ಜ.4 ರಂದು ಬಿಡುಗಡೆಯಾಗಲಿರುವ Realme GT 2 ಫೀಚರ್ಸ್ ಯಾವುವು ನೋಡಿ!

ಜನವರಿ 4, 2021 ರಂದು ಬಿಡುಗಡೆಯಾಗಲಿರುವ Realme ಕಂಪೆನಿಯ ಬಹುನಿರೀಕ್ಷಿತ ಸ್ಮಾರ್ಟ್‌ಫೋನ್ Realme GT 2 ಯನ್ನು Geekbench ಪ್ಲಾಟ್‌ಫಾರ್ಮ್‌ನಲ್ಲಿ ಗುರುತಿಸಲಾಗಿದ್ದು, Realme GT 2 ಸ್ಮಾರ್ಟ್‌ಫೋನಿನ ಬಹು ವಿಶೇಷತೆಗಳ ಮಾಹಿತಿಯನ್ನು ಬಹಿರಂಗಪಡಿಸಲಾಗಿದೆ. ಗೀಕ್‌ಬೆಂಚ್‌ನಲ್ಲಿ 1125 ರ ಸಿಂಗಲ್-ಕೋರ್ ಸ್ಕೋರ್ ಮತ್ತು 3278 ಮಲ್ಟಿ-ಕೋರ್ ಸ್ಕೋರ್‌ನೊಂದಿಗೆ Realme GT 2 ಫೋನನ್ನು ಪಟ್ಟಿಮಾಡಲಾಗಿದ್ದು, ಈ ಸ್ಮಾರ್ಟ್‌ಫೋನ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 888 SoC ಆನ್‌ಬೋರ್ಡ್‌ನೊಂದಿಗೆ Android 12 ನಲ್ಲಿ ರನ್ ಆಗುತ್ತಿದೆ ಮತ್ತು 12GB RAM ರೂಪಾಂತರದಲ್ಲಿ ಬರಲಿರುವ ಬಗ್ಗೆ ಖಚಿತ ಮಾಹಿತಿ ದೊರೆತಿದೆ.

Geekbench ಪ್ಲಾಟ್‌ಫಾರ್ಮ್‌ನಲ್ಲಿ ಸೇರಿದಂತೆ ಈಗಾಗಲೇ NBTC, TENNA, ಮತ್ತು BIS ನಂತಹ ಇತರ ಪ್ಲ್ಯಾಟ್‌ಫಾರ್ಮ್‌ಗಳಲ್ಲಿ Realme GT 2 ಸ್ಮಾರ್ಟ್‌ಫೋನ್ ಅನ್ನು ಗುರುತಿಸಲಾಗಿದ್ದು, ಈ ಮೂಲಕ ಸ್ಮಾರ್ಟ್‌ಫೋನಿನ ಬಹು ಫೀಚರ್ಸ್ ಮಾಹಿತಿಗಳು ಬಹುತೇಕ ಖಚಿತಗೊಂಡಂತಾಗಿವೆ. Realme GT 2 ಸ್ಮಾರ್ಟ್‌ಫೋನಿನಲ್ಲಿ 6.62-ಇಂಚಿನ AMOLED ಡಿಸ್ಪ್ಲೇಯನ್ನು ತರಲಾಗಿದೆ ಎಂಬುದು ಈ ಮೊದಲೇ ಬಹಿರಂಗವಾಗಿದೆ. ಇದಲ್ಲದೇ, ಸಾಧನದ ಸೋರಿಕೆಯಾದ ಚಿತ್ರಗಳಿಂದ, ಹಿಂಭಾಗದಲ್ಲಿ ಟ್ರಿಪಲ್-ಕ್ಯಾಮೆರಾ ಸೆಟಪ್ ಇದೆ ಎಂದು ತಿಳಿದುಬಂದಿದ್ದು, ಇದರಲ್ಲಿ ಸಂವೇದಕವು 8MP ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್ ಮತ್ತು 2MP ಸಂವೇದಕದೊಂದಿಗೆ ಜೋಡಿಯಾಗಿರುವ 50MP ಲೆನ್ಸ್ ಅನ್ನು ಹೊಂದಿದೆ ಎಂದು ಹೇಳಲಾಗುತ್ತದೆ.

ಇದೀಗ ಈ ಮಾಹಿತಿಗಳ ಜೊತೆಗೆ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 888 SoC ಆನ್‌ಬೋರ್ಡ್‌ನೊಂದಿಗೆ Android 12 ನಲ್ಲಿ ರನ್ ಆಗುತ್ತಿದೆ ಮತ್ತು 12GB RAM ರೂಪಾಂತರದಲ್ಲಿ ಬರಲಿರುವ ಬಗ್ಗೆ ಮಾಹಿತಿ ದೊರೆತಿದೆ. ಇನ್ನು ಈ ಸ್ಮಾರ್ಟ್‌ಫೋನ್ 65W ವೇಗದ ಚಾರ್ಜಿಂಗ್‌ಗೆ ಬೆಂಬಲದೊಂದಿಗೆ 5000mAh ಬ್ಯಾಟರಿಯನ್ನು ಪ್ಯಾಕ್ ಮಾಡುವ ನಿರೀಕ್ಷೆಯಿದೆ. ಇದು 8GB + 128GB ಮತ್ತು 12GB + 256GB ಯೊಂದಿಗೆ ಎರಡು ರೂಪಾಂತರಗಳಲ್ಲಿ ಬರಬಹುದು ಹಾಗೂ GT 2 ಸರಣಿಯು ವೆನಿಲ್ಲಾ Realme GT 2, Realme GT 2 Pro ಮತ್ತು ಕ್ಯಾಮರಾ-ಕೇಂದ್ರಿತ ಮಾದರಿ ಸೇರಿದಂತೆ ಮೂರು ಸಾಧನಗಳೊಂದಿಗೆ ಬರುವ ನಿರೀಕ್ಷೆಯಿದೆ ಎಂದು ಪ್ರಮುಖ ಟೆಕ್ ಮಾಧ್ಯಮಗಳು ವರದಿ ಮಾಡಿವೆ.
ಜಿಯೋವಿನ ಅತ್ಯಂತ ಅಗ್ಗದ ಪ್ಲ್ಯಾನ್‌ಗೆ ಬ್ರೇಕ್!..ಗ್ರಾಹಕರ ಆಕ್ರೋಶ!
Realme GT 2 ಬಿಡುಗಡೆಯ ಜೊತೆಗೆ Realme GT 2 Pro ಸ್ಮಾರ್ಟ್‌ಫೋನ್ ಬಿಡುಗಡೆ ಕುರಿತಂತೆಯೂ ವದಂತಿಗಳು ಹರಿದಾಡಿವೆ. Realme GT 2 Pro ಸ್ಮಾರ್ಟ್‌ಫೋನ್ Qualcomm ನ ಪ್ರಮುಖ ಚಿಪ್‌ಸೆಟ್, Snapdragon 8 Gen1 ನೊಂದಿಗೆ ಬರುವ ನಿರೀಕ್ಷೆಯಿದೆ. Realme GT 2 Pro ಪೋನ್ 1TB ವರೆಗಿನ ಶೇಖರಣಾ ಆಯ್ಕೆಯೊಂದಿಗೆ ಬರಬಹುದು ಎಂಬ ವದಂತಿಗಳಿವೆ. ಸೋರಿಕೆಯಾದ ವಿಶೇಷಣಗಳಿಂದ, Realme GT 2 ಸರಣಿಯು ಅತ್ಯಂತ ಬಲವಾದ ಪ್ರಮುಖ ಸ್ಮಾರ್ಟ್‌ಫೋನ್ ಸರಣಿಯಂತೆ ಕಾಣುತ್ತದೆ. ಹೈ ಎಂಡ್ ಫೀಚರ್ಸ್ ಹೊತ್ತಿರುವ ಈ ಸ್ಮಾರ್ಟ್‌ಫೋನ್‌ಗಳ ಬೆಲೆಗಳ ಮೇಲೆ ಎಲ್ಲರ ದೃಷ್ಟಿಯಿದೆ. ಒಟ್ಟಿನಲ್ಲಿ ಜನವರಿ 4 ರಂದು ಈ ಎಲ್ಲ ವದಂತಿಗಳಿಗೂ ಬ್ರೇಕ್ ಬೀಳಲಿದೆ.