WhatsApp Pay: ಪೇಟಿಎಂಗೆ ಆತಂಕ ತರಲಿದೆ ವಾಟ್ಸಪ್

ಪೇಟಿಎಂ ಡಿಜಿಟಲ್ ಪಾವತಿ ಸೇವೆಗಳು ಭಾರತದಲ್ಲಿ ಅತ್ಯಂತ ಜನಪ್ರಿಯತೆ ಗಳಿಸಿವೆ. ಆದರೆ ಇತ್ತೀಚಿನ ದಿನಗಳಲ್ಲಿ ಗೂಗಲ್ ಪೇ, ಫೋನ್ ಪೇ, ಭೀಮ್ ಯುಪಿಐ ಮತ್ತು ಅಮೆಜಾನ್ ಪೇ ವ್ಯವಸ್ಥೆ ಜಾರಿಗೆ ಬಂದಿರುವುದು ಹೆಚ್ಚಿನ ಗ್ರಾಹಕರು ಅತ್ತ ವಾಲಿದ್ದಾರೆ.

ಇವೆಲ್ಲದರ ಮಧ್ಯೆ ವಾಟ್ಸಪ್ ಪ್ರತ್ಯೇಕವಾಗಿ ವಾಟ್ಸಪ್ ಪೇ ವ್ಯವಸ್ಥೆಯನ್ನು ಜಾರಿಗೆ ತರುತ್ತಿದೆ.

ದೇಶದಲ್ಲಿ ಅಂದಾಜು 40 ಕೋಟಿ ವಾಟ್ಸಪ್ ಬಳಕೆದಾರರಿದ್ದಾರೆ. ಆದರೆ ಪೇಟಿಎಂನಲ್ಲಿ 23 ಕೋಟಿ ಬಳಕೆದಾರರಿದ್ದಾರೆ. ಇತ್ತೀಚೆಗೆ ಹೆಚ್ಚಿನ ಬಳಕೆದಾರರು ವಿವಿಧ ಡಿಜಿಟಲ್ ಮತ್ತು ಪಾವತಿ ವ್ಯವಸ್ಥೆಗೆ ಹಂಚಿಹೋಗಿದ್ದಾರೆ. ಅದರ ಮಧ್ಯೆಯೇ ದೇಶದಲ್ಲಿ ಅತ್ಯಧಿಕ ಸಂಖ್ಯೆಯ ಬಳಕೆದಾರರನ್ನು ಹೊಂದಿರುವ ವಾಟ್ಸಪ್ ಪೇ ವ್ಯವಸ್ಥೆ ಜಾರಿಗೆ ಬಂದರೆ, ಹೆಚ್ಚಿನ ಗ್ರಾಹಕರು ವಾಟ್ಸಪ್ ಪೇ ಬಳಸಲು ಮುಂದಾಗುತ್ತಾರೆ.

ಇದರಿಂದ ಪೇಟಿಎಂ ಮತ್ತು ಇತರ ಹಲವು ಡಿಜಿಟಲ್ ಪಾವತಿ ಸೇವೆ ನೀಡುತ್ತಿರುವ ಆ್ಯಪ್‌ಗಳಿಗೆ ತೊಂದರೆ ಎದುರಾಗಲಿದೆ.

ವಾಟ್ಸಪ್ ಪೇ ಈಗಾಗಲೇ ಪರೀಕ್ಷಾರ್ಥ ಬಳಕೆಯಲ್ಲಿದ್ದು, ಈ ವರ್ಷದ ಕೊನೆಗೆ ಪೂರ್ಣ ಪ್ರಮಾಣದ ವಾಣಿಜ್ಯ ಬಳಕೆಗೆ ದೊರೆಯಲಿದೆ.