Aatmanirbhar Bharat: ಆ್ಯಪ್ ಇನೋವೇಶನ್ ಚಾಲೆಂಜ್‌ಗೆ ಪ್ರಧಾನಿ ಮೋದಿ ಚಾಲನೆ

ಡಿಜಿಟಲ್ ಇಂಡಿಯಾ ಮತ್ತು ಸ್ವದೇಶಿ ಅಭಿಯಾನಕ್ಕೆ ಪೂರಕವಾಗಿ ಸಂಪೂರ್ಣವಾಗಿ ದೇಶದಲ್ಲೇ ನೂತನ ಆ್ಯಪ್‌ಗಳನ್ನು ಸಿದ್ಧಪಡಿಸುವ ಹೊಸ ಚಾಲೆಂಜ್‌ಗೆ ಪ್ರಧಾನಿ ಮೋದಿ ಚಾಲನೆ ನೀಡಿದ್ದಾರೆ. ದೇಶದ ಯುವ ಟೆಕ್ಕಿಗಳು ಮತ್ತು ಆ್ಯಪ್‌ ಡೆವಲಪರ್‌ಗಳು ಇದರಲ್ಲಿ ಭಾಗವಹಿಸಬಹುದಾಗಿದ್ದು, ಜಾಗತಿಕ ಮಟ್ಟದ ವೈಶಿಷ್ಟ್ಯ ಹೊಂದಿರುವ ಆ್ಯಪ್‌ಗಳನ್ನು ಅಭಿವೃದ್ಧಿಪಡಿಸುವಂತೆ ಪ್ರಧಾನಿ ಮೋದಿ ಕರೆ ನೀಡಿದ್ದಾರೆ.

ದೇಶದಲ್ಲಿ ಚೀನಾ ಮೂಲದ 59 ಆ್ಯಪ್‌ಗಳನ್ನು ನಿಷೇಧಿಸಲಾಗಿದ್ದು, ಅವುಗಳಿಗೆ ಈಗ ವಿವಿಧ ಪರ್ಯಾಯ ಆ್ಯಪ್‌ಗಳನ್ನು ಬಳಸಲಾಗುತ್ತಿದೆ. ಆದರೆ ಅಂತಹ ಅಗತ್ಯ ಮತ್ತು ಎಲ್ಲ ರೀತಿಯ ಬಳಕೆಗೆ ಪೂರಕವಾಗುವಂತಹ ಆ್ಯಪ್‌ ತಯಾರಿಸಬೇಕಾಗಿದ್ದು, ದೇಶದ ಯುವಜನತೆಗೆ ಮೋದಿ ಕರೆ ನೀಡಿದ್ದಾರೆ.

ಈ ಕುರಿತು ಲಿಂಕ್ಡ್‌ಇನ್‌ನಲ್ಲಿ ಮೋದಿ ತಮ್ಮ ವಿಚಾರಗಳನ್ನು ಹಂಚಿಕೊಂಡಿದ್ದಾರೆ. ಜತೆಗೆ ಆ್ಯಪ್‌ ತಯಾರಿಸುವವರಿಗೆ 2 ಲಕ್ಷ ರೂ.ನಿಂದ 20 ಲಕ್ಷ ರೂ.ವರೆಗೆ ಬಹುಮಾನವೂ ದೊರೆಯಲಿದೆ.

ಆಫೀಸ್ ಪ್ರಾಡಕ್ಟಿವಿಟಿ, ವರ್ಕ್‌ ಫ್ರಮ್ ಹೋಮ್, ಸೋಶಿಯಲ್ ನೆಟ್‌ವರ್ಕಿಂಗ್, ಇ ಲರ್ನಿಂಗ್, ಎಂಟರ್‌ಟೈನ್‌ಮೆಂಟ್, ಹೆಲ್ತ್, ಬ್ಯುಸಿನೆಸೆ, ನ್ಯೂಸ್, ಗೇಮ್ಸ್ ಎಂದೆಲ್ಲ ವಿವಿಧ ವಿಭಾಗಗಳಿದ್ದು, ಅಲ್ಲಿ, innovate.mygov.in ಮೂಲಕ ಆ್ಯಪ್‌ ಕುರಿತ ವಿವರ ಪಡೆದುಕೊಳ್ಳಬಹುದು.

TikTok Ban: ಒಂದಲ್ಲಾ, ಎರಡಲ್ಲಾ.. ಚೀನಾ ಕಂಪನಿಗೆ 45,000 ಕೋಟಿ ರೂ. ನಷ್ಟ!