ಒಪ್ಪೋ ದಿಂದ K9 ಸರಣಿಯ ಸ್ಮಾರ್ಟ್​ ಟಿವಿ ಬಿಡುಗಡೆ: ಬೆಲೆ?, ಏನು ವಿಶೇಷತೆ?

ಚೀನಾ ಮೂಲದ ಬಿಬಿಕೆ ಗ್ರೂಪ್ ಸಂಸ್ಥೆಯ ಪ್ರಮುಖ ಮೊಬೈಲ್ ಬ್ರ್ಯಾಂಡ್ ಒಪ್ಪೋ ಸ್ಮಾರ್ಟ್‌ಫೋನ್‌ ಮಾತ್ರವಲ್ಲದೆ ಸ್ಮಾರ್ಟ್‌ಟಿವಿ ಮಾರುಕಟ್ಟೆಯಲ್ಲೂ ಸೈ ಎನಿಸಿಕೊಂಡಿದೆ. ಈಗಾಗಲೇ ಹಲವು ಮಾದರಿಯ ಸ್ಮಾರ್ಟ್‌ಟಿವಿಗಳನ್ನು ಪರಿಚಯಿಸಿದೆ. ಇದೀಗ ತನ್ನ ಹೊಸ ಒಪ್ಪೋ ಸ್ಮಾರ್ಟ್ ಟಿವಿ K9 ಸರಣಿಯನ್ನು ಬಿಡುಗಡೆ ಮಾಡಿದೆ. ಇದರ ಜೊತೆಗೆ ಒಪ್ಪೋ ಸಂಸ್ಥೆ ಅತ್ಯುತ್ತಮ ಬ್ಯಾಟರಿ, ಕ್ಯಾಮೆರಾ ಇರುವ Oppo K9 5G ಸ್ಮಾರ್ಟ್‌ಫೋನ್‌ ಅನ್ನು ಬಿಡುಗಡೆ ಮಾಡಿದೆ.

ಒಪ್ಪೋ ಸ್ಮಾರ್ಟ್ ಟಿವಿ K9 65-ಇಂಚು ಮತ್ತು 55 ಇಂಚಿನ ಮಾದರಿಗಳು 3,840x2,160 ಪಿಕ್ಸೆಲ್‌ ಸ್ಕ್ರಿನ್‌ ರೆಸಲ್ಯೂಶನ್‌ ಸಾಮರ್ಥ್ಯದ 4K ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 60Hz ರಿಫ್ರೆಶ್ ರೇಟ್‌, 93% ಡಿಸಿಐ-ಪಿ 3, ಮತ್ತು 300 ನಿಟ್ಸ್ ವಿಶಿಷ್ಟ ಬ್ರೈಟ್‌ನೆಸ್‌ ಹೊಂದಿವೆ.

ಕೇವಲ 7,999 ರೂ. ಗೆ ಸಿಗುತ್ತಿದೆ ರಿಯಲ್ ಮಿ ಈ ಸ್ಮಾರ್ಟ್ ಫೋನ್: ಇಂದು ಮಾತ್ರ
65-ಇಂಚಿನ ಮತ್ತು 55-ಇಂಚಿನ ಮಾದರಿಗಳು ಒಟ್ಟು 30W ಔಟ್‌ಪುಟ್‌ ನೀಡುವ ಎರಡು 15W ಸ್ಪೀಕರ್‌ಗಳನ್ನು ಹೊಂದಿವೆ. ಅಲ್ಲದೆ 43 ಇಂಚಿನ ಮಾದರಿಯು ಡಾಲ್ಬಿ ಆಡಿಯೊವನ್ನು ಸಹ ಬೆಂಬಲಿಸಿದರೆ, ಇದು 20W ಸೌಂಡ್‌ ಪ್ರೊಡಕ್ಟನ್‌ಗೆ ಎರಡು 10W ಸ್ಪೀಕರ್‌ಗಳೊಂದಿಗೆ ಬರುತ್ತದೆ.

ಇನ್ನು ಈ ಎಲ್ಲಾ ಸ್ಮಾರ್ಟ್‌ಟಿವಿಗಳು ಕ್ವಾಡ್ ಕೋರ್ ಮೀಡಿಯಾ ಟೆಕ್ MT9652 SoC ಮತ್ತು G52 MC1 GPU ನಿಂದ ನಿಯಂತ್ರಿಸಲ್ಪಡುತ್ತವೆ. ಇದಲ್ಲದೆ ಒಪ್ಪೋ ಸ್ಮಾರ್ಟ್ ಟಿವಿ K9 ಸರಣಿಯು ಕಲರ್ಓಎಸ್ ಟಿವಿ 2.0 ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದು ವಾಯ್ಸ್‌ ಅಸಿಸ್ಟೆಂಟ್‌ ಹೊಂದಿರುವ ರಿಮೋಟ್‌ನೊಂದಿಗೆ ಬರುತ್ತದೆ. ಇನ್ನು ಕನೆಕ್ಟಿವಿಟಿ ಆಯ್ಕೆಗಾಗಿ ಟಿವಿ K9 ಸರಣಿಯು ಡ್ಯುಯಲ್-ಬ್ಯಾಂಡ್ ವೈ-ಫೈ, ಬ್ಲೂಟೂತ್ ವಿ 5, ಮೂರು ಎಚ್‌ಡಿಎಂಐ ಪೋರ್ಟ್‌ಗಳು, ಎರಡು ಯುಎಸ್‌ಬಿ ಪೋರ್ಟ್‌ಗಳು, ಡಿಟಿಎಂಬಿ ಪೋರ್ಟ್ ಮತ್ತು ಎತರ್ನೆಟ್ ಪೋರ್ಟ್ ಅನ್ನು ಒಳಗೊಂಡಿದೆ.

ಒಂದು ದಿನಕ್ಕೆ ಎಷ್ಟು ಬಾರಿ ಮೊಬೈಲ್ ಚಾರ್ಜ್ ಮಾಡಬಹುದು ಗೊತ್ತಾ?

ಇನ್ನೂ ಒಪ್ಪೋ ಸ್ಮಾರ್ಟ್ ಟಿವಿ K9 65-ಇಂಚಿನ ಸ್ಮಾರ್ಟ್‌ಟಿವಿ ಬೆಲೆ ಸಿಎನ್‌ವೈ 3,999 (ಸುಮಾರು 45,600 ರೂ.), 55 ಇಂಚಿನ ಮಾದರಿಯ ಬೆಲೆ ಸಿಎನ್‌ವೈ 2,799 (ಸುಮಾರು ರೂ. 32,000), ಮತ್ತು 43 ಇಂಚಿನ ಮಾದರಿಯ ಬೆಲೆ ಸಿಎನ್‌ವೈ 1,999 (ಸುಮಾರು ರೂ.22,800)ಬೆಲೆಯನ್ನು ಹೊಂದಿವೆ.

ಇತ್ತ ಒಪ್ಪೋ ಸಂಸ್ಥೆ ಮೂರು ಮಾದರಿಗಳನ್ನು ಸಿಎನ್‌ವೈ 3,299 (ಸುಮಾರು ರೂ. 37,700), ಸಿಎನ್‌ವೈ 1,999 (ಸುಮಾರು 22,800 ರೂ.), ಮತ್ತು ಸಿಎನ್‌ವೈ 1,799 (ಸುಮಾರು 20,500 ರೂ) ರಿಯಾಯಿತಿ ದರದಲ್ಲಿ ಸೀಮಿತ ಸಮಯಕ್ಕೆ ನೀಡುತ್ತಿದೆ.

15,000 ರೂ. ಒಳಗೆ ಖರೀದಿಸಬಹುದಾದ 4 ಬೆಸ್ಟ್ ಸ್ಮಾರ್ಟ್ ಫೋನುಗಳುundefined