Realme C15: ಮಾರುಕಟ್ಟೆಗೆ ಬಂತು ಕ್ವಾಲ್ಕಂ ಎಡಿಶನ್ ಮತ್ತು ಕ್ವಾಡ್ ಕ್ಯಾಮರಾ ಫೋನ್

ಬಿಬಿಕೆ ಗ್ರೂಪ್‌ನ ಪ್ರಸಿದ್ಧ ಬ್ರ್ಯಾಂಡ್ ಮತ್ತು ದೇಶದಲ್ಲಿ ಅತಿಹೆಚ್ಚಿನ ಸ್ಮಾರ್ಟ್‌ಫೋನ್ ಮಾರಾಟ ಮಾಡುವ ರಿಯಲ್‌ಮಿ, ಸಿ ಸರಣಿಯಲ್ಲಿ ಪರಿಷ್ಕೃತ C15 ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡಿದೆ. ರಿಯಲ್‌ಮಿ C15 ಕ್ವಾಲ್ಕಂ ಎಡಿಶನ್ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ.

ರಿಯಲ್‌ಮಿ C15
ರಿಯಲ್‌ಮಿ ಈ ಮೊದಲು ಸಿ ಸರಣಿಯಲ್ಲಿ ಮೀಡಿಯಾಟೆಕ್ ಪ್ರೊಸೆಸರ್ ಸಹಿತ ರಿಯಲ್‌ಮಿ C15 ಫೋನ್ ಬಿಡುಗಡೆ ಮಾಡಿತ್ತು. ಈಗ ಕ್ವಾಲ್ಕಂ ಸ್ನ್ಯಾಪ್‌ಡ್ರ್ಯಾಗನ್ 460 ಚಿಪ್‌ಸೆಟ್ ಸಹಿತ ಮಾರುಕಟ್ಟೆಗೆ ಲಗ್ಗೆ ಇರಿಸಿದೆ. ಹೊಸ ಫೋನ್ ದರದಲ್ಲಿ 500 ರೂ. ವ್ಯತ್ಯಾಸವಾಗಿದೆ. ಅಕ್ಟೋಬರ್ 29ರಿಂದ ಮಧ್ಯಾಹ್ನ 12 ಗಂಟೆಗೆ ಸೇಲ್ ಆರಂಭವಾಗಲಿದೆ.

ರಿಯಲ್‌ಮಿ ಹೊಸ C15 ಬೆಲೆ
ಹೊಸ Realme C15 ಕ್ವಾಲ್ಕಂ ಆವೃತ್ತಿ 3/32 GB ಮಾದರಿಗೆ 9,999 ರೂ. ಮತ್ತು 4/64 GB ಆವೃತ್ತಿಗೆ 10,999 ರೂ. ದರವಿದೆ. ಪವರ್ ಬ್ಲೂ ಮತ್ತು ಪವರ್ ಸಿಲ್ವರ್ ಬಣ್ಣದಲ್ಲಿ ಹೊಸ ಫೋನ್ ದೊರೆಯಲಿದೆ. ಫ್ಲಿಪ್‌ಕಾರ್ಟ್, ರಿಯಲ್‌ಮಿ ಮತ್ತು ಪ್ರಮುಖ ರಿಟೇಲ್ ಸ್ಟೋರ್‌ಗಳ ಮೂಲಕ ಹೊಸ ಫೋನ್ ದೊರೆಯುತ್ತದೆ. ಜತೆಗೆ ಆರಂಭಿಕ ಕೊಡುಗೆಯಾಗಿ 500 ರೂ. ಡಿಸ್ಕೌಂಟ್ ಆಫರ್ ಕೂಡ ಪಡೆಯಬಹುದು.

LG Wing: ತಿರುಗಿಸಬಲ್ಲ ಸ್ಕ್ರೀನ್ ಸಹಿತ ಫೋನ್ ಬಿಡುಗಡೆ ಮಾಡಿದ ಎಲ್‌ಜಿ

Realme C15
ಹೊಸ ರಿಯಲ್‌ಮಿ ಫೋನ್ 6.5 ಇಂಚಿನ HD+ ಡಿಸ್‌ಪ್ಲೇ, 13+8+2+2 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮರಾ ಹಾಗೂ 8 ಮೆಗಾಪಿಕ್ಸೆಲ್ ಸೆಲ್ಫಿ ಕೂಡ ಇದರಲ್ಲಿದೆ. 6000mAh ಬ್ಯಾಟರಿ ಮತ್ತು 18W ಫಾಸ್ಟ್ ಚಾರ್ಜಿಂಗ್ ರಿಯಲ್‌ಮಿ C15 ವಿಶೇಷತೆಯಾಗಿದೆ.

Oppo Smart TV: ಒಪ್ಪೋ ನೂತನ ಸ್ಮಾರ್ಟ್ ಟಿವಿ ಶೀಘ್ರದಲ್ಲಿ ಬಿಡುಗಡೆ