Instagram: ಸ್ಟೋರೀಸ್‌ನಲ್ಲಿ ಡೊನೇಷನ್ ಸ್ಟಿಕ್ಕರ್ಸ್‌

ಫೋಟೋ ಹಂಚಿಕೊಳ್ಳುವ ಜನಪ್ರಿಯ ತಾಣ ಇನ್‌ಸ್ಟಾಗ್ರಾಂನ ಸ್ಟೋರೀಸ್‌ನಲ್ಲಿ ಹೊಸದಾಗಿ ಡೊನೇಷನ್ ಸ್ಟಿಕ್ಕರ್ಸ್‌ಗಳನ್ನು ಪರಿಚಯಿಸಲಿದೆ.

ಈ ಆಯ್ಕೆಯನ್ನು ಇನ್‌ಸ್ಟಾಗ್ರಾಂ ಪರಿಶೀಲಿಸುತ್ತಿದ್ದು, ವಿವಿಧ ಸಂದರ್ಭದಲ್ಲಿ ವೈಯಕ್ತಿಕ ಮತ್ತು ಚಾರಿಟಿ, ಸಂಸ್ಥೆಗಳು, ಪ್ರಾಕೃತಿಕ ವಿಕೋಪ ನಿಧಿ, ಧನಸಹಾಯ ಸಹಿತ ವಿವಿಧ ಸಂದರ್ಭದಲ್ಲಿ ದೇಣಿಗೆ ಸಂಗ್ರಹಿಸಲು ಇದರಿಂದ ಅನುಕೂಲವಾಗಲಿದೆ.

ಜೇನ್ ಮಂಚೂನ್ ವಾಂಗ್ ಈ ಬಗ್ಗೆ ಟ್ವೀಟ್ ಮಾಡಿದ್ದು, ಇನ್‌ಸ್ಟಾಗ್ರಾಂ ನೂತನ ಸ್ಟಿಕ್ಕರ್ಸ್‌ ಹೊರತರುತ್ತಿದೆ. ಅದರ ಪರಿಶೀಲನೆ ನಡೆದಿದೆ ಎಂದಿದ್ದಾರೆ.

ಫೇಸ್‌ಬುಕ್ 2015ರಿಂದ ಈ ರೀತಿಯ ಡೊನೇಷನ್‌ಗಳಿಗೆ ಅವಕಾಶ ಕಲ್ಪಿಸುತ್ತಿದ್ದು, ದೇಣಿಗೆ ಸಂಗ್ರಹಕ್ಕೆ ನೆರವಾಗುತ್ತಿದೆ.

ಇನ್‌ಸ್ಟಾಗ್ರಾಂ ಈಗಾಗಲೇ ಪೇಮೆಂಟ್ ಮಾದರಿಯ ಆಯ್ಕೆಯನ್ನು ಪರಿಶೀಲಿಸುತ್ತಿದೆ, ಆದರೆ ಅದು ಕೆಲವೇ ಆಯ್ದ ಸೇವೆಗಳಿಗೆ ಬಳಕೆಯಾಗುತ್ತಿದೆ. ಅದರ ಜತೆಗೆ ಪೇಮೆಂಟ್ ರೂಪದಲ್ಲಿ ಶಾಪಿಂಗ್‌ಗೆ ಅವಕಾಶ ಕೂಡ ನೀಡುವ ಸಾಧ್ಯತೆ ಕುರಿತು ಪರಿಶೀಲಿಸುತ್ತದೆ.

ನೂತನ ಡೊನೇಷನ್ ಸ್ಟಿಕ್ಕರ್ಸ್‌ ಯಾವಾಗ ಬಿಡುಗಡೆಯಾಗುತ್ತದೆ, ಜನರಿಗೆ ಯಾವಾಗ ಬಳಕೆಗೆ ದೊರೆಯುತ್ತದೆ ಎಂಬ ಬಗ್ಗೆ ಇನ್‌ಸ್ಟಾಗ್ರಾಂ ಅಧಿಕೃತವಾಗಿ ಹೇಳಿಲ್ಲ.