FAU-G Mobile Game: 10 ಲಕ್ಷಕ್ಕೂ ಅಧಿಕ ಪ್ರಿ ರಿಜಿಸ್ಟ್ರೇಶನ್ ದಾಖಲಿಸಿದ ಆಕ್ಷನ್‌ ಗೇಮ್!

ದೇಶದಲ್ಲಿ ಜನಪ್ರಿಯ ಪಬ್‌ಜಿ ಗೇಮ್ ನಿಷೇಧದ ಬೆನ್ನಲ್ಲೇ ಸದ್ದು ಮಾಡಿದ್ದ ಫಾಜಿ, ಫಿಯರ್‌ಲೆಸ್ ಆಂಡ್ ಯುನೈಟೆಡ್ ಗಾರ್ಡ್ಸ್ ಪ್ರಿ ರಿಜಿಸ್ಟ್ರೇಶನ್ ಆರಂಭವಾಗಿದ್ದು, ಈಗಾಗಲೇ 10 ಲಕ್ಷಕ್ಕೂ ಅಧಿಕ ಮಂದಿ ರಿಜಿಸ್ಟ್ರೇಶನ್ ಮಾಡಿದ್ದಾರೆ. ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ನವೆಂಬರ್‌ 30ರಂದು ಪ್ರಿ ರಿಜಿಸ್ಟ್ರೇಶನ್ ಆರಂಭವಾಗಿತ್ತು.

ಇನ್ನೂ ಬಿಡುಗಡೆಯಾಗಿಲ್ಲ ಫಾಜಿ!
ಮೊಬೈಲ್ ವಿಡಿಯೋ ಗೇಮ್ ಫಾಜಿ, ಅಕ್ಟೋಬರ್‌ನಲ್ಲಿ ಬಿಡುಗಡೆ ಎನ್ನಲಾಗಿತ್ತು. ಆದರೆ ನಂತರದಲ್ಲಿ ನವೆಂಬರ್‌ಗೆ ಮುಂದೂಡಿಕೆಯಾಗಿತ್ತು. ನವೆಂಬರ್‌ನಲ್ಲಿ ಕೂಡ ಫಾಜಿ ಗೇಮ್ ಬಿಡುಗಡೆಯಾಗಿಲ್ಲ, ಆದರೆ ನ. 30 ಪ್ರಿ ರಿಜಿಸ್ಟ್ರೇಶನ್ ಮಾತ್ರ ಆರಂಭವಾಗಿದೆ.

ಬೆಂಗಳೂರಿನ ಕಂಪನಿಯಿಂದ ಗೇಮ್ ಅಭಿವೃದ್ಧಿ
ಪಬ್‌ಜಿ ಹೊಸದಾಗಿ ದೇಶದಲ್ಲೇ ಅಭಿವೃದ್ಧಿಪಡಿಸಿದ ಮತ್ತು ದೇಶದಲ್ಲಿ ಪೂರ್ತಿ ಸರ್ವರ್ ಮತ್ತು ನಿರ್ವಹಣೆ ಹೊಂದಿರುವ ಪಬ್‌ಜಿ ಮೊಬೈಲ್ ಇಂಡಿಯಾ ಗೇಮ್ ಅನ್ನು ಘೋಷಿಸಿದೆ. ಈ ಮಧ್ಯೆ ಪಬ್‌ಜಿಗೆ ಪ್ರತಿಸ್ಪರ್ಧಿ ಎಂದೇ ಬಿಂಬಿತವಾಗಿರುವ ಫಾಜಿ ಗೇಮ್ ಅನ್ನು ಬೆಂಗಳೂರು ಮೂಲದ ಎನ್‌ಕೋರ್ ಕಂಪನಿ ಅಭಿವೃದ್ಧಿಪಡಿಸಿದೆ. ಪ್ರಸ್ತುತ ಗೂಗಲ್ ಪ್ಲೇ ಸ್ಟೋರ್ ಮೂಲಕ ಮಾತ್ರ ಲಭ್ಯವಿದ್ದು, ಆಂಡ್ರಾಯ್ಡ್ ಫೋನ್ ಬಳಕೆದಾರರು ಪ್ರಿ ರಿಜಿಸ್ಟ್ರೇಶನ್ ಮಾಡಿಕೊಳ್ಳಬಹುದು.

Vaio Laptop: ದೇಶದ ಮಾರುಕಟ್ಟೆಗೆ ಮತ್ತೆ ಬರುತ್ತಿದೆ ವಾಯೋ ಲ್ಯಾಪ್‌ಟ್ಯಾಪ್

ಶೀಘ್ರದಲ್ಲೇ ಬರಲಿದೆ ಫಾಜಿ
ಹೊಸ ಗೇಮ್ ದೇಶದ ಗೇಮಿಂಗ್ ಪ್ರಿಯರಲ್ಲಿ ಸಾಕಷ್ಟು ನಿರೀಕ್ಷೆ ಹುಟ್ಟುಹಾಕಿದೆ. ಅಂದರೆ, ಈ ಗೇಮ್‌ ಆದಾಯದಲ್ಲಿ ಒಂದಷ್ಟು ಪಾಲನ್ನು ಯೋಧರ ಕುಟುಂಬದ ಕಲ್ಯಾಣಕ್ಕಾಗಿ ಭಾರತ್ ಕೆ ವೀರ್ ಟ್ರಸ್ಟ್‌ಗೆ ನೀಡಲಾಗುತ್ತದೆ. ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಕೂಡ ಈ ಗೇಮ್‌ಗೆ ಸಹಯೋಗ ಹೊಂದಿದ್ದು, ಶೀಘ್ರದಲ್ಲೇ ದೇಶದಲ್ಲಿ ಬಳಕೆದಾರರಿಗೆ ಫಾಜಿ ಗೇಮ್ ಲಭ್ಯವಾಗಲಿದೆ.

Micromax Smartphone: 6GB RAM ಸಹಿತ ಹೊಸ ಫೋನ್ ಪರಿಚಯಿಸುತ್ತಿದೆ ಮೈಕ್ರೋಮ್ಯಾಕ್ಸ್