ಗೂಗಲ್‌ ಪಿಕ್ಸೆಲ್ 6, ಪಿಕ್ಸೆಲ್ 6 ಪ್ರೊ ಮಾರುಕಟ್ಟೆಗೆ!..ಬೆಲೆ ನೋಡಿ ಗ್ರಾಹಕರು ಖುಷ್!

ವಿಶ್ವ ಮೊಬೈಲ್ ಮಾರುಕಟ್ಟೆಯ ಬಹುನಿರೀಕ್ಷಿತ ಗೂಗಲ್ ಪಿಕ್ಸೆಲ್ 6 ಮತ್ತು ಪಿಕ್ಸೆಲ್ 6 ಪ್ರೊ ಸ್ಮಾರ್ಟ್‌ಫೋನ್‌ಗಳು ಬಿಡುಗಡೆಗೊಂಡಿವೆ. ಗೂಗಲ್‌ ಆಯೋಜಿಸಿದ್ದ ಪಿಕ್ಸೆಲ್ ಫಾಲ್ ಲಾಂಚ್ ಈವೆಂಟ್‌ನಲ್ಲಿ ಮಂಗಳವಾರ (ಅಕ್ಟೋಬರ್ 19 ರಂದು) ಈ ಎರಡೂ ನೂತನ ಫೋನ್‌ಗಳನ್ನು ಬಿಡುಗಡೆ ಮಾಡಲಾಗಿದ್ದು, ಹೊಸ ಗೂಗಲ್ ಪಿಕ್ಸೆಲ್ ಫೋನ್‌ಗಳು ಕಂಪನಿಯ ಸ್ವಾಮ್ಯದ ಸಿಸ್ಟಂ-ಆನ್-ಚಿಪ್ (SoC) ನೊಂದಿಗೆ ಮಾರುಕಟ್ಟೆಗೆ ಎಂಟ್ರಿ ನೀಡಿವೆ. ನೂತನ ಪಿಕ್ಸೆಲ್ 6 ಮತ್ತು ಪಿಕ್ಸೆಲ್ 6 ಪ್ರೊ ಹೊಸ ವಿನ್ಯಾಸದೊಂದಿಗೆ ಗ್ರಾಹಕರಿಗೆ ಲಭ್ಯವಿದ್ದು, ಹೋಲ್-ಪಂಚ್ ಡಿಸ್‌ಪ್ಲೇ ವಿನ್ಯಾಸ ಹಾಗೂ ಹಿಂಭಾಗದಲ್ಲಿ ಚೌಕಾಕಾರದ ಅಥವಾ ಆಯತಾಕಾರದ ಮಾಡ್ಯೂಲ್ ಕ್ಯಾಮೆರಾ ಬಾರ್ ಅನ್ನು ನೀಡಲಾಗಿದೆ.

ಪಿಕ್ಸೆಲ್ 6, ಪಿಕ್ಸೆಲ್ 6 ಪ್ರೊ ಬೆಲೆ, ಲಭ್ಯತೆ ವಿವರಗಳನ್ನು ನೋಡುವುದಾದರೆ, ಪಿಕ್ಸೆಲ್ 6 ಬೆಲೆಯು $ 599 (ಸುಮಾರು ರೂ. 45,000) ನಿಂದ ಆರಂಭವಾಗುತ್ತದೆ ಹಾಗೂ Pixel 6 Pro ಆರಂಭಿಕ ಬೆಲೆಯು $ 899 (ಸರಿಸುಮಾರು ರೂ. 67,500) ನೊಂದಿಗೆ ಆರಂಭವಾಗಿದೆ. ಇನ್ನು ಯುಎಸ್ನಲ್ಲಿ ಪೂರ್ವ-ಆರ್ಡರ್ ಗಳು ಇಂದಿನಿಂದ ಆರಂಭವಾಗುತ್ತವೆ ಮತ್ಉ ಅಕ್ಟೋಬರ್ 28 ರಿಂದ ಗೂಗಲ್ ಪಿಕ್ಸೆಲ್ 6 ಮತ್ತು ಪಿಕ್ಸೆಲ್ 6 ಪ್ರೊ ಖರೀದಿಗೆ ಲಭ್ಯವಿರುತ್ತವೆ. ಆದರೆ, ಇತರ ಮಾರುಕಟ್ಟೆಗಳಲ್ಲಿ ಅವರ ಆಗಮನದ ಬಗ್ಗೆ ವಿವರಗಳನ್ನು ಗೂಗಲ್ ಇನ್ನೂ ಘೋಷಿಸಿಲ್ಲ. ಹಾಗಾಗಿ, ಭಾರತದಲ್ಲಿ ಪಿಕ್ಸೆಲ್ 6 ಫೋನ್‌ಗಳ ಬೆಲೆ ಮತ್ತು ಪಿಕ್ಸೆಲ್ 6 ಸರಣಿಯ ಲಭ್ಯತೆ ಕೂಡ ಈ ಕ್ಷಣದಲ್ಲಿ ಇನ್ನೂ ನಿಗೂಢವಾಗಿದೆ.

ಬಣ್ಣ ಆಯ್ಕೆಗಳ ವಿಷಯದಲ್ಲಿ, ಪಿಕ್ಸೆಲ್ 6 ಕಿಂಡಾ ಕೋರಲ್, ಸೋರ್ಟಾ ಸೀಫೊಮ್ ಮತ್ತು ಬಿರುಗಾಳಿಯ ಕಪ್ಪು ಬಣ್ಣಗಳಲ್ಲಿ ಲಭ್ಯವಿದ್ದರೆ, ಪಿಕ್ಸೆಲ್ 6 ಪ್ರೊ ಕ್ಲೌಡಿ ವೈಟ್, ಸೋರ್ಟಾ ಸನ್ನಿ ಮತ್ತು ಸ್ಟಾರ್ಮಿ ಬ್ಲಾಕ್ ಶೇಡ್‌ಗಳಲ್ಲಿ ಬರುತ್ತದೆ.ಸ್ನ್ಯಾಪ್‌ಚಾಟ್‌ನ ಲಾಕ್‌ಸ್ಕ್ರೀನ್ ಇಂಟಿಗ್ರೇಷನ್ ಪಡೆಯಲು ಪಿಕ್ಸೆಲ್ 6 ಸರಣಿ ಸನ್ನದ್ದವಾಗಿದೆ. ಈ ವರ್ಷಾಂತ್ಯದಲ್ಲಿ 'ಕ್ವಿಕ್ ಟ್ಯಾಪ್ ಟು ಸ್ನ್ಯಾಪ್' ಎಂಬ ವೈಶಿಷ್ಟ್ಯವನ್ನು ನೀಡಲು ಗೂಗಲ್ ಸ್ನ್ಯಾಪ್ ಜೊತೆ ಪಾಲುದಾರಿಕೆ ಹೊಂದಿದ್ದು, ಫೋನ್ ಅನ್ಲಾಕ್ ಆಗದಿದ್ದರೂ ಮತ್ತು 'ಕ್ಯಾಮೆರಾ ಮಾತ್ರ' ಮೋಡ್‌ನಲ್ಲಿರುವಾಗಲೂ ಬಳಕೆದಾರರು ಸ್ನ್ಯಾಪ್‌ಚಾಟ್‌ಗಾಗಿ ಸ್ನ್ಯಾಪ್‌ಗಳನ್ನು ಸೆರೆಹಿಡಿಯಲು ಸಾಧ್ಯವಾಗುತ್ತದೆ.
ಪ್ಯಾನ್ ಕಾರ್ಡ್ ಕಳೆದುಕೊಂಡಿದ್ದೀರಾ?..ಪ್ಯಾನ್ ನಂಬರ್‌ ಸಹ ತಿಳಿದಿಲ್ಲವಾ?..ಹೀಗೆ ತಿಳಿಯಿರಿ!
ಎರಡೂ ಹೊಸ ಮಾದರಿಗಳು ಹೋಲ್-ಪಂಚ್ ಡಿಸ್‌ಪ್ಲೇ ವಿನ್ಯಾಸದೊಂದಿಗೆ ಬರುತ್ತವೆ ಮತ್ತು ಆಂಡ್ರಾಯ್ಡ್ 12 ಔಟ್-ಆಫ್-ದಿ-ಬಾಕ್ಸ್‌ನಲ್ಲಿ ಕಾರ್ಯನಿರ್ವಹಿಸುತ್ತವೆ. ಇದಲ್ಲದೆ, ಧೂಳು ಮತ್ತು ನೀರಿನ ಪ್ರತಿರೋಧವನ್ನು ನೀಡಲು ಹೊಸ ಪಿಕ್ಸೆಲ್ ಫೋನ್‌ಗಳು IP68 ಪ್ರಮಾಣೀಕರಿಸಲ್ಪಟ್ಟಿವೆ. ಸ್ನ್ಯಾಪ್-ಚಾಲಿತ ಕ್ಯಾಮೆರಾ ವೈಶಿಷ್ಟ್ಯಗಳ ಜೊತೆಗೆ ಗ್ರಾಹಕರನ್ನು ಮನಸೂರೆಗೊಳಿಸುವಂತಹ ಮ್ಯಾಜಿಕ್ ಎರೇಸರ್, ಮೋಷನ್ ಮೋಡ್, ರಿಯಲ್ ಟೋನ್, ಫೇಸ್ ಅನ್ಬ್ಲೂರ್, ಮತ್ತು ಇತರ ಕಸ್ಟಮ್ ಕ್ಯಾಮೆರಾ ಫೀಚರ್ ಗಳೊಂದಿಗೆ ಎರಡೂ ಫೋನ್‌ಗಳು ಬಿಡುಗಡೆಗೊಂಡಿವೆ. ಹಾಗಾದರೆ, ಪಿಕ್ಸೆಲ್ 6, ಪಿಕ್ಸೆಲ್ 6 ಪ್ರೊ ಫೋನ್‌ಗಳ ಫೀಚರ್ಸ್ ಮತ್ತು ವಿಶೇಷತೆಗಳು ಯಾವುವು ಎಂಬುದನ್ನು ಮುಂದಿನ ಲೇಖನಗಳಲ್ಲಿ ತಿಳಿಯೋಣ.