Philips: ಲೈಫೈ ಬ್ರಾಡ್‌ಬ್ಯಾಂಡ್‌ ಆರಂಭ

ಡಿಜಿಟಲ್ ಮತ್ತು ಇಂಟರ್‌ನೆಟ್ ಸೇವೆಗಳಿಗೆ ಬೇಡಿಕೆ ಇರುವ ಈ ದಿನಗಳಲ್ಲಿ ಫಿಲಿಫ್ಸ್‌ ಲೈಟಿಂಗ್‌ ಕಂಪನಿಯು ನೂತನ ಎಲ್‌ಇಡಿ ಲೈಟಿಂಗ್‌ ತಂತ್ರಜ್ಞಾನದ ಮೂಲಕ ಬ್ರಾಡ್‌ ಬ್ಯಾಂಡ್‌ ಸೇವೆಗೆ ಚಾಲನೆ ನೀಡಿದೆ.

ಉನ್ನತ ಗುಣಮಟ್ಟದ ಬೆಳಕಿನ ತರಂಗಗಳ ಮೂಲಕ ಇಂಟರ್‌ನೆಟ್‌ ಸೇವೆಯನ್ನು ಒದಗಿಸುವುದು ಈ ಯೋಜನೆಯಾಗಿದೆ. ಈಗಿನ ಡಿಜಿಟಲ್‌ ತಂತ್ರಜ್ಞಾನದ ದಿನಗಳಲ್ಲಿ ಗ್ರಾಹಕರಿಗೆ ಹೊಸ ಬಗೆಯ ಸೇವೆ ನೀಡುತ್ತಿದ್ದೇವೆ ಎಂದು ಫಿಲಿಫ್ಸ್ ಹೇಳಿದೆ.

ರೇಡಿಯೊ ತರಂಗಗಳ ಮೂಲಕ ನೀಡುವುದಕ್ಕಿಂತಲೂ ಉತ್ತಮ ಗುಣಮಟ್ಟದ ಇಂಟರ್‌ನೆಟ್‌ ಅನ್ನು ಲೈಫೈ ಮೂಲಕ ಒದಗಿಸಬಹುದು.

ವೈಫೈ ಮಾದರಿಯಲ್ಲಿಯೇ ಲೈಫೈ ಕಾರ್ಯ ನಿರ್ವಹಿಸುತ್ತದೆ. ಆದರೆ ರೇಡಿಯೊ ತರಂಗಗಳ ಬದಲು ಬೆಳಕಿನ ತರಂಗದ ಬಳಕೆಯಾಗುತ್ತದೆ ಎಂದು ಕಂಪನಿ ತಿಳಿಸಿದೆ.