Fastag: ವಿತರಣೆಯಲ್ಲಿ ಪೇಟಿಎಂ ನಂ.1

ದೇಶದಲ್ಲಿಅತಿ ಹೆಚ್ಚು ಫಾಸ್ಟ್‌ಟ್ಯಾಗ್‌ಗಳನ್ನು ವಿತರಿಸಿದ ಹೆಗ್ಗಳಿಕೆಯನ್ನು ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ ತನ್ನದಾಗಿಸಿದೆ. ಬ್ಯಾಂಕ್‌ ಇದುವರೆಗೆ 30 ಲಕ್ಷಕ್ಕೂ ಹೆಚ್ಚು ಫಾಸ್ಟ್‌ ಟ್ಯಾಗ್‌ಗಳನ್ನು ವಿತರಿಸಿದೆ. ರಾಷ್ಟ್ರೀಯ ಹೆದ್ದಾರಿಗಳ ಟೋಲ್‌ ಪ್ಲಾಜಾಗಳಲ್ಲಿಎಲೆಕ್ಟ್ರಾನಿಕ್‌ ಟೋಲ್‌ ಪಾವತಿಯನ್ನು ಹೆಚ್ಚಿಸುವಲ್ಲಿಇದು ಸಹಕಾರಿಯಾಗಿದೆ.

2020ರ ವೇಳೆಗೆ 50 ಲಕ್ಷ ಫಾಸ್ಟ್‌ಟ್ಯಾಗ್‌ಗಳನ್ನು ವಿತರಿಸುವ ಗುರಿಯನ್ನು ಪೇಟಿಎಂ ಪೇಮೆಂಟ್ಸ್‌ ಬ್ಯಾಂಕ್‌ ಹೊಂದಿದೆ ಎಂದು ಸಿಇಒ ಸತೀಶ್‌ ಗುಪ್ತಾ ತಿಳಿಸಿದ್ದಾರೆ. ಫಾಸ್ಟ್‌ಟ್ಯಾಗ್‌ ವಿತರಣೆಯನ್ನು ಚುರುಕುಗೊಳಿಸುವ ಉದ್ದೇಶದಿಂದ ದೇಶಾದ್ಯಂತ 10,000 ಬಿಸಿನೆಸ್‌ ಪ್ರತಿನಿಧಿಗಳನ್ನು ಬ್ಯಾಂಕ್‌ ನಿಯುಕ್ತಿಗೊಳಿಸಿದೆ.

ಫಾಸ್ಟ್‌ಟ್ಯಾಗ್ ಬಳಕೆಯನ್ನು ಕಡ್ಡಾಯಗೊಳಿಸಿದ್ದು, ಜ. 16ರಿಂದ ಫಾಸ್ಟ್‌ಟ್ಯಾಗ್ ಇಲ್ಲದ ವಾಹನಗಳಿಂದ ಹೆದ್ದಾರಿ ಟೋಲ್‌ಗಳಲ್ಲಿ ದುಪ್ಪಟ್ಟು ದರ ವಸೂಲಿಗೆ ಸೂಚನೆ ನೀಡಲಾಗಿದೆ. ಫಾಸ್ಟ್‌ಟ್ಯಾಗ್ ಬಳಸುವ ಮೂಲಕ ಟೋಲ್‌ಗೇಟ್‌ಗಳಲ್ಲಿ ಹೆಚ್ಚಿನ ಸಮಯ ಕಳೆಯುವುದನ್ನು ತಪ್ಪಿಸುವುದು ಹಾಗೂ ನಗದು ರಹಿತ ವಹಿವಾಟಿಗೆ ಉತ್ತೇಜನ ನೀಡುವ ಉದ್ದೇಶವನ್ನು ಹೊಂದಿದೆ.

ಫಾಸ್ಟ್‌ಟ್ಯಾಗ್‌ ಬಳಸಿದರೆ, ಸ್ವಯಂಚಾಲಿತ ವ್ಯವಸ್ಥೆ ಮೂಲಕ ಸುಗಮ ಸಂಚಾರಕ್ಕೆ ಅನುಕೂಲವಾಗಲಿದ್ದು, ಸಮಯದ ಉಳಿತಾಯದ ಜತೆಗೆ, ಒಟ್ಟಾರೆ ಇಂಧನ ಉಳಿತಾಯ ಮಾಡುವ ಗುರಿಯನ್ನು ಕೂಡ ಹೆದ್ದಾರಿ ಮತ್ತು ಸಾರಿಗೆ ಸಚಿವಾಲಯ ಹೊಂದಿದೆ.

Amazon: ಭಾರತದಲ್ಲಿ 7,000 ಕೋಟಿ ರೂ. ಹೂಡಿಕೆ