾಗಲಿದ್ದು ಆಗಸ್ಟ್ 3ರಿಂದ ಆನ್‍ಲೈನ್ ಮಳಿಗೆ ಫ್ಲಿಪ್‍ಕಾರ್ಟ್‌‌ನಲ್ಲಿ ಲಭ್ಯವಾಗಲಿದೆ.

Oppo Find X ಗುಣವಿಶೇಷಗಳು

ಡಿಸ್‌ಪ್ಲೇ: 6.42 ಇಂಚ್ ಫುಲ್ ಎಚ್‍ಡಿ ಪ್ಲಸ್ ಎಲ್‍ಇಡಿ

ಸ್ಕ್ರೀನ್ ಸೈಜ್: 1080 x 2340 ಪಿಕ್ಸೆಲ್ಸ್ ಸ್ರ್ಕೀನ್ ರೆಸಲ್ಯೂಷನ್

ಪ್ರೋಸೆಸರ್: ಆಕ್ಟಾಕೋರ್ ಸ್ನಾಪ್ ಡ್ರ್ಯಾಗನ್ 845 ಪ್ರೋಸೆಸರ್

ರ‍್ಯಾಮ್: 8 ಜಿಬಿ

ಮೆಮೊರಿ: 512 ಜಿಬಿ ಸ್ಟೋರೇಜ್

ಕ್ಯಾಮೆರಾಗಳು
ಹಿಂಬದಿ: 16+20 ಮೆಗಾ ಪಿಕ್ಸೆಲ್

ಮುಂಬದಿ: 25 ಮೆಗಾ ಪಿಕ್ಸೆಲ್

ಓಎಸ್: ಆ್ಯಂಡ್ರಾಯ್ಡ್ 8.1

ಬ್ಯಾಟರಿ: 3730 mAh

ಈ ಸ್ಮಾರ್ಟ್‍ಫೋನ್‌ನ ಇನ್ನೊಂದು ವಿಶೇಷತೆ ಎಂದರೆ 3D ಫೇಷಿಯಲ್ ರಿಕಗ್ನಿಷನ್, ಫೇಸ್ ಅನ್ ಲಾಕ್, 4ಜಿ VoLTE, ಯುಎಸ್‌ಬಿ ಟೈಪ್ ಸಿ, ಬ್ಲೂಟೂತ್ 5.0, ಸೂಪರ್ ವಿವಿಓಸಿ ಫ್ಲಾಶ್ ಚಾರ್ಜರ್ ಟೆಕ್ನಾಲಜಿ ಹೊಂದಿರುವ ಇದು ಕೇವಲ 35 ನಿಮಿಷಗಳಲ್ಲಿ ಸಂಪೂರ್ಣ ಚಾರ್ಜ್ ಆಗುತ್ತದೆ. ಮೇಲಕ್ಕೆ ಮತ್ತು ಕೆಳಕ್ಕೆ ಸ್ಲೈಡ್ ಮಾಡಬಹುದಾಗ ಮೋಟರೈಸ್ಡ್ ಕ್ಯಾಮೆರಾ ಹೊಂದಿದೆ.

ಬೆಲೆ:
ಭಾರತದಲ್ಲಿ 8ಜಿಬಿ ರ‍್ಯಾಮ್, 256 ‍ಇನ್‍ಬಿಲ್ಟ್ ಸ್ಟೋರೇಜ್‌ನ Oppo Find X ಬೆಲೆಯನ್ನು 59,990 ರೂ. ನಿಗದಿಪಡಿಸಲಾಗಿದೆ.


ವಿವೋ ನೆಕ್ಸ್ ಎಸ್, ಹೂವೈ ಪಿ20 ಪ್ರೋ, ಐಫೋನ್ ಎಕ್ಸ್, ಸ್ಯಾಂಸಂಗ್ ಗೆಲಾಕ್ಸಿ ಎಸ್ 9ಪ್ಲಸ್‌ನಂತಹ ಅತ್ಯಾಧುನಿಕ ಕ್ಯಾಮೆರಾ ಫೋನ್‌ಗಳಿಗೆ ಸ್ಪರ್ಧಿಯಾಗಿ ಬಂದಿರುವ Oppo Find X ಫೋನ್ ಬಗ್ಗೆ ಸಾಕಷ್ಟು ನಿರೀಕ್ಷೆಗಳಿವೆ.