PUBG Ban: ಪಾಕಿಸ್ತಾನದಲ್ಲಿ ಪಬ್‌ಜಿ ಗೇಮ್‌ಗೆ ನಿಷೇಧ!

ದೇಶದಲ್ಲಿ ಭದ್ರತೆ ಮತ್ತು ರಾಷ್ಟ್ರೀಯ ಹಿತಾಸಕ್ತಿಯ ಕಾರಣಕ್ಕಾಗಿ ಚೀನಾ ಮೂಲದ 59 ಆ್ಯಪ್‌ಗಳನ್ನು ನಿಷೇಧಿಸಲಾಗಿದೆ. ಕೇಂದ್ರ ಸರಕಾರದ ಈ ಕ್ರಮಕ್ಕೆ ಎಲ್ಲೆಡೆ ಪ್ರಶಂಸೆ ವ್ಯಕ್ತವಾಗಿದೆ. ಅಮೆರಿಕದಲ್ಲೂ ಇದೇ ಮಾದರಿಯಲ್ಲೂ ಆ್ಯಪ್‌ ನಿಷೇಧಕ್ಕೆ ಒತ್ತಾಯ ಕೇಳಿಬಂದಿದ್ದ, ಭಾರತಕ್ಕೆ ಬೆಂಬಲ ನೀಡಿದ್ದಾರೆ. ಆದರೆ ಈಗ ಚೀನಾದ ಆಪ್ತ ರಾಷ್ಟ್ರಗಳ ಪಟ್ಟಿಯಲ್ಲಿರುವ ಪಾಕಿಸ್ತಾನದಲ್ಲಿ ಜನಪ್ರಿಯ ಆನ್‌ಲೈನ್ ಗೇಮ್ ಪಬ್‌ಜಿಗೆ ನಿರ್ಬಂಧ ವಿಧಿಸಲಾಗಿದೆ!

ಸಮಯ ಹಾಳು ಮಾಡುತ್ತದೆ ಮತ್ತು ಸದಾ ಅಂಟಿಕೊಂಡಿರುವಂತೆ ಮಾಡುತ್ತದೆ. ಆರೋಗ್ಯದ ದೃಷ್ಟಿಯಿಂದ ಇದು ಒಳ್ಳೆಯದಲ್ಲ ಎಂದು ಪಾಕಿಸ್ತಾನ ಟೆಲಿಕಮ್ಯೂನಿಕೇಶನ್ ಅಥಾರಿಟಿ ಪಬ್‌ಜಿಗೆ ತಾತ್ಕಾಲಿಕ ನಿರ್ಬಂಧ ಹೇರಿದೆ. ಜತೆಗೆ ಸಾರ್ವಜನಿಕರಿಂದ ಅಹವಾಲು ಸ್ವೀಕರಿಸುತ್ತಿದ್ದು, ಪಬ್‌ಜಿ ಗೇಮ್ ಅನ್ನು ಮುಂದುವರಿಸಬೇಕೇ ಬೇಡವೇ ಎನ್ನುವ ಕುರಿತು ಜನಾಭಿಪ್ರಾಯ ಸಂಗ್ರಹಕ್ಕೆ ಮುಂದಾಗಿದೆ.

ಈ ಮೊದಲು ಕೂಡ ಆರೋಗ್ಯಕ್ಕೆ ಉತ್ತಮವಲ್ಲ ಎಂದು ಪಾಕಿಸ್ತಾನದಲ್ಲಿ ಪಬ್‌ಜಿ ಗೇಮ್‌ಗೆ ನಿಷೇಧ ಹೇರಲಾಗಿತ್ತು. ಈಗ ಮತ್ತೆ ನಿಷೇಧದ ಮಾತು ಕೇಳಿಬಂದಿದ್ದು, ಜನರು ಪಬ್‌ಜಿ ಬ್ಯಾನ್‌ಗೆ ಒತ್ತಾಯಿಸುತ್ತಿದ್ದಾರೆ. ಈ ಮಧ್ಯೆ ನಮ್ಮ ದೇಶದಲ್ಲೂ ಚೀನಾ ಆ್ಯಪ್‌ ಜತೆಗೇ, ಪಬ್‌ಜಿ ಗೇಮ್ ಅನ್ನು ಕೂಡ ನಿಷೇಧಿಸಬೇಕು ಎಂದು ಜನತೆ ಒತ್ತಾಯಿಸುತ್ತಿದ್ದಾರೆ.

ಗೇಮ್‌ಪ್ಲೇ ಮ್ಯಾನೇಜ್‌ಮೆಂಟ್ ಸಿಸ್ಟಂ
ಪಬ್‌ಜಿ ಇತ್ತೀಚೆಗೆ ಗೇಮ್‌ಪ್ಲೇ ಮ್ಯಾನೇಜ್‌ಮೆಂಟ್ ಸಿಸ್ಟಂ ಅನ್ನು ಅಭಿವೃದ್ಧಿಪಡಿಸಿದ್ದು, ಬಳಕೆದಾರರು ದಿನಕ್ಕೆ ಸತತ 2 ಗಂಟೆ ಪಬ್‌ಜಿಯಲ್ಲಿ ತಲ್ಲೀನರಾಗಿದ್ದರೆ, ಸ್ವಯಂ ಆಗಿ ಆ್ಯಪ್‌ ತಾತ್ಕಾಲಿಕವಾಗಿ ಬ್ಲಾಕ್ ಆಗುತ್ತದೆ.

OnePlus Nord: ಹೊಸ ಫೋನ್ ಬೆಲೆ ವಿವರ ಸೋರಿಕೆ, ಜುಲೈ 10ರಂದು ಬಿಡುಗಡೆ!