ಪ್ರಧಾನಿ ಬಿಡುಗಡೆಗೊಳಿಸುತ್ತಿರುವ 'ಸೆಲ್ಫ್‌ ಫಾರ್‌ ಸೊಸೈಟಿ' ಆ್ಯಪ್‌ನ ವಿಶೇಷತೆಗಳೇನು ಗೊತ್ತಾ?

ಹೊಸದಿಲ್ಲಿ: ವೃತ್ತಿಪರರು ತಮ್ಮ ವಿರಾಮದ ವೇಳೆಯಲ್ಲಿ ಸ್ವ ಇಚ್ಛೆಯಿಂದ ಸಾಮಾಜಿಕ ಕಾರ್ಯಗಳಲ್ಲಿ ಕೆಲಸ ಮಾಡಬೇಕಿದ್ದರೆ ಅದಕ್ಕೆ ಕೇಂದ್ರ ಸರಕಾರ ಆ್ಯಪ್‌ ಮೂಲಕ ವೇದಿಕೆ ಮಾಡಿಕೊಟ್ಟಿದೆ. ದೇಶದ ಅಭಿವೃದ್ಧಿ ಹಾಗೂ ಬೆಳವಣಿಗೆಗಾಗಿ ನಾಗರಿಕರು ಹಾಗೂ ಕೇಂದ್ರ ಸರಕಾರದ ನಡುವೆ ಸಂಪರ್ಕ ಮಾಡಬಹುದಾದ ವೇದಿಕೆಯಾಗಿರುವ ''ಮೈ ಗವ್‌', 'ಸೆಲ್ಫ್‌ ಫಾರ್‌ ಸೊಸೈಟಿ' ಎಂಬ ಆ್ಯಪ್‌ ಅನ್ನು ಅಭಿವೃದ್ಧಿಪಡಿಸಿದ್ದು, ಪ್ರಮುಖವಾಗಿ ಕಾರ್ಪೊರೇಟ್‌ ಸಂಸ್ಥೆಗಳಲ್ಲಿ ಕೆಲಸ ಮಾಡುವವರನ್ನು ಉದ್ದೇಶಿಸಿ ಇದನ್ನು ಸಿದ್ಧಪಡಿಸಿದೆ.

ಕಾರ್ಪೊರೇಟ್‌ ಸಂಸ್ಥೆಗಳ ಸಿಬ್ಬಂದಿ ಸ್ವ ಇಚ್ಛೆಯಿಂದ ಹಲವು ರೀತಿಯ ಕೆಲಸ ಮಾಡಲು ಸಿದ್ಧರಿದ್ದಾರೆ. ಆದರೆ, ಇದಕ್ಕೆ ಸರಿಯಾದ ಮಾರ್ಗದರ್ಶನ ಇರದ ಕಾರಣ ಸಾಧ್ಯವಾಗುತ್ತಿಲ್ಲ ಎಂದು ಹಲವು ಕಂಪನಿಗಳ ನಾಯಕರು ಪ್ರಧಾನಿ ಮೋದಿ ಜತೆ ಹಲವು ಬಾರಿ ಚರ್ಚೆ ನಡೆಸಿದ್ದರು. ಈ ಚರ್ಚೆಗಳ ಫಲವಾಗಿ 'ಸೆಲ್ಫ್‌ ಫಾರ್‌ ಸೊಸೈಟಿ' ಆ್ಯಪ್‌ ಅನ್ನು ಬಿಡುಗಡೆ ಮಾಡಲಾಗುತ್ತಿದೆ.


ಆ್ಯಪ್‌ನ ವಿಶೇಷತೆಗಳೇನು?
- ಐಟಿ ಕಂಪನಿಗಳಿಗೆ ಮೊದಲ ಆದ್ಯತೆ
-ಸಾಮಾಜಿಕ ಕಾರ್ಯ ಮಾಡಿದವರಿಗೆ ಪ್ರೋತ್ಸಾಹ ಧನ
- ಕಂಪನಿಗಳ ನಡುವೆ ಸ್ಪರ್ಧೆಗಳು
- ಸಾಮಾಜಿಕ ಜಾಲತಾಣಗಳಲ್ಲಿ ಸಮಾಜ ಸೇವೆ ಬಗ್ಗೆ ಮಾಹಿತಿ
- ಸ್ವಚ್ಛ ಭಾರತ್‌ ಮುಂತಾದ ಯೋಜನೆಗಳಿಗೆ ಹೆಚ್ಚಿನ ಆದ್ಯತೆ