Digilocker: ಕೆವೈಸಿಗೆ ಡಿಜಿಲಾಕರ್‌ನ ಇ-ಡಾಕ್ಯುಮೆಂಟ್‌ಗಳ ಬಳಕೆಗೆ ಅಸ್ತು

ಗ್ರಾಹಕರ ಗುರುತು ಅಥವಾ ವಿಳಾಸ ಮತ್ತಿತರ ಮಾಹಿತಿ ದೃಢೀಕರಿಸುವ ಕೆವೈಸಿ ಪ್ರಕ್ರಿಯೆಗೆ ಡಿಜಿಲಾಕರ್‌ನ ಇ-ಡಾಕ್ಯುಮೆಂಟ್‌ಗಳನ್ನು ಸ್ವೀಕರಿಸಬಹುದು ಎಂದು ರಿಸರ್ವ್ ಬ್ಯಾಂಕ್‌(ಆರ್‌ಬಿಐ) ಹೇಳಿದೆ. ಅಂದರೇ, ಕೆವೈಸಿ ಪ್ರಕ್ರಿಯೆಯಲ್ಲಿ ಡಿಜಿಲಾಕರ್‌ನ ದಾಖಲೆಗಳು ಅಂಗೀಕಾರ ಪಡೆಯಲಿವೆ.

ನಾಗರಿಕರು ತಮ್ಮ ಡಿಜಿಲಾಕರ್‌ನಲ್ಲಿಆಧಾರ್‌, ಪ್ಯಾನ್‌ ಕಾರ್ಡ್‌, ಡ್ರೈವಿಂಗ್‌ ಲೈಸನ್ಸ್‌ ಸೇರಿದಂತೆ ಕೆಲವು ದಾಖಲೆಗಳನ್ನು ಸಂಗ್ರಹಿಸಿಟ್ಟುಕೊಳ್ಳಲು ಸರಕಾರವು ಅವಕಾಶ ನೀಡಿದೆ. ಈ ಇ-ಡಾಕ್ಯುಮೆಂಟ್‌ಗಳನ್ನು ಬ್ಯಾಂಕ್‌ಗಳು ಅಥವಾ ಹಣಕಾಸು ಸಂಸ್ಥೆಗಳ ಕೆವೈಸಿ ಪ್ರಕ್ರಿಯೆಗೆ ಬಳಸಲು ಆರ್‌ಬಿಐ ಅವಕಾಶ ಕಲ್ಪಿಸಿದೆ.

ಮೊಬೈಲ್‌ ವಿಡಿಯೋ ಮೂಲಕವೂ ಕೆವೈಸಿ ದೃಢೀಕರಣಕ್ಕೆ ಆರ್‌ಬಿಐ ಇತ್ತೀಚೆಗೆ ಅವಕಾಶ ಕಲ್ಪಿಸಿತ್ತು. ಡಿಜಿಲಾಕರ್ ಬಳಸಿಕೊಂಡು ಅದರಲ್ಲಿ ಅಪ್‌ಲೋಡ್ ಮಾಡಿರುವ ದಾಖಲೆಗಳನ್ನು ಸರಕಾರದ ವಿವಿಧ ಸೇವೆಗಳಿಗೆ ಬಳಸಿಕೊಳ್ಳಲು ಅವಕಾಶ ಕಲ್ಪಿಸಲಾಗಿದೆ.

ಅಲ್ಲದೆ ಟ್ರಾಫಿಕ್ ಪೊಲೀಸರು, ಆರ್‌ಟಿಒ ಅಧಿಕಾರಿಗಳಿಗೆ ಕೂಡ ವಾಹನ ತಪಾಸಣೆಯ ಸಂದರ್ಭದಲ್ಲಿ ಡಿಜಿಲಾಕರ್ ದಾಖಲೆ ಸಲ್ಲಿಸಲು ಅವಕಾಶವಿದೆ.

Reliance Jio: ವೈಫೈ ಕಾಲಿಂಗ್‌ ಯಾವ ಫೋನ್‌ಗೆ ಲಭ್ಯವಿದೆ?