PUBG Mobile India: ದೇಶದಲ್ಲಿ ಮತ್ತೆ ಬರಲಿದೆ ಪಬ್‌ಜಿ ಮೊಬೈಲ್ ಗೇಮ್!

ಬಳಕೆದಾರರ ಭದ್ರತೆ ಮತ್ತು ಖಾಸಗಿತನದ ದೃಷ್ಟಿಯಿಂದ ಪಬ್‌ಜಿ ಗೇಮ್ ಮತ್ತು ಚೀನಾ ಮೂಲದ ಹಲವು ಅಪ್ಲಿಕೇಶನ್‌ಗಳನ್ನು ದೇಶದಲ್ಲಿ ನಿಷೇಧಿಸಲಾಗಿತ್ತು. ಪಬ್‌ಜಿ ಮೊಬೈಲ್ ಗೇಮ್ ಅತ್ಯಂತ ಜನಪ್ರಿಯತೆ ಹೊಂದಿದ್ದು, ದೇಶದಲ್ಲಿ ಅತ್ಯಧಿಕ ಸಂಖ್ಯೆಯ ಬಳಕೆದಾರರನ್ನು ಹೊಂದಿತ್ತು. ಆದರೆ ನಿಷೇಧದ ಬಳಿಕ ಪಬ್‌ಜಿ ಗೇಮ್ ಮೊಬೈಲ್‌ನಲ್ಲಿ ಲಭ್ಯವಿಲ್ಲ. ಆದರೆ ಹೊಸ ರೂಪದಲ್ಲಿ ದೇಶದಲ್ಲಿ ಪಬ್‌ಜಿ ಮತ್ತೆ ಬಿಡುಗಡೆಗೆ ಸಜ್ಜಾಗಿದೆ.

ಪಬ್‌ಜಿ ಮೊಬೈಲ್ ಇಂಡಿಯಾ
ಬಳಕೆದಾರರ ಭದ್ರತೆ ಮತ್ತು ಸುರಕ್ಷತೆಯನ್ನು ಗಮನದಲ್ಲಿರಿಸಿಕೊಂಡು ವಿಶೇಷವಾಗಿ ದೇಶದಲ್ಲಿಯೇ ಸರ್ವರ್ ನಿರ್ವಹಣೆ ಮಾಡುವ ಮೂಲಕ ಜತೆಗೆ ಹೆಚ್ಚಿನ ಆದ್ಯತೆ ನೀಡುವ ಮೂಲಕ ಪಬ್‌ಜಿ ಹೊಸ ಆವೃತ್ತಿ ದೇಶದಲ್ಲಿ ಬಳಕೆದಾರರಿಗೆ ಲಭ್ಯವಾಗಲಿದೆ ಎಂದು ಕಂಪನಿ ಹೇಳಿದೆ.

ಹೊಸ ಮೊಬೈಲ್ ಗೇಮ್ ಬಿಡುಗಡೆ
ದಕ್ಷಿಣ ಕೊರಿಯಾ ಮೂಲದ ಕ್ರಾಫ್ಟನ್ ಕಂಪನಿಯ ಒಡೆತನದಲ್ಲಿನ ಪಬ್‌ಜಿ ಮೊಬೈಲ್, ಹೊಸದಾಗಿ ದೇಶದ ಮಾರುಕಟ್ಟೆಗೆ ಪೂರಕವಾದ ಮತ್ತು ಹೆಚ್ಚಿನ ಬಳಕೆದಾರರ ಭದ್ರತೆ ಹೊಂದಿರುವ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸುತ್ತಿದೆ. ಸರಕಾರದ ನಿಯಮಾವಳಿಗೆ ಅನುಗುಣವಾಗಿ ಹೊಸ ಗೇಮ್ ಅಭಿವೃದ್ಧಿಪಡಿಸಲಾಗುತ್ತಿದ್ದು, ಸರ್ವರ್ ನಿರ್ವಹಣೆ ಮತ್ತು ಇತರ ತಾಂತ್ರಿಕ ಅಗತ್ಯವನ್ನು ದೇಶದಲ್ಲೇ ಸ್ಥಾಪಿಸಲಾಗುತ್ತದೆ ಎಂದು ಕಂಪನಿ ಹೇಳಿದೆ.

Asus VivoBook Ultra: ಮಾರುಕಟ್ಟೆಗೆ ಬಂತು ಏಸಸ್ ಹೊಸ ಲ್ಯಾಪ್‌ಟಾಪ್‌

ಹೊಸರೂಪದಲ್ಲಿ ಪಬ್‌ಜಿ
ದೇಶದಲ್ಲಿ ಪಬ್‌ಜಿ ನಿಷೇಧಿಸಬೇಕು ಎನ್ನುವ ಕೂಗು ಒಂದೆಡೆಯಾಗಿದ್ದರೆ, ಮತ್ತೊಂದೆಡೆ ಚೀನಾ ಮೂಲದ ಕಂಪನಿ ಸರ್ವರ್ ನಿರ್ವಹಣೆ ಹೊಂದಿದ್ದ ಪಬ್‌ಜಿ ಬಳಕೆದಾರರ ಮಾಹಿತಿ ಕದಿಯಲಾಗುತ್ತದೆ ಎಂಬ ಆರೋಪದ ಮೇರೆಗೆ ಕೇಂದ್ರ ಸರಕಾರ ಪಬ್‌ಜಿ ಗೇಮ್ ನಿಷೇಧಿಸಿತ್ತು. ಈಗ ಮತ್ತೆ ಹೊಸರೂಪದಲ್ಲಿ ಪಬ್‌ಜಿ ಗೇಮ್ ದೇಶದಲ್ಲಿ ಬಿಡುಗಡೆಯಾಗಲು ಸಜ್ಜಾಗಿದೆ.

Instagram: ದೀಪಾವಳಿ ಹಬ್ಬಕ್ಕೆ ವಿಶೇಷ ಎಆರ್ ಎಫೆಕ್ಟ್ ಫಿಲ್ಟರ್ ಪರಿಚಯಿಸಿದ ಇನ್‌ಸ್ಟಾಗ್ರಾಂ