Realme C17: ನವೆಂಬರ್‌ನಲ್ಲಿ ದೇಶದ ಮಾರುಕಟ್ಟೆಗೆ ಬಿಡುಗಡೆಯಾಗುತ್ತಿದೆ ರಿಯಲ್‌ಮಿ ಫೋನ್

ಚೀನಾ ಮೂಲದ ಬಿಬಿಕೆ ಗ್ರೂಪ್ ಒಡೆತನದ ಸಂಸ್ಥೆ ರಿಯಲ್‌ಮಿ, ದೇಶದ ಮಾರುಕಟ್ಟೆಗೆ ನೂತನ ಸ್ಮಾರ್ಟ್‌ಫೋನ್ ಅನ್ನು ಶೀಘ್ರದಲ್ಲೇ ಬಿಡುಗಡೆ ಮಾಡಲಿದೆ. ರಿಯಲ್‌ಮಿ ಸಿ ಸರಣಿಯಲ್ಲಿ ನೂತನ ಸ್ಮಾರ್ಟ್‌ಫೋನ್ ರಿಯಲ್‌ಮಿ ಸಿ17 ನವೆಂಬರ್‌ನಲ್ಲಿ ಬಿಡುಗಡೆಯಾಗುವುದು ಬಹುತೇಕ ನಿಶ್ಚಿತವಾಗಿದೆ.

ರಿಯಲ್‌ಮಿ ಸ್ಮಾರ್ಟ್‌ಫೋನ್
ರಿಯಲ್‌ಮಿ ದೇಶದ ಮಾರುಕಟ್ಟೆಯಲ್ಲಿ ಅತ್ಯಂತ ಅಲ್ಪಾವಧಿಯಲ್ಲಿಯೇ ಗರಿಷ್ಠ ಸಂಖ್ಯೆಯ ಸ್ಮಾರ್ಟ್‌ಫೋನ್ ಬಿಡುಗಡೆ ಮಾಡುವ ಮೂಲಕ ಜನಪ್ರಿಯತೆ ಗಳಿಸಿದೆ. ಆರಂಭಿಕ ಬಜೆಟ್‌ನ ಸ್ಮಾರ್ಟ್‌ಫೋನ್ ತೊಡಗಿ, ಮೀಡಿಯಂ ಮತ್ತು ಪ್ರೀಮಿಯಂ ಸರಣಿಯ ಫೋನ್‌ಗಳನ್ನು ಕೂಡ ರಿಯಲ್‌ಮಿ ಮಾರುಕಟ್ಟೆಗೆ ಪರಿಚಯಿಸುತ್ತಿದೆ. ಈ ಬಾರಿ ರಿಯಲ್‌ಮಿ ಸಿ ಸರಣಿಯಲ್ಲಿ ಹೊಸ ಫೋನ್ ಬಿಡುಗಡೆ ಮಾಡಲು ಸಜ್ಜಾಗಿದೆ.

ರಿಯಲ್‌ಮಿ C17
ರಿಯಲ್‌ಮಿ ನೂತನ ಫೋನ್ ಸರಣಿಯಲ್ಲಿ C17 ಪರಿಚಯಿಸಲ್ಪಡುತ್ತಿದೆ. ಹಿಂಬದಿಯಲ್ಲಿ ನಾಲ್ಕು ಕ್ಯಾಮರಾ ವಿನ್ಯಾಸ, ಒಕ್ಟಾ ಕೋರ್ ಸ್ನ್ಯಾಪ್‌ಡ್ರ್ಯಾಗನ್ 460 ಪ್ರೊಸೆಸರ್ ಹೊಸ ಫೋನ್‌ನಲ್ಲಿ ಇರಲಿದೆ. ಅಲ್ಲದೆ, ಅಂದಾಜು 13,900 ರೂ. ದರ ಹೊಂದಿರುತ್ತದೆ ಎನ್ನಲಾಗಿದೆ. 6 GB ಮತ್ತು 128 GB ಸ್ಟೋರೇಜ್ ಆವೃತ್ತಿಯಲ್ಲಿ ಹೊಸ ಫೋನ್ ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಜತೆಗೆ ಲೇಕ್ ಗ್ರೀನ್ ಮತ್ತು ನೇವಿ ಬ್ಲೂ ಬಣ್ಣದಲ್ಲಿ ನೂತನ ಫೋನ್ ಮಾರುಕಟ್ಟೆಗೆ ಲಗ್ಗೆ ಇರಿಸಲಿದೆ.

iPhone 12: 16,990 ರೂ.ಗೆ ಆ್ಯಪಲ್ ಐಫೋನ್ 12 ಖರೀದಿಸುವುದು ಹೇಗೆ?

ನವೆಂಬರ್‌ನಲ್ಲಿ ಮಾರುಕಟ್ಟೆಗೆ ರಿಯಲ್‌ಮಿ C17
6.5 ಇಂಚಿನ HD+ ಡಿಸ್‌ಪ್ಲೇ ಸಹಿತ ಹೊಸ ಫೋನ್ ಆಂಡ್ರಾಯ್ಡ್ 10, 6 GB LPDDR4X RAM ಮತ್ತು 128 GB ಮೂಲಕ ದೊರೆಯಲಿದೆ. ಜತೆಗೆ 13+8+2+2 ಮೆಗಾಪಿಕ್ಸೆಲ್ ಹಿಂಬದಿ ಕ್ಯಾಮರಾ ಮತ್ತು 8 ಮೆಗಾಪಿಕ್ಸೆಲ್ ಸೆಲ್ಫಿ ಕೂಡ ಇದರಲ್ಲಿ ಇರಲಿದೆ.

Redmi K30s: ಹೊಸ ಫೋನ್ ಬಿಡುಗಡೆ ಮಾಡಿದ ಶವೋಮಿ ರೆಡ್ಮಿ